កំពង់ស្ពឺ៖ ប្រឡាយទឹកដែលជាប្រឡាយចាស់សម្រាប់បញ្ជៀសទឹកលូតាមផ្ទះនិងទឹកភ្លៀងនិងជាដីសម្បត្តិសាធារណះរបស់រដ្ឋត្រូវបានប្រជាពលរដ្ឋនិងការ៉ាស់សាំងបានចាក់ដីលុបទាំងបំពានមិនកោតខ្លាចអាជ្ញាធរ។រឿងនេះត្រូវបានគេដឹងមានពាក់ពន្ធ័ខាងមន្ទីរធនធានទឹកដែល
ហ៊ានបើកដៃឲ្យមានការលុបប្រឡាយហើយមិនបានគិតពីផលប៉ះពាល់ទៅថ្ងៃក្រោយពីមួយឆ្នាំទៅមួយឆ្នាំខណះប្រទេសកំពង់អភិវឌ្ឍន៏។
ទីតាំងដែលមានគេបានចាក់ដីលុបប្រឡាយនោះស្ថិតក្នុងភូមិក្រាំងពលទេពសង្កាត់រការធំក្រុងច្បារមនខេត្តកំពង់ស្ពឺ។បើតាមការឲ្យដឹងពីមន្ត្រីសាលាក្រុងបានឲ្យដឹងថាការចាក់ដីលុបប្រឡាយទឹកដែលជាដីសាធរណះរបស់រដ្ឋនេះបានធ្វើឡើងជាយូមកហើយចាប់តាំងពីការ៉ាស់សាំងតេលាជាប់ផ្លូវច្បារមនមកកើតដល់ជាប់របងធននាគារកាណាឌីយ៉ាហើយថ្មីនេះក៏មានការចាក់បន្ថែមទើបខាងសាលាក្រុងដឹងហើយបានចុះទៅឃាត់។
ប្រភពបន្តថាបើបីជាខាងសាលាក្រុងបានចុះឃាត់បែបណាក៏នៅមានការលួចចាក់ពេលយប់និងថ្ងៃពេលដែលអាជ្ញាធរភ្លេចខ្លួន។ពេលចុះឃាត់ម្តងម្ចាស់ផ្ទះតែងតែអាងថាពួកគេបានសុំខាងធនធានទឹកហើយដូចនេះគេមិនខុសច្បាប់ទេហើយចេះតែលួចចាក់បន្តនិងបានលុបប្រឡាយអស់ជាច្រើនមកដល់ពេលនេះ។
ចំពោះរឿងចាក់ដីលុបប្រឡាយនេះលោកអៀរ.ពិសិដ្ឋ ប្រធានមន្ទីរធនធានទឹក ខេត្តបានប្រាប់កម្ពុជាថ្មីថារឿងនេះលោកបានដឹងហើយធ្លាប់បានឲ្យគេចុះឃាត់ម្តងជាពីរដងរួចមកហើយតែនៅតែមានអ្នកលួចចាក់បន្តពេលនេះលោកបានឲ្យមានអ្នកឃ្លាំមើលជាប្រចាំក្នុងសកម្មភាពនេះ។
ប្រធានមន្ទីរធនធានទឹក ខេត្តបានបន្តថាខាងមន្ទីរបានឲ្យសាលាក្រុងច្បារមន លើកជាគោលការណ៏រួមមកឲ្យមន្ទីរនិងបានដាក់ឆ្លងលោកអភិបាលខេត្តលោកសម្រេចឯកភាពថាត្រូវដាក់លូដូចគា្នទាំងអស់គ្នាឬមិនអនុញ្ញាតិឲ្យចាក់លុបឬយ៉ាងណា។
ប្រធានមន្ទីរធនធានទឹកខេត្តសង្កត់ធ្ងន់ថាយើងត្រូវលើកជាគោលការណ៏រួមទាំងសាលាក្រុងនិងមន្ទីរធនធានទឹកមិនត្រូវចាំអង្គុយបក់ផ្សែងដាក់គ្នាទេបើអញ្ចឹងការងារអីក៏វាមិនទៅមុខរួចឡើយ។
រឿងរ៉ាវចាក់ដីលុបប្រឡាយនេះត្រូវបានមហាជនលើកឡើងថាកន្លងមកការចាក់ដីលុបប្រឡាយទឹកនេះធ្វើទៅបានគឺមានការឃុបឃិតគ្នាពីសំណាក់អាជ្ញាធរអសស់នោះមែនតែជាធម្មតាកាលមានតែផ្ទះ២ឬ៣ផ្ទះប៉ុណ្ណោះលុះដល់អ្នកធ្វើក្រោយឃើញអ្នកមុនធ្វើបានក៏ចាប់ផ្តើមតាមគ្នាបែបនេះ។
ពលរដ្ឋអ្នកដែលមានផ្ទះជាប់ប្រឡាយទឹកនេះជាច្រើនគ្រួសារបានលើកឡើងគ្រប់ៗគ្នាថាបើលោកអភិបាលខេត្តឬអាជ្ញាធរណាបើកដៃឲ្យចាក់លុបប្រឡាយគឺត្រូវចាក់លុបដូចគ្នាតែបើមិនឲ្យចាក់មិនឲ្យទាំងអស់គ្នាដោយឡែកអ្នកលុបមុនត្រូវតែកាយប្រឡាយវិញទើបស្មើរភាពគ្នា។បើលោកអភិបាលខេត្តមានចំណាត់ការដូចការលើកឡើងរបស់ពលរដ្ឋមែននោះនិងអាចវែកមុខមន្ត្រីដែលបានឃុបឃិតបើកឲ្យមានការចាក់ដីលុបប្រឡាយទឹមមិនខានពីព្រោះអ្នកចាក់លុបលើកមុនម្នាក់ៗសុតតែបានសូកប៉ាន់ដល់មន្ត្រីមួយចំនួនមែន៕
