ខេត្តកំពង់ស្ពឺ ៖ ប្រធានមន្ទីរប្រៃសណីយ៍ និងទូរគមនាគមន៍ខេត្តកំពង់ស្ពឺលោក ម៉ែន កែវ កំពងត្រូវបានមន្ត្រីក្រោមឪវាទមួយចំនួនអះអាងថាឆ្នាំថាប្រធានមន្ទីររបស់ខ្លួនពូកែប្រព្រឹត្តអំពើពុករលួយដោយកឹបកេងថវិការជាតិ ក្នុងមួយឆ្នាំៗអស់ទឹកប្រាក់រាប់សិបលានរៀល ហើយប្រធានមន្ទីរមួយនេះបានធ្វើឯកសារបំប៉ោងការចំណាយនានាដើម្បីឲ្យត្រូវតាមចំនួនទឹកប្រាក់ដែលលោកប្រធានមន្ទីរមួយនេះបានកឹបកេង។
មន្ត្រីមន្ទីរប្រៃសណីយ៍ខេត្តកំពង់ស្ពឺបានឲ្យដឹងថានៅក្នុងមន្ទីររបស់គាត់ដែលមានលោក ម៉ែន កែវ ជាប្រធាននោះអស់រយៈពេលជាច្រើនឆ្នាំនោះបានកើតមានអំពើពុករលួយដុសស្លែរ និងបក្ខពួកនិយមនៅក្នុងមន្ទីរដែលបានធ្វើមន្ត្រីដែលអត់ខ្សែរមានសតិអារម្មណ៍មិនល្អក្នុងការបំរើការងារទេ។
ហើយបើនិយាយអំពីអំពើពុករលួយនៅក្នុងនោះគឺមានច្រើនករណីណាស់ដែលប្រព្រឹត្តឡើងដោយលោក ម៉ែន កែវ និងបក្ខពួកមួយក្ដាប់តូច។ អំពើពុករលួយរបស់លោក ម៉ែន កែវ និងបក្ខពួកបានធ្វើឲ្យបាត់បង់ថវិការជាតិក្នុងមួយឆ្នាំៗរាប់សិបលានរៀលដែលក្រសួងនិងក្រុមអធិការកិច្ចមិនបានដឹង។
ព្រោះថាថវិការដែលពួកគេបានឃុបឃិតគ្នាកឹបកេងនោះត្រូវបានគេធ្វើឯកសារបំប៉ោងតួលេខចំណាយនានា ឲ្យស្របទៅតាមទឹកប្រាក់ដែលរដ្ឋបានផ្តល់ជូនសម្រាប់ការចំណាយផ្សេងៗ។ តួយ៉ាងដូចជាការចំណយថវិការជាតិឆ្នាំ២០១៣ កន្លងមកនេះគឺមន្ទីរប្រៃសណីយ៍ខេត្តកំពង់ស្ពឺបានចំណយប្រាក់លើជំពូក៦០ អស់ចំនួន ១២៨,៨៧៣៤៨០ រៀល ការចំណាយលើ ជំពូក៦១ អស់ចំនួន ៨៥,០០០០០០ និងជំពូក៦២ អស់ចំនួន ២៦,៦០៦៨២១ រៀល ប៉ុន្តែការចំណាយទាំងនេះសុទ្ធតែជាការបំប៉ោងតួលេខដើម្បីកឹបកេងចវិការជាតិ។
សម្រាប់ការចំណាយពិតប្រាកដរបស់មន្ទីរប្រៃសណីយ៍ខេត្តកំពង់ស្ពឺគឺមានចំនួនដ៍តិចតួច ព្រោះថាមន្ទីរមួយនេះសព្វថ្ងៃពុំសូវមានការងារនិងបេសកម្មនោះទេ ប៉ុន្តែតួលេខនៃការចំណាយក្នុងការប្រើប្រាស់ប្រេងឥន្ធៈ និងប្រាក់សាហ៊ុយចំណាយទូទាត់ក្នុងប្រទេស(បេសកម្ម)បែជាមានតួលេខខ្ពស់លើមន្ទីរដែលមានការងារច្រើន និងបេសកម្មញឹកញាប់ទៅទៀត នេះគ្រាន់តែនិយាយអំពីប្រេងឥន្ធៈ និងសាហ៊ុយបេសកម្ម។
បើនិយាយអំពីការចំណាយលើផ្នែកផ្សេងៗទៀត ក៍មានលក្ខណៈដូចគ្នាដែរ។ បើនិយាយឲ្យចំរាល់ការចំណាយរបស់មន្ទីរប្រៃសណីយ៍ខេត្តកំពង់ស្ពឺរាល់ប្រាក់ទូទាត់ត្រង់គឺសុទ្ធតែមានភាពមិនប្រក្រតីទាំអស់។ ដោយសារតែមានការបំប៉ោងតួលេខចំណាយនោះបានធ្វើឲ្យលោកប្រធានមន្ទីរ ម៉ែន កែវ ទទួលបានផលប្រយោជ៍យ៉ាងច្រើនអំពីអំពើពុករលួយនេះ។ 
