ម៉ូស៊ុលៈ ភ្លាមៗប្រជាជនអ៊ីរ៉ាក់ច្រើនជាង១៥ម៉ឺននាក់ត្រូវបានបង្ខំឲ្យរត់ចេញពីទីក្រុងម៉ូស៊ុល ( Mosul) របស់អ៊ីរ៉ាក់ ក្រោយពីក្រុមសកម្មប្រយុទ្ធអ៊ីស្លាមនិយមបានធ្វើការគ្រប់គ្រងទីក្រុងនេះ ទាំងស្រុងកាលពីថ្ងៃអង្គារ។ មកដល់ថ្ងៃពុធ មនុស្សសរុបកន្លះលាននាក់(៥០ម៉ឺននាក់)បានបង្ខំចិត្តភៀសខ្លួនចេញពី ទីក្រុងនេះ ខណៈពេលក្រុមយោធាអ៊ីស្លាមបានកាន់កាប់បន្ថែមនូវក្រុងទីគ្រីតមួយទៀត បន្ទាប់ពីក្រុង ម៉ូស៊ុល និងខេត្តនីណេវេស។ កងកម្លាំងរដ្ឋាភិបាលក៏បានស្ថិតក្នុងចំណោមអ្នកដែលរត់គេចខ្លួនផងដែរ។
អង្គការអន្តរជាតិទទួលបន្ទុកជនភៀសខ្លួនដែលមានមូលដ្ឋាននៅហ្សឺណែវ បានឲ្យដឹងថា មនុស្ស៥០ម៉ឺននាក់បានភៀសខ្លួន បង្ខំចិត្តចាកចេញទាំងក្នុង និងក្រៅទីក្រុង (The Geneva-based International Organisation for Migration (IOM) said the takeover had "displaced over 500,000 people in and around the city".)។
លោក Nouri Maliki នាយករដ្ឋមន្ត្រីអ៊ីរ៉ាក់ បានឆ្លើយតបតាមរយៈការស្នើឲ្យសភាប្រកាសដាក់រដ្ឋស្ថិតក្នុងភាពអាសន្ន ដើម្បីផ្តល់ឲ្យលោកនូវអំណាចកាន់តែខ្លាំង ដូចជាការបំពាក់អាវុធដល់ប្រជាជនដើម្បី តទល់នឹងពួកសកម្មប្រយុទ្ធអ៊ីស្លាមនិយម។ ស្របពេលជាមួយគ្នានោះ សហរដ្ឋអាមេរិក បានឲ្យដឹងថា ការវិវឌ្ឍនៅអ៊ីរ៉ាក់នេះ បានបង្ហាញថា ក្រុមបះបោរនៅអ៊ីរ៉ាក់ ISIS គឺជាការគំរាមមួយដល់តំបន់ទាំងមូល។
លោក Jen Psaki អ្នកនាំពាក្យឲ្យការិយាល័យការពារជាតិសហរដ្ឋអាមេរិក បាននិយាយថា ស្ថានភាពក្នុងទីក្រុង Mosul «ពិតជាធ្ងន់ធ្ងរ» ហើយថា អាមេរិក បានគាំទ្រ «ចំពោះការឆ្លើយតបយ៉ាងខ្លាំងមួយទៅកាន់ការឈ្លានពាននេះ»។
