បងប្អូនកម្មករខ្មែរជាច្រើនរយនាក់ ដែលទៅប្រកបមុខរបររកស៊ី ធ្វើជាកម្មករនៅប្រទេសថៃ នៅតែបន្ដនាំគ្នា ត្រឡប់មកប្រទេសកម្ពុជាយើងវិញ តាមច្រកអន្តរជាតិព្រំខេត្តប៉ៃលិន ដោយបងប្អូនកម្មករទាំងអស់នោះ ខ្លះធ្វើការនៅក្រុងបាងកក ខ្លះទៀតធ្វើនៅខេត្តចាន់បូរី ខេត្តឈុនបូរី និង
ខេត្ត មួយ ចំនួនទៀតនៃប្រទេសថៃ ដោយភ័យខ្លាយពីសុវត្ថិភាពផ្ទាល់ខ្លួនខណៈពេលដែលទាហានថៃបង្ខំ ឲ្យពួកគាត់ ត្រូវត្រឡប់មកប្រទេសកម្ពុជាវិញ ។
ពលករខ្មែរដែលបានចាកចេញពីប្រទេសថៃរាប់រាយនាក់ពីប្រទេថៃ មកដល់ប្រទេសកម្ពុជាយើង បាន បាននិយាយថា មូលហេតុដែលពួកគាត់ចាកចេញពីប្រទេសថៃ គឺដោយសារអាជ្ញាធរយោធាថៃបានរិត បណ្តឹង ផ្នែកសន្តិសុខ ហើយដាក់កំហិតឲ្យក្រុមហ៊ុនរោងចក្រ សហគ្រាស ឯកជនថៃទាំងអស់បញ្ឍប់ ប្រើប្រាស់ពល ករខ្មែរតទៅទៀត ។ ដូច្នេះក្រុមហ៊ុន រោងចក្រ សហគ្រាស ទាំងនោះសម្រេចឲ្យពលករខ្មែរ ដែលខ្លះ មានច្បាប់ខ្លះអត់ច្បាប់ត្រឡប់ទៅប្រទេសកម្ពុជាវិញ ពីព្រោះថៅកែមិនអាចទទួលខុសត្រូវ ចំពោះសុវត្ថិភាពពួក គាត់ឡើយ។ ទាក់ទងបញ្ហាដែលបងប្អូនពលករខ្មែរដែលធ្វើដំណើរត្រឡប់មកពីប្រទេសថៃចូលប្រទេសកម្ពុជាយើងវិញនេះ ត្រូវបានអាជ្ញាធរខេត្តពិសេស ឯកឧត្តមអ៊ីឈាន ប្រធានក្រុមប្រឹក្សាខេត្ត និងលោកជំទាវ បាន ស្រីមុំអ្នក តំណាងរាស្ត្រខេត្តប៉ៃលិន បានណែនាំឲ្យក្រុមការងារទំនាក់ទំនង់ព្រំដែនជួយសម្របសម្រួល ធ្វើយ៉ាងណា ឲ្យ បងប្អូន បានឆ្លងផុតពីព្រំដែនថៃមកកម្ពុជាវិញ ដោយសុវត្ថិភាពដោយគ្មានការទាលុយកាក់ពីខាងភាគីថៃ និងខាង ភាគីកម្ពុជាហើយចាត់ចែងរករថយន្ដជួយដឹកពួកគាត់ឲ្យបានត្រឡប់ទៅដល់ស្រុកកំណើតវិញ ។
បើប្អូនណាមិនមានថវិកាធ្វើដំណើរឯកឧត្តម និងលោកទាវបានចេញថវិកាផ្ទាល់ខ្លួន ជាសោហ៊ុយឲ្យបងប្អូនធ្វើដំណើរទៅដល់ស្រុកកំណើតវិញ ។ ជាក់ស្ដែងចាប់ពីថ្ងៃទី១១ ដល់ថ្ងៃទី១២ ខែមិថុនា ឆ្នាំ២០១៤ មានបងប្អូនពលករជាច្រើនរយនាក់ បានចេញពីប្រទេសថៃ ចូលមកប្រទេសកម្ពុជាយើង តាមច្រកព្រំដែនខេត្ត ប៉ៃលិនមានចំនួនជាង៦០០នាក់ ។ អ្នកខ្លះគ្មានថវិកាទៅស្រុកវិញ ត្រូវបានឯកឧត្តមអ៊ីឈាន និងលោកជំទាវ ចេញថ្លៃសោហ៊ុយរថយន្ដឲ្យបងប្អូនត្រឡប់ទៅផ្ទះវិញដោយសវត្ថិភាព ។
បងប្អូនពលករទាំងអស់បានបញ្ជាក់ថា នៅប្រទេសថៃយោធាថៃបានរឹតបន្ដឹងយ៉ាងខ្លាំង ផ្នែកសន្ដិសុខ ហើយមិនអនុញ្ញាត្តិ ឲ្យពលករខ្មែរធ្វើការនៅប្រទេសថៃទៀតទេ ។ ហេតុនេះហើយ ខ្លាចមានគ្រោះថ្នាក់ដល់ អាយុជីវិត ទើបធ្វើឲ្យបងប្អូនពលករខ្មែរទាំងអស់ ត្រូវតែត្រឡប់មកប្រទេសកម្ពុជាវិញ ។
សូមបញ្ញាក់ថា ពលករខ្មែរដែលត្រឡប់មកកម្ពុជាយើងវិញនេះ ភាគច្រើនរស់នៅខេត្តបន្ទាយមានជ័យ ខេត្តសៀមរាប ខេត្តតាកែវ ខេត្តព្រៃវែង ខេត្តបាត់ដំបង ហើយបងប្អូនទាំងអស់ ត្រូវឯកឧត្តម អ៊ី ឈាន និងលោក ជំទាវ បានស្រីមុំ អ្នកតំណាងរាស្ដ្រ ចាត់ចែងឲ្យក្រុមការងារ រករថយន្ដដឹកទៅស្រុកកំណើតវិញដោយ សុវត្ថិភាព ៕
