តាកែវ ៖ អគារសាលាវិទ្យាល័យ១ខ្នងមាន០៥បន្ទប់ត្រូវអគ្គីភ័យឆាបឆេះអស់ស្ទេីទាំងស្រុង
កាលពីយប់ថ្ងៃទី២៩ ខែតុលា ឆ្នាំ២០១៧ វេលា
ម៉ោង២៣និង៣០នាទីនៅវិទ្យាល័យ សុខ អាន ក្ដីទទឹម ស្ថិតក្នុងភូមិថ្កូវ ឃុំជើងគួន ស្រុកសំរោង ខេត្តតាកែវ ។
អធិការស្រុកសំរោង មឿង សារុន បានប្រាប់ថា អគ្គីភ័យដែលកេីតឡេីងខាងលើនេះបណ្ដាលឲ្យខូចខាតទីចាត់ការវិទ្យាល័យចំនួន០២បន្ទប់ បណ្ណាល័យ០១បន្ទប់ ឆេះកុំព្យូទ័រអស់០៣គ្រឿង ម៉ាស៊ីនព្រីនធេីចំនួន០៤គ្រឿង និងសម្ភារៈ ឯកសាររដ្ឋបាលមួយចំនួនធំផងដែរឆេះ។ ដោយឡែក ក្រោយពេលកេីតមានករណីនេះភ្លាម
ឯកឧត្តម ឧត្តមសេនីយ៍ទោ សុខ សំណាង ស្នងការនគរបាលខេត្ត បានបញ្ជាកម្លាំងជំនាញការិយាល័យបង្ការនិងពន្លត់អគ្គីភ័យនៃស្នងការការដ្ឋាននគរបាកខេត្ត ចេញរថយន្តធ្វេីអន្តរាគមន៍ចំនួន០២គ្រឿង ដើម្បីជួយពន្លត់រហូតភ្លេីងរលត់បានទាំងស្រុងនៅវេលាម៉ោង០៣និង០០នាទីថ្ងៃទី៣០ ខែតុលា ឆ្នាំ២០១៧។
ករណីនេះដែរបេីសមត្ថកិច្ចបានសន្និដ្ឋានថា គឺបណ្តាលមកពីទុស្សេខ្សែភ្លើងក្នុងសាលារហូតកេីតជាអណ្តាតភ្លេីងឆេះរាលដាលតែម្តងទៅ៕
