ខេត្តកំពង់ធំ ៖ ក្រោយពីរដ្ឋបាលថៃបានប្រកាស ប្តេជ្ញាចិត្តបោសសំអាតជនអន្តោបវេសន៍ ដែលបានចូលទៅ ទៅការខុសច្បាប់ ត្រូវបានអាជ្ញាធរថៃ បញ្ជូនពលករទាំងនេះត្រឡប់មកវិញ ដែលត្រូវបានគណៈកម្មការរៀប ចំការដឹកជញ្ជូនពលករមក ស្រុកកំណើត ចំនួន ៩ថ្ងៃ គិតត្រឹមថ្ងៃទី ១៧ ខែមិថុនា ឆ្នាំ២០១៤នេះ កំណើន ពលករបានកើនឡើងជាង១៨ម៉ឺននាក់។
ក្នុងនោះគឺជាពលករដែលនៅក្នុងខេត្ត សៀមរាប ខេត្តបន្ទាយមានជ័យ ខេត្តបាត់ដំបង ខេត្តពោធិសាត់ ខេត្តកំពង់ឆ្នាំង ខេត្តកំពង់ស្ពឺ ខេត្តកំពត ខេត្តស្វាយរៀង ខេត្តកំពង់ចាម ខេត្តស្វាយរៀង ខេត្តព្រៃវែង ខេត្តកំពង់ធំ ខេត្តកណ្តាល ភ្នំពេញ ខេត្តតាកែវ ខេត្តក្រចេះ និងខេត្តមួយចំនួនទៀត យោងតាមការសង្កេតការណ៍ របស់សមត្ថកិច្ច បានបញ្ជាក់ថាចំនួនពលករនៅថ្ងៃនេះ មានការថយចុះ។
ដោយឡែកឯកឧត្តម គង់ វិមាន អភិបាលរងខេត្ត តំណាងឯកឧត្តម អ៊ុត សំអន អភិបាលខេត្តកំពង់ធំ និងកំលាំងតំបន់ប្រតិបត្តិការសឹករងកំពង់ធំ ប៉ូលិស ប៉េអ៊ឹម និងក្រុមគ្រូពេទ្យ បាន ចុះប្រតិបត្តិការផ្ទាល់ ក្នុងការសួរសុខទុក្ខ និងរៀបចំរថយន្តសម្រាប់ដឹកពលករមក ខេត្តកំពង់ធំ ឯកឧត្តម បានបញ្ជាក់ថា ចំនួនរថយន្តដែលបានដឹកពលករមកខេត្តកំពង់ធំ ចាប់តាំងពីព្រលឹម ដល់ម៉ោង ៨.០០នាទី យប់ក្នុងថ្ងៃនេះ គឺមាន
ចំនួន ២០ឡានហើយ ចំណែកតួរលេខ ចំនួនពលករទាំងអស់ ដែលបានវិលត្រឡប់ មកស្រុកកំណើតវិញ សម្រាប់ខេត្តកំពង់ធំគឹតត្រឹមថ្ងៃនេះ ចំនួនពលករមាន៩៨៦២នាក់ សម្រាប់ពលករ ដែលបានមកដល់ខេត្តកំពង់ធំ នៅពេលយប់អាជ្ញាធរខេត្តបានរៀបចំ ទទួលបានទឹក និងកន្លែងស្នាក់នៅសមរម្យ លុះព្រឹកឡើងទើបចាត់ចែងបញ្ជូនទៅតាមស្រុក។ ដោយឡែកទិដ្ឋភាពរបស់ពលករ ដែលកំពុងតែសម្រុកចូលមក ជាបន្តាបន្ទាប់ ដោយអ្នកខ្លះបានបង្ហាញនូវ ទឹកមុខក្រៀមក្រំ អ្នកខ្លះសម្រក់ទឹកភ្នែក អ្នកខ្លះខ្យល់គរ អ្នកខ្លះទៀតត្រូវបានចាញបោក ពីអ្នកការលួងលោម របស់អ្នករត់តាក់ស៊ី ។
ពលករម្នាក់បានប្រាប់អ្នកយកពត៌មានថា គាត់បានខ្ចីលុយគេ ដើម្បីឲ្យមេខ្យល់ដើម្បី ទៅធ្វើការនៅប្រទេសថៃ តែគាត់ពុំទាន់បើកប្រាក់ខែផង ក៏ស្រាប់តែត្រូវបានគេចាប់បញ្ជូន ពេលនេះគ្មានអ្វី សងគេទេ ។ ចំណែកអាជ្ញាខេត្តបន្ទាយមានជ័យ និងគណៈកម្មការ ព្រមទាំងសប្បុរសជននិងអង្គការជាតិ និងអង្គការអន្តរជាតិ បានរួមគ្នាជាកំលាំងមនុស្សធម៌ នាំយកទឹកសុទ្ធ បាយប្រអប់ មី ទឹកដោះគឆៅ ខោទឹកនោមកូនក្មេង សម្រាប់ចែកជូនពលករចំណាក់ស្រុក មិនតែប៉ុណ្ណោះមានរថយន្តតូចធំ រាប់រយគ្រឿង បានមកដឹកជញ្ជូនទៅ តាមបណ្តាខេត្ត ក្នុងយុទ្ធនានេះ គឺព្រីគ្រប់យ៉ាង ។ 
