ខេត្តព្រះវិហារ៖ យុវជនម្នាក់បានស្លាប់បាត់បង់ជីវិតភ្លាមៗ ខណៈដែលរូបគេជិះរថយន្ត ១គ្រឿង ធ្វើដំណើរក្នុងល្បឿនយ៉ាងលឿន លុះមកដល់ចំណុចផ្លូវកោង បណ្ដាលឲ្យរថយន្តក្រឡាប់ស្លាប់តែម្ដង ដែលហេតុការណ៍នេះ បានកើតឡើងកាលពី
វេលាម៉ោង ១៤ និង ៣៥នាទី រសៀលថ្ងៃទី២៦ ខែធ្នូ ឆ្នាំ២០១៧ នៅចំណុចកែងក្បាលដំរី ឋិតក្នុងភូមិដងផ្លិត ឃុំឆែបពី ស្រុកឆែប ខេត្តព្រះវិហារ។
បេីយោងតាមប្រភពពីសមត្ថកិច្ចមូលដ្ឋាន បានឲ្យដឹងថា យុវជនរងគ្រោះមានឈ្មោះ ភូ ខាំហួង ភេទប្រុស អាយុ ២៥ឆ្នាំ នៅភូមិកំពង់ស្រឡៅ ឃុំកំពង់ស្រឡៅ១ ស្រុកឆែប ខេត្តព្រះវិហារ បានបើករថយន្តម៉ាកតាកូម៉ាពណ៌ខ្មៅ ស្លាកលេខ ភ្នំពេញ ២M-៣៧២២។ធ្វើដំណើរពីលិចទៅកើតក្នុងល្បឿនលឿនបាត់ម្ចាស់ការមកដល់ផ្លូវកោងយក ចង្កូតមិនទាន់បានរេចង្កូតចូលប្រឡាយបណ្ដាលឲថៅកុងរថយន្ដរងរបួសក្បាលយ៉ាងដំណំបានស្លាប់ភ្លាមៗនៅកន្លែងកើតហេតុ។ចំណែករថយន្ដរងការខូចខាតមួយចំហៀងខាងឆ្វេង។
ក្រោយកើតហេតុ កម្លាំងជំនាញបានធ្វើកំណត់ហេតុនិងបានប្រគល់រថយន្ត និងសពជនរងគ្រោះជូនទៅបងប្អូនសាច់ញាតិ ដើម្បីយកទៅធ្វើបុណ្យតាមប្រពៃណី៕សួនលីណា
