ខេត្តពោធិ៍សាត់ថ្មី នៅសាខាកាកបាទក្រហមកម្ពុជា ខេត្តពោធិ៍សាត់ បានរៀបចំសន្និបាតវិសាមញ្ញ បោះឆ្នោតជ្រើសរើសប្រធានគណកម្មាធិការសាខា និងប្រកាសតែងតាំងប្រធានកិត្តិយសថ្មី ក្រោមអធិបតីភាព ឯកឧត្តម ខូយ សុខា ប្រធានក្រុមប្រឹក្សាខេត្តពោធិ៍សាត់ និងមន្ត្រីពាក់ព័ន្ធ
ជុំវិញខេត្ត ចូលរួមជាច្រើនផងដែរ ។ លោក ខូយ រីដា អភិបាលរងខេត្ត បានត្រូវអង្គសន្និបាត បោះឆ្នោតគាំទ្រ ឲ្យធ្វើជាប្រធានគណកម្មាធិកា សាខាកាកបាទក្រហមកម្ពុជា ខេត្តពោធិ៍សាត់ ជំនួសលោក សួន រិនឌី ដែលត្រូវផ្លាស់ចេញ ទៅបំរើការងារ ជាប្រធានក្រុមប្រឹក្សារាជធានីភ្នំពេញ ។ ជាមួយគ្នានេះ សេចក្ដីសំរេចរបស់សម្ដេច កិត្តិព្រឹទ្ធបណ្ឌិត ក៍បានតែងតាំងឯកឧត្តម ម៉ៅ ធនិន អភិបាលនៃគណអភិបាលខេត្ត ជាប្រធានកិត្តិយស កម្មាធិការសាខាកាកបាទក្រហមកម្ពុជា ខេត្តពោធិ៍សាត់ ជំនួសឯកឧត្តម ខូយ សុខា ដែលបានទៅកាន់មុខតំណែង ជាប្រធានក្រុមប្រឹក្សា ខេត្តពោធិ៍សាត់ ។ លោក សួន រិនឌី អតីតប្រធានគណកម្មាធិកា សាខាកាកបាទក្រហមកម្ពុជា ខេត្តពោធិ៍សាត់ បានថ្លែងថា សាខាកាកបាទក្រហមកម្ពុជា ខេត្តពោធិ៍សាត់ ជាស្ថាប័នមនុស្សធ៌មមួយ ដែលកំពុងអនុវត្តន៍ការងារជាច្រើនដូចជា ការងារអភិវឌ្ព្យន៍ស្ថាប័ន ការងារត្រៀមបង្ការ និងឆ្លើយតបគ្រោះមហន្តរាយ ការងារផ្សព្វផ្សាយ ដើម្បីយល់ដឹងស្វែងរកការគាំទ្រ ពីគ្រប់ស្រទាប់មហាជន ប្រជាជន ការលើកកម្ពស់ជីវភាព សុខមាលភាព សហគមន៍មាតានិងទារក កុមារកំព្រា ទុរគតជន ជនចាស់ជរា អ្នកផ្ទុកមេរោគអេដស៍ និងការស្វែងរកប្រភពថវិការផ្សេងៗ ។ល។ ទាំងនេះគឺជាមោទនភាពយ៉ាងក្រៃលែង ដែលចលនាកាកបាកក្រហម សំរេចបានតាមរយះ ការចូលរួមយ៉ាងសកម្ម និងប្ដូរផ្ដាច់ពីថ្នាក់ដឹកនាំ និងសមាជិកសមាជិកាគ្រប់លំដាប់ថ្នាក់ ក្នុងការអនុវត្តន៍យុទ្ធសាស្ត្រ កាកបាទក្រហមកម្ពុជា ដែលមានទស្សនះវិស័យ (រួមចំណែកពន្លឿនការកាត់បន្ថយភាពក្រីក្រ និងការការពារតំលៃមនុស្សជាតិជនរងគ្រោះ) ។ ឯកឧត្តម ខូយ សុខា បានថ្លែងគាំទ្រដោយឥតលក្ខខ័ណ្ឌ និងរួមចំណែកយ៉ាងសកម្ម ក្នុងការជួយជំរុញចលនាកាកបាទក្រហម ឲ្យមានសន្ទុះឈានឡើងឥតឈប់ឈរ និងរួមចំណែកជួយឧបត្ថម្ភទាំងស្មារតីសម្ភារះ និងថវិកាទ្រទ្រង់ដល់ចលនាកាកបាទក្រហមកម្ពុជា ក្រោមការដឹកនាំដ៍ឈ្លាសវៃ ប្រកបដោយបញ្ញាញាណ របស់សម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចជាកាល សម្ដេចតែងតែគិតគូរ ជួយដោះស្រាយបានទាន់ពេលវេលា ចំពោះសេចក្ដីត្រូវការចាំបាច់ របស់ប្រជាពលរដ្ឋរងគ្រោះ ក្នុងខេត្តពោធិ៍សាត់ ក៍ដូចនៅទូទាំងប្រទេសកម្ពុជា ។ លោក ខូយ រីដា ប្រធានគណកម្មាធិការ សាខាកាកបាទក្រហមកម្ពុជា ខេត្តពោធិ៍សាត់ថ្មី បានឡើងប្ដេជ្ញាចិត្ត សំរេចឲ្យបានជោគជ័យ រាល់សកម្មភាពសាខាកាកបាទក្រហមកម្ពុជា ខេត្តពោធិ៍សាត់ ឲ្យមានវឌ្ព្យនភាព និងសំរេចតាមទិសដៅនានា របស់សាខាដែលបានអនុម័ត ដោយអង្គសន្និបាទ សំរាប់០៤ឆ្នាំបន្ត ។ ប្ដេជ្ញាអភិវឌ្ព្យន៍ធនធានថវិកា ធនធានមនុស្ស ដើម្បីឆ្លើយតបឲ្យបាន តាមសំណូមពរការងារ របស់សាខា អនុសាខា និងក្រុមកាកបាទក្រហមគ្រប់មូលដ្ឋាន ។ ឯកឧត្តម ម៉ៅ ធនិន ប្រធានកិត្តិយសសាខាកាកបាទក្រហមកម្ពុជា ខេត្តពោធិ៍សាត់ បានវាយតំលៃខ្ពស់ និងកោតសរសើរចំពោះលទិធផល ដែលសំរេចបានពីអង្គសន្និបាតវិសាមញ្ញនេះ ។ យោងតាមទិសដៅ ជាយុទ្ធសាស្ត្រ៤ឆ្នាំ របស់សាខាកាកបាទក្រហម ដែលអង្គសន្និបាត បានអនុម័តជាផ្លូវការហើយនេះ យើងត្រូវតែខិតខំបំពេញឲ្យបាន ពង្រឹងភាពជាម្ចាស់ ព្រមទាំងប្រមូលបាននូវការគាំទ្រ ពីមហាជនឲ្យបានច្រើនកុះករ តាមគ្រប់រូបភាព ។ ក្នុងឱកាសនោះ កាកបាទក្រហមកម្ពុជា ក៍បានចែកម៉ូតូហុងដា ស៊េរី២០១៤ ចំនួន០៧គ្រឿង ឲ្យសាខា និងអនុសាខាទាំង០៦ សំរាប់បំរើការងារផងដែរ ៕
ថ
