ក្រចេះ ៖ ដីទីតាំងប្រលានយន្តហោះនៅស្រុកកោះញែក ជាដីរបស់រដ្ឋបច្ចុប្បន្នត្រូវបានបែកធ្លាយរឿងថា មានមេ ឈ្មួញត្រូវរ៉ូវគ្នាជាមួយថ្នាក់ដឹកនាំស្រុកកោះញែក ពុះអង្កន់ចែកគ្នាអស់ទៅហើយដោយពំទាន់មានសេចក្ដី រាយ ការណ៍ច្បាស់នៅឡើយទេថា តើមេឈ្មួញព្រមទាំងអាជ្ញាធរស្រុករកទីតាំងថ្មីបានមកជំនួសវិញ ហើយរឺនៅ តើ បញ្ហាខាងលើនេះអាជ្ញាធ័រខេត្ត មន្ទីរ ជំនាញឬថ្នាក់លើមានបានដិងរឿងរ៉ាវ នេះដែ ឬ ទេ ? ។
តាមប្រភពពត័មានពីស្រុកកោះញែកបានរាយការណ៍មកថា បច្ចុប្បន្នគេបានឃើញមានមេឈ្មួញម្នាក់ឈ្មោះ សាំង កុសល់ជាមន្ត្រីយោធាមេបញ្ជាការ គ៣ បានត្រូវរ៉ូវគ្នាជមួយលោក មើល សឿនអភិបាល ស្រុកនិងមន្ត្រីសាលាស្រុកជាច្រើនទៀតបាននាំគ្នាបណ្ដែតបណ្ដោយអោយឈ្មោះ សាំង កុសល់ យក គ្រឿងចក្រដិកដីចាក់លើទីតាំងប្រលានយន្តហោះនោះពេញប្រៀបអស់ហើយមិនតិចជាង ១០០០ ឡាន នោះឡើយ។
ហើយបើតាមការខ្សិបខ្សៀវពីត្រចៀកមួយទៅត្រចៀកមួយទៀតថាដីនោះត្រូវមានចំណែក ជាមួយលោកមើល សឿន អភិបាលស្រុកកោះញែករហូតដល់មន្ត្រីសាលាស្រុកជាច្រើនទៀត មានចំ ណែកដីនេះមិនតែប៉ុណ្ណោះសូម្បីតែមន្ត្រីប៉ុស្ដិ៍មួយចំនួនក៍មានឈ្មោះបានដីនេះដែរ។ប្រភពបានបន្ត ទៀត ថា ដីនេះមានទទឹង ១៥០ម៉ែត្រ និងបណ្ដោយជិត ១០០០ម៉ែត្របច្ចុប្បន្នត្រូវបានគេចាក់ដីពេញអស់ហើយ។ កាលពីមុនគេក្រាន់តែដឹងថាមានការដោះដូរទីតាំងស្នាក់ការគណៈបក្សប្រជាជនស្រុកចាក់មានទហំ៥០×130ម៉ែត្រដែលឈ្មួញយកទីតាំងនេះធ្វើជាស្ថានីយ៍ប្រេងឥន្ធនៈបច្ចុប្បន្ន រីឯទីតាំងគណៈបក្សថ្មីគេយកទៅដាក់ក្បែរសឹករងស្រុក។
ប្រជាពលរដ្ឋបាននាំគ្នាសំណូមពរអោយអាជ្ញាធ័រខេត្ត មន្ទីរពាក់ពន្ធ័ជួយចុះស្រាវជ្រាវពិនិត្យមើលទីតាំងដីប្រលានយន្តហោះនៅភូមិរង្សី ឃុំស្រែសង្គមនេះផងតើមានការអនុញ្ញាតិច្បាប់ត្រឹមថ្នាក់ណាខ្លះបានជាមានភាពអនាធិបតេយ្យបែបនេះ ។ប្រជាពលរដ្ឋបានដឹងលឺថា ឈ្មោះ សាំង កុសលនេះ មានការវិនិយោគទីតាំងដីក្នុងផ្សារគឺការរៀបចំផ្សារតែប៉ុណ្ណោះ ។
ម្យ៉ាងវិញទៀតប្រជាពលរដ្ឋ បានសំណូមពរ ដល់ថ្នាក់លើអោយជួយចាត់ចែង មន្ត្រីជំនាញរបស់ក្រសួងពាក់ពន្ធ័ ជួយចុះស្រាវជ្រាវអោយឃើញការពិតស្តីពីមេឈ្មួញ និងមន្ត្រីថ្នាក់ដឹកនាំស្រុកមានការឃុបឃិតគ្នាឬយ៉ាងណា?។ ពាក់ពន្ឋ័និងការចោទប្រកាន់ខាងលើនេះ លោក មើល សឿន អភិបាលស្រុក កោះញែក នៅព្រឹកថ្ងៃទី ១៧ ខែមិថុនាឆ្នាំ២០១៤វេលាម៉ោង០៩និង០២នាទី អ្នកឆ្លើយឆ្លងពត័មានយើងប្រចាំខេត្តមណ្ឌលគិរី ពុំអាចសុំការបំភ្លឺបានទេនៅថ្ងៃនេះព្រោះទូរសព្ទ័ទាក់ទងពុំចូល។លោក សាំង កុសល់ នៅព្រិកថ្ងៃនេះក៍ទាក់ទងសុំការបំភ្លឺមិនបានដែរ។
លោក ស្វាយ សំអ៊ាង អភិបាលរងខេត្តមណ្ឌលគិរីនៅព្រឹកថ្ងៃទី ១៧ ខែមិថុនាឆ្នាំ២០១៤ វេលាម៉ោង០៩និង០៦នាទីលោកបាន ប្រាប់ថា ឈ្មោះសាំង កុសល់នេះ លោកបានដឹងត្រិមតែមានរៀបចំដីបរិវេណក្នុងផ្សារតែប៉ុណ្ណោះរីឯកាចាក់ដីលើទីតាំងប្រលានយន្តហោះពេញប្រៀបហើយបំណងវិនិយោគលើគំរោងអ្វីនោះ ខេត្តមិនបានទទួលរបាយការណ៍នោះទេរហូតដល់មានមេឈ្មួញនិងជួរថ្នាក់ដឹកនាំស្រុកយកដីនោះមកពុះចែកគ្នាខេត្តក៍ពុំបានទទួលបានពត័មាននេះដែរ ហើយខេត្តនិងចាត់ចែងមន្ត្រីជំនាញអោយចុះពិនិត្យស្រាវជ្រាវលើទីតាំងនេះនិងចាត់វិធានការតាមផ្លូវច្បាប់៕
