ព្រះវិហារ៖ នៅរសៀលថ្ងៃទី១៨ ខែមិថុនា ឆ្នាំ២០១៤នៅស្នងការដ្ឋាននគរបាលខេត្តព្រះវិហារមានពិធីប្រគល់និងទទួលរថយន្តពន្លត់អគ្គីភ័យចំនួន២គ្រឿងរបស់ក្រុមហ៊ុនរូយហ្វេងក្រោមអធិបតីភាពឯកឧត្តម អ៊ុំ ម៉ារ៉ា អភិបាលនៃគណៈអភិបាលខេត្តព្រះវិហារ លោកឧត្តមសេនីយ៍ ស៊ី គីរី ស្នងការនគរបាលខេត្តនឹងអស់លោកតំណាងក្រុមហ៊ុនរូយហ្វេងចូលរួមប្រគល់ផងដែរ ។ ឯកឧត្តម អ៊ុំ ម៉ារ៉ា អភិបាលនៃគណៈអភិបាលខេត្ត
មានប្រសាសន៍នៅក្នុងពិធីប្រគល់និងទទួលរថយន្តពន្លត់អគ្គីភ័យនោះថាៈ ក្រុមហ៊ុនរូយហ្វេងគឺជាក្រុមហ៊ុនរបស់ចិនដែលបានមកបណ្តាក់ទុនវិនិយោគដំណាំអំពៅនៅក្នុងស្រុកឆែប ខេត្តព្រះវិហារ កន្លងទៅក្រុមហ៊ុនបានជួយធ្វើផ្លូវជីកអណ្តូងទឹកស្អាតជូនដល់ប្រជាពលរដ្ឋនៅក្នុងឃុំសង្កែពីរ និងឃុំម្លូព្រៃពីរ ថ្ងៃនេះក្រុមហ៊ុនបានផ្តល់រថយន្តពន្លត់អគ្គីភ័យចំនួនពីរគ្រឿងទៀតដល់ស្នងការនគរបាលខេត្តព្រះវិហារ ។
ឯកឧត្តមក៍បានបន្តទៀតថាៈ នៅស្នងការនគរបាលខេត្តយើងមានរថយន្តទាំងអស់៤គ្រឿង ចំនួននេះមិនអាចតាមតំរូវការដែលយើងចង់បានទេ យើងនឹងសំណូមពរឲ្យក្រុមហ៊ុនជូយបន្ថែមទៀតដើម្បីទុកប្រើប្រាស់ពេលមានគ្រោះអគ្គីភ័យកើតឡើង ហើយយើងនឹងជួយជនរងគ្រោះដោយអគ្គីភ័យបានឲ្យទាន់ពេលវេលាជៀសវាងឲ្យជនរងគ្រោះបាត់បង់ជីវិត និងទ្រព្យសម្បត្តិ ។ កន្លងទៅនៅក្នុងខេត្តព្រះវិហារធ្លាប់មានអគី្គភ័យឆាបឆេះផ្ទះប្រជាពលរដ្ឋជាច្រើនករណី តែបានរថយន្តពន្លត់អគ្គីភ័យរបស់ស្នងការនគរបាលខេត្តជួយពន្លត់ទាន់ពេលវេលា ។