បន្ទាយមានជ័យ៖ កាលពីថ្ងៃទី១៩ខែមិថុនាឆ្នាំ២០១៤មានភាពភ្ញាក់ផ្អើលមួយបានកើតឡើងបន្ទាប់លោក កឹម សុខា និងអ្នកតំណាងរាស្ត្រប្រមាណជាង២០នាក់បានចុះសួរសុខទុក្ខដល់ប្រជាពលករដែលត្រូវបានកងទាហានថៃដឹកមកចោលនៅព្រំដែនប៉ោយប៉ែត ។សកម្មភាពភ្ញាក់ផ្អើលនោះគឺផ្តើមចេញពីលោកតាំង គឹមរិទ្ធ សមាជិកក្រុងប្រឹក្សាក្រុងប៉ោយប៉ែតមកពីគណបក្សប្រជាជនកម្ពុជាបានបញ្ជាឲ្យរថយន្តដឹកពលករ ដេញបំបុកអ្នកតំណាងរាស្ត្រនិងប្រជាពលរដ្ឋដែលមកអមដំណើររបស់លោកកឹមសុខា ប៉ុន្តែពុំមាននរណាម្នាក់រងរបួសដោយការដេញបំបុកនោះឡើយ ។
លោក តាំង គឹម រិទ្ធត្រូវបានគេរាយការណ៏មកថា៖ជាអ្នកបានទិញដីសាលក្រមប្រឡាក់ឈាមនៅតំបន់ដីសនាឆ្នាំ២០០៥នៅឯក្រុងប៉ោយប៉ែតនោះផងដែរ ហើយដីនោះត្រូវបានលោកតាំងគឹមរិទ្ធកំពុងតែពុះល្វែងលក់ ទាំងជនរងគ្រោះមិនទាន់ទទួលបានសំណងគ្រប់គ្នានៅឡើយ យាងណាក៏ដោយគេនូវពុំទាន់ដឹងនៅឡើយទេថា៖ដីនោះនឹងមានរឿងម្តងទៀតឬអត់នោះទេ ។
គួររំលឹកថា៖មូលហេតុដែលបុគ្គលតាំងគឹមរិទ្ធបញ្ជាឲ្យឡានដឹកពលករដេញបុកអ្នកតំណាងរាស្ត្រនោះគឺដោយសារតែឃើញពលករជាច្រើនរយនាក់បានលើកដៃស្វាគមន៏លោកកឹមសុខាខណៈលោកចុះទៅសួរសុខទុក្ខជាមួយពួកគេនោះ ។នៅព្រឹកមិញនេះលោកតាំង គឹមរិទ្ធមិនអាចទាក់ទងសុំការអត្ថាធិប្បាយបានទេ ពាក់ពន្ធ័និងលោកបញ្ចេញកាយវិការបញ្ជាឡានដេញបំបុកអ្នកតំណាងរាស្ត្របក្សសង្គ្រោះនោះ ។ ថ្លែងទៅកាន់ប្រជាពលរដ្ឋនៅក្រុងប៉ោយប៉ែតនាព្រឹកថ្ងៃទី១៩ខែមិថុនាឆ្នាំ២០១៤នោះ លោក កឹមសុខាបានលើកឡើងថា៖អំពើរារាំងនិងការបំភិតបំភ័យទាំងនេះគឺជាទម្លាប់របស់គណបក្សប្រជាជនទៅហើយ លោកបន្តថា៖នេះជាការដើរខុសផ្លូវម្តងហើយម្តងទៀតរបស់បក្សកាន់អំណាច ។
ជាមួយគ្នានេះដែរលោកអនុប្រធានបក្សសង្គ្រោះជាតិបានបន្តរិះគន់ក្រុមសមត្ថកិច្ចនៅក្រុងប៉ោយប៉ែតថាមិនចេះរៀបចំសណ្តាប់ធ្នាប់ឲ្យបានល្អសម្រាប់ពលករ ។ ជាទីបញ្ចប់លោក កឹមសុខា បានធានាផ្តល់ប្រឹក្សាជូនពលករខ្មែរដែលចង់ទៅបំពេញការងារនៅប្រទេសថៃ ក្នុងនោះគណបក្សសង្គ្រោះជាតិធានាឧបត្ថម្ភថវិកាមួយចំនួនដល់ពលករណាដែលខ្វះខាត លោកថាគណបក្សសង្គ្រោះជាតិនឹងដាក់ស្នាក់ការទទួលចុះឈ្មោះពលករនៅទីស្នាក់ការគណបក្សក្រុងប៉ោយប៉ែតតែម្តង ។ 
