ភ្នំពេញ ៖ នគរបាលមួយក្រុមបានដក កាំភ្លើងភ្ជង់យុវជន២នាក់ញាត់ចូលក្នុងរថយន្ត គ្រាន់តែយុវជន២នាក់នោះជិះម៉ូតូ១គ្រឿងប៉ះជើងបន្តិចប៉ុណ្ណោះបង្កឲ្យមានការភ្ញាក់ផ្អើលយ៉ាងខ្លាំងដល់សមត្ថកិច្ចខណ្ឌមានជ័យ ។ ហេតុការណ៍នេះបានកើតឡើងកាលពីវេលាម៉ោង២១ និង២០នាទីយប់ ថ្ងៃទី១៥ កុម្ភៈ ២០១៤ នៅតាមបណ្តោយផ្លូវជាតិលេខ១ កែងផ្លូវ៣៦៧ សង្កាត់ច្បារអំពៅទី១ជាប់គ្នានិងសង្កាត់ច្បារអំពៅទី២ ខណ្ឌមានជ័យ ។ តាមប្រភពព័ត៌មានពីសាក្សីដែលឃើញហេតុការណ៍ ខាងលើបានឱ្យដឹងថា មុនពេលកើតហេតុគេឃើញយុវជន២នាក់ជិះម៉ូតូសេ១២៥ ពណ៌ខ្មៅ ពាក់ស្លាកលេខ
ភ្នំពេញ១BY១៣៩៣ ធ្វើដំណើរចុះពីស្ពានព្រះមុនីវង្សនៅតាមបណ្តោយផ្លូវជាតិលេខ១ លុះដល់ចំណុចកែងផ្លូវលេខ៣៦៧ក៏ជ្រុលល្បឿនបុកប៉ះចំជើងបុរសម្នាក់ ជាមន្ត្រីនគរបាលកំពុងដើរឆ្លងផ្លូវបណ្តាលឱ្យដួល ។ ភ្លាមនោះនគរបាលរងគ្រោះបានឃាត់ម៉ូតូ រួចនិងបានជេរប្រមាថ ព្រមទាំងវាយយុវជនទាំង២នាក់នោះធ្វើឱ្យពួកគេតមាត់ និងតដៃវិញទើបនគរបាលរូបនោះ
ហៅបក្សពួករបស់គេ យកកាំភ្លើងចេញពីរថយន្ត មកភ្ជង់ទៅលើយុវជនទាំងពីរនាក់នោះ រួចក្របួចក.អាវយុវជនម្នាក់ញាត់ចូលក្នុងរថយន្តនាំទៅកាន់ទី ស្នាក់ការនគរបាលប៉ុស្តិ៍រដ្ឋបាលច្បារអំពៅទី១ដើម្បីរាយការណ៍ចោទ ប្រកាន់យុវជនរូបនេះថា ជាមុខសញ្ញាសង្ស័យ ហើយបញ្ជូនទៅកាន់ការិយាល័យនាយកដ្ឋានព្រហ្មទណ្ឌក្រសួងមហាផ្ទៃថែមទៀត។ ហើយចំពោះ
ករណីខាងលើនេះផងដែរ សមត្ថកិច្ចមូលដ្ឋានមិនដឹងថាទង្វើរបស់នគរបាលនាយកដ្ឋា នព្រហ្មទណ្ឌក្រសួងមហាផ្ទៃខាងលើនេះ ដែលគ្រាន់តែ រឿងគ្រោះថ្នាក់ចរាចរណ៍សោះ តែមិនដឹងថាហេតុអ្វីបានជានគរបាលទាំងនោះចោទប្រកាន់ថាជារឿង ចាប់មុខសញ្ញាទៅវិញ។ គួរបញ្ជាក់ផងដែរថា ចំពោះករណីខាងលើនេះផងដែរប្រជាពលរដ្ឋបានរិះគន់យ៉ាងខ្លាំងៗ
ចំពោះប៉ូលិសដែលជិះរថយន្តពាក់ស្លាក នគរបាល 2-3490 ហើយដែលអះអាងថាពួកគេជាមន្ត្រីប៉ូលិសព្រំទណ្ឌរបស់ក្រសួងមហាផ្ទៃថែមទៀតនោះគ្រាន់តែរឿងគ្រោះថ្នាក់ចរាចរតែប៉ុណ្ណោះគេបែរជាយកកាំភ្លើងមកភ្ជង់គេឯងហើយចោទប្រកាន់គេថាជាជនសង្ស័យថែមទៀតនោះហើយប្រជាពលរដ្ឋក៏បាននិយាយដែលទៀតថា តើពួកដែលអះអាងថាខ្លួន
ជានគរបាលទាំងអស់នោះ តើថ្នាក់ដឹកនាំនិងមានវិធានការយ៉ាងមិចចំពោះបុគ្គលដែលបង្កអោយមានភាពចលាចលនិងធ្វើអោយប៉ះពាល់ដល់ស្ថាប័នប៉ូលិសដែលតែងតែបំរើប្រជាពលរដ្ឋសឹងតែគ្មានពេលសំរាកផងដែរ៕ 
