ខេត្តព្រះសីហនុ នៅវេលាម៉ោង ៨ និង១៥នាទី ព្រឹកថ្ងៃទី១៩ ខែមិថុនា ឆ្នាំ២០១៤ នាវាចំបាំងជប៉ុន ឈ្មោះ JS KUNISAKI (LST 4003) បានចូលចតនៅកំពង់ផែស្វយ័តក្រុងព្រះសីហនុ ក្នុងគោលបំណងចូលរួមក្នុងលំហាត់ Pacific partnership ប្រចាំឆ្នាំ២០១៤មានរយះពេល៨ថ្ងៃគឺពីថ្ងៃទី១៩ ដល់ថ្ងៃទី២៧ខែមិថុនា ឆ្នាំ២០១៤ ផ្តោតសំខាន់លើការសហការផ្នែកសុខាភិបាល និងសកម្មភាពសាងសង់ជាច្រើនជាមួយប្រជាជនកម្ពុជា ។
នាវាចំបាំងជប៉ុនឈ្មោះ JS KUNISAKI (LST 4003) មានប្រវែង ១៨៧ម៉ែត្រ ទទឹង ២៥.៨ម៉ែត្រ ជំរៅទឹក៨.៥ម៉ែត្រ និងមានទម្ងន់ផ្ទុក ៨៩០០តោន ។ បេសកម្ម Pacific partnership គឺធ្វើនៅតំបន់អស៊ី ដែលមាន០៤ប្រទេស ហើយប្រទេសកម្ពុជាជាប្រទេសចុងក្រោយក្នុងបេសកម្ម លោកអនុសេនីយ៌ឯក Pacific Portnership 2014 ។
បេសកម្មក្នុងប្រទេសកម្ពុជា ដែលមានក្រុមគ្រួពេទ្យចំរុះជាតិសាសន៌មកពីប្រទេសអាមេរិក អូស្ត្រាលី និងជប៉ុន ចំនួន១១០នាក់ ដើម្បីសហការបំពេញការងារជាមួយអ្នកជំនាញសុខាភិបាល និងកងយោធពលខេមរភូមិន្ទ នៃប្រទេសកម្ពុជា ដើម្បីផ្តល់ជូននូវសេវាកម្មវេជ្ជសាស្ត្រ ទន្តពេទ្យ និងចក្ខុពេទ្យ ដែលនឹងធ្វើនៅតាមតំបន់គោលដៅក្នុងខេត្តព្រះសីហនុ តាកែវ កំពត ។
លើសពីនេះក៌មានសេវាកម្មបសុពេទ្យដែលនឹងត្រូវធ្វើឡើងនៅកោះរុង និងតំបន់មួយចំនួនទៀតក្នុងខេត្តព្រះសីហនុ ។ បេសកម្មនៅក្នុងប្រទេសកម្ពុជាធ្វើការផ្លាស់ប្តូរបទពិសោធន៌ជំនាញពីគ្នាទៅវិញទៅមក ទាំងនៅភ្នំពេញ ក៌ដូចនៅក្រុងព្រះសីហនុ និងមានក្រុមឥន្ត្រីប្រចាំនាវារបស់សហរដ្ឋអាមេរិក និងប្រគុំឥន្ត្រីជាសាធារណះមួយនៅក្រុងព្រះសីហនុ អោយប្រជាពលរដ្ឋទស្សនាពីវប្បធម៌ ទំនៀមទំលាប់ និងប្រពៃណី រវាងជប៉ុន និងកម្ពុជាផងដែរ ។
បេសកម្មនៅលើទឹកដីនៃព្រះរាជាណាចក្រកម្ពុជាមានកម្មវិធីផ្លាស់ប្តូរបទពិសោធន៌ជំនាញ ផ្នែកគិលានុបដ្ឋាយការ និងការជួសជុលសម្ភារះបរិក្ខាពេទ្យនៅមូលដ្ឋានទ័ពជើងទឹករាម កម្មវិធីចាក់ថ្នាំស្ពឹក ការវះកាត់ទូទៅ ពិនិត្យរោគស្ត្រី និងការផ្លាស់ប្តូបទពិសោធន៌ជំនាញលើការព្យាបាលតាមរយះការធ្វើចលនា ពិនិត្យព្យាបាលជំងឺទូទៅ ជំងឺធ្មេញ និងជំងឺភ្នែក ។
បេសកម្ម Pacific partnership ផ្តល់នូវសេវាកម្មព្យាបាលវេជ្ជសាស្ត្រដល់អ្នកជំងឺប្រមាណជា ២៥០.០០០នាក់ ផ្តល់សេវាកម្មបសុពេទ្យដល់សត្វពាហនះប្រមាណ ៣៧.០០០ក្បាល ហើយសម្រេចគម្រោងសាងសង់ជាង ១៧០គម្រោង ព្រមទាំងជំរុញឲមានការអភិវឌ្ឍន៌ហេដ្ឋារចនាសម្ព័ន្ធនៅក្នុងប្រទេសកម្ពុជា ៕