កំពង់ធំ៖ ក្រោមការយកចិត្តទុកដាក់ ចំពោះគ្រួសារក្រីក្រ លំបាកតោកយ៉ាក របស់គ្រូសារមួយ ស្ថិតនៅក្នុងសភាពស្ទើរតែជួយខ្លួនឯងពុំបាន ត្រូវបានឯកឧត្តម គង់ វិមាន អភិបាលរងខេត្តកំពង់ធំ ព្រមទាំងក្រុមគ្រួសារ បានមានការអាណិតអាសូរ ដល់ជនក្រីក្រ ទើបបានចំណាយថវិការ
របស់ឯកឧត្តម ផ្ទាល់ដើម្បីសាងសង់ផ្ទះ មួយខ្នងជូនប្រជាពលរដ្ឋ ស្ថិតនៅភូមិនាងសល្ងាច ឃុំ សល្ងាច ស្រុកស្ទោង ខេត្តកំពង់ធំ ។
ផ្ទះមួយខ្នងត្រូវបានសាងសង់ជូនក្រួសារជនក្រីក្រ កំពុងតែត្រូវបានសាងសង់ឡើង ដែលមានទទឹង៥ ម៉ែត្រ បណ្តោយ៦ ម៉ែត្រ សង់អំពីឈើ ជញ្ជាំងក្តា ប្រកសង្ខី ជនដល់គ្រួសាររបស់លោក ឡាច ផាត អាយុ ៥៥ឆ្នាំ ជាជនពិការ មុខរបរកម្មករសំណង់ ប្រពន្ឋឈ្មោះ ខន ខា អាយុ ៤៥ឆ្នាំ មុខរបរជាកម្មករធ្វើឥដ្ឋ មានកូន១៤នាក់ បច្ចុប្បន្ននៅរស់ ១០នាក់ ប្រុស៧ ស្រី៣នាក់ ។
តាមការឲ្យដឹងពីប្រជាពលរដ្ឋ ដែលមានលំនៅដ្ឋានជិតខាងបាន និយាយថា គ្រួសារនេះពិតជាក្រីក្រដល់លំដាប់មែន គឺពុំមានដីស្រែ ឬដីចំការនោះទេ និងពុំមានមុខរបរពិតប្រាកដ ពេលខ្លះដើរស៊ីឈ្នួលគេ ពេលខ្លះ ទៅធ្វើកម្មកតសំណង់ តែដោយសារមានការអាណិតអាសូរ ពីឯកឧត្តម គង់ វិមាន អភិបាលរងខេត្តកំពង់ធំ បានទិញដីធ្វើផ្ទះឲ្យនៅ សម្រាប់ចិញ្ចឹមកូនៗទាំង១០នាក់ ។
ឯកឧត្តម គង់ វិមាន អភិបាលរងខេត្តកំពង់ធំ បានមានប្រសាសន៍ថា ដោយយល់ឃើញភាពតស៊ូអត់ធ្មត់ សព្វ គ្រប់បែបយ៉ាង ទោះជាមេគ្រួសារនេះ ជាជនពិការក្តី ក៏លោកពូមិនដែករុញរាចុះចាញ់ និងស្តីបន្តោសព្រហ្មលិខិតដែរ គឺមានចិត្តអំណត់អត់ធ្មត់ តស៊ូចិញ្ចឹមកូនចៅឲ្យនៅក្រោមការគ្រប់គ្រងតាមលំនាំបែបបទគ្រួសារ ជាពិសេសដោយសំឡឹងឃើញភាព ក្លាហាន និងឧស្សា ទើបមានគំនិតចង់លើកស្ទួយជីវភាពរបស់គាត់ ដោយសាងសង់លំនៅដ្ឋានជូនគាត់ ឲ្យបានសមរម្យ ដែលនិងត្រូវបានចំណាយថវិការសាងសង់ ប្រមាណជាង ៨លានរៀល ដោយមានការជួយសាងសង់ ដោយកំលាំងកងរាជអាវុធហត្ថស្រុកស្ទោង និងមន្ត្រីសាលា ស្រុកស្ទោង ខណៈនេះសាងសង់បាន ៥០%ហើយ ។
អ្នកមីង ខន ខា បានអគុណដល់ឯកឧត្តម គង់ វិមាន និងក្រុមគ្រួសារ ដែលបានអាណិតអាសូរ ដល់គ្រួសារ របស់គាត់ ដោយក្តីរំភើបត្រេតអរនិយាយមិនចេញ សំលេងស្សាវបង្ករនូវទឹកភ្លែក អួលដើមករ ដោយភាព ត្រេតអរខ្លាំងពេក ដែលមិននឹកស្មានថា ក្នុងមួយជីវិតនោះនិងបានផ្ទះនៅសមរម្យនឹងគេ ធ្លាប់តែនាំក្រុមគ្រួសារ រស់នៅក្នុងខ្ទមកន្លោះជីវិតមកហើយ ។
