សៀមរាប : ក្នុងកិច្ចចុះប្រតិបត្តិការណ៍ធ្វើការ បង្កា ទប់ស្កាត់និង បង្ក្រាប បទល្មើសនេសាទខុសច្បាប់ក៏ដូចជាដើម្បីធានាបាននូវពូជមច្ចាជាតិឲ្យកាន់តែមានភាពរីកចម្រើនបន្ថែមទៀត នៅលើផ្ទៃជលសារ បឹងទន្លេសាបនោះ។ ជាក់ស្តែងកាលពីរសៀលថ្ងៃទី១៩ខែមិថុនា ឆ្នាំ២០១៤នេះលោកវរសេនីយ៌ឯក ស្រី យូរ៉ា មេបញ្ជាការរងនៃទីបញ្ជាការដ្ឋានកងរាជអាវុធហត្ថខេត្តសៀមរាបនិងជាប្រធានមន្ទីរស្រាវជ្រាវនិងយុត្តិធម៌បានដឹកនាំកម្លាំងក្នុងអង្គភាពដោយអនុវត្តតាមបទបញ្ជាឯ.ឩ ឃឹម ប៊ុនសុង អភិបាលខេត្តសៀមរាបនិងជាប្រធានគណ:បញ្ជាការឯកភាពខេត្តក៏ដូចជា ឯ.ឩ ឩត្តមសេនីយ៍ត្រី ម៉ន សាម៉ុន មេបញ្ជាការកងរាជអាវុធហត្ថខេត្តសៀមរាបនិងដោយមានការចូលរួមពីកម្លាំងចំរុះផងនោះ។
ក្នុងកិច្ចចុះប្រតិបត្តិការណ៍ធ្វើការបង្កា ទប់ស្កាត់និង បង្ក្រាប បទល្មើសនេសាទខុសច្បាប់ក្នុងរដូវបិទនេសាទនេះនៅចំណុចចម្ងាយពី២០០ ម៉ែត ទៅ ៣០០ ម៉ែត ខាងលិចដែនអភិរក្សអតីតឡូត៍លេខ៤ ក្នុងភូមិសាស្ត្របឹងទន្លេសាបខេត្តសៀមរាបកម្លាំងកងរាជអាវុធហត្ថខេត្តបានធ្វើការបង្ក្រាបដោយទទួលបាននូវលិទ្ធផលជាក់ស្តែងឃាត់ខ្លួនជនប្រព្រឹត្តបទល្មើសនេសាទខុសច្បាប់ភេទប្រុសបានចំនួន១១នាក់ ជាជនជាតិវៀតណាម ទូកមានម៉ាស៊ីន ចំនួន៦គ្រឿងនិងទូកគ្មានម៉ាស៊ីន ចំនួន១គ្រឿង សាច់មោងក្រឡា៣ហ៊ុន ចំនួន៥០០ម៉ែត និងត្រីចំរុះចំនួន៥០០គីឡូក្រាមផងដែរ។
ដោយបច្ចុប្បន្នទាំងវត្ថុតាងនិងជនប្រព្រឹត្តបទល្មើសខាងលើត្រូវបានកម្លាំងកងរាជអាវុធហត្ថខេត្តសៀមរាបធ្វើការប្រគល់ជូនទៅឲ្យរដ្ឋបាលជនផលសៀមរាបហើយដើម្បីចំណាត់ការទៅតាមនិតិវិធីជាបន្តកាលពីថ្ងៃទី២០ខែមិថុនានេះ ៕ ដោយ លោក ខេង ខេមរា
