ខេត្តព្រះសីហនុ ព្រឹកថ្ងៃទី២០ ខែមិថុនា ឆ្នាំ២០១៤ កងនាវិក នាវាចម្បាំងជប៉ុនបានចូលរួមកម្មវិធីផ្លាស់ប្តូរ បង្ហាញវប្បធម៌រវាងជប៉ុន និងកម្ពុជា និងការប្រគុំឥន្ត្រី នៅសាលាបឋមសិក្សាហ៊ុន សែន ក្រុងព្រះសីហនុបន្ទាប់ពីក្រុមនាវិកបានចូលចតនាវានៅកំពង់ផែអន្តរជាតិក្រុងព្រះសីហនុ កាលពីថ្ងៃទី១៩ ខែមិថុនា ឆ្នាំ២០១៤ម្សិលមិញប្រកបដោយជោគជ័យរួចមក ។
លោក Takashi INOUE អគ្គមេបញ្ជាការនៃកងនាវាកងទព័ស្វ័យការពារជប៉ុន មាន ប្រសាសន៌ថា លោកមានសេចក្តីសប្បាយរីករាយដោយបានមកដល់ប្រទេសកម្ពុជា និងបានចូលរួមក្នុងលំហាត់ Pacific Partnership ឆ្នាំ២០១៤ ដែលផ្តោតសំខាន់លើការសហការផ្នែកសុខាភិបាល សកម្មភាពមនុស្សធម៌ និងសាងសង់ជាច្រើននៅក្នុងប្រទេសកម្ពុជា ជាពេសេសក្នុងការចុះជួបនិងសិស្សានុសិស្សក្នុងសាលាបឋមសិក្សាហ៊ុន សែនក្រុងនាពេលនេះ ក្នុងនាមរូបលោក និងនាវិកទាំង អស់មានសេចក្តីសោមន្សយរីករាយ ដោយបានធ្វើការជាមួយសហគមន៌ប្រជាពលរដ្ឋក្នុងខេត្តព្រះសីហនុ ។
លោកអគ្គមេបញ្ជាការបានអោយដឹងទៀតថា ក្នុងកម្មវិធីនាព្រឹកនេះ យើងបានធ្វើការ ផ្លាស់ប្តូរបង្ហាញវប្បធម៌ ទំនៀមទំលាប់រវាងប្រទេសទាំងពីរ មានការពិនិត្យព្យាបាលជំងឺធ្មេញជូនដល់សិស្សានុសិស្សសាលាបឋមសិក្សាហ៊ុនសែនផងដែរ និងមានាករប្រគុំឥន្ត្រីប្រចាំនាវា សម្តែងជូនសិស្សានុសិស្ស ក៌ដូចប្រជាពលរដ្ឋក្នុងក្រុងព្រះសីហនុបានចូលរួមទស្សនាកំសាន្តផងដែរ ។
លោក Takashi INOUE បញ្ជាក់ថា នាវាចម្បាំង JS KUNISAKI (LST 4003) បានចូលចតធ្វើទស្សនកិច្ចនៅក្នុងប្រទេសកម្ពុជាពីរលើក ហើយនៅពេលនេះនាវា មាននាវិកសរុបចំនួន១៥០នាក់ ក្នុងនោះមានក្រុមគ្រូពេទ្យចំនួន ៤០នាក់ សហការជាមួយនាវិកចំរុះ ជាតិសាសន៌មកពីប្រទេសអាមេរិក អូស្ត្រាលី ចូលរួមបំពេញការងារជាមួយអ្នកជំនាញសុខាភិបាលកម្ពុជា ដើម្បីផ្តល់នូវសេវាសុខាភិបាលវេជ្ជសាស្ត្រ ទន្តសាស្ត្រ
និងចក្ខុសាស្ត្រ ជូនប្រជាពលរដ្ឋក្រីក្រនៅក្នុងប្រទេសកម្ពុជា មាននៅខេត្តព្រះសីហនុ តាកែវ និងខេត្តកំពត ក្រៅពីនោះបេសកម្មរបស់យើងក៌មានកម្មវិធីបសុពេទ្យជួយ ពិនិត្យព្យាបាលសត្វពាហនះជូនប្រជាពលរដ្ឋក្នុងខេត្តព្រះសីហនុផងដែរ ។ លោក សង្ឃឹមថា នឹងមានប្រជាពលរដ្ឋចូលរួមមកពិនិត្យព្យាបាលជំងឺដោយឥតគិតថ្លៃ ពីក្រុមគ្រូពេទ្យស្មគ្រ័ចិត្តចំរុះជាតិសាសន៌របស់នាវា JS KUNISAKI (LST 4003) ក្នុងរយះពេលដែលនាវាស្នាក់នៅលើទឹកដីនៃព្រះ រាជាណាចក្រកម្ពុជា ៕ 
