ភ្នំពេញ ៖ បុរសម្នាក់បានរងរបួសយ៉ាងធ្ងន់ធ្ងរនិងម្នាក់ទៀតបានរងរបួស់ស្រាល់ ខណៈដែលពួកគាត់បើករ៉ឺម៉កម៉ូតូមកឈប់ចាក់សាំងក្បែរចិញ្ចើមផ្លូវ ក៏ត្រូវម៉ូតូវីវ៉ា ពណ៌ខ្មៅ ១គ្រឿង ជិះដោយយុវជន ២នាក់ ធ្វើដំណើរយ៉ាងលឿនមកបុកចំពីក្រោយពេញទំហឹង បណ្តាលឲ្យរ៉ឺម៉កម៉ូតូរុលទៅមុខប្រមាណជាង ១០ម៉ែត្រ ចំណែកយុវជនបង្កទាំង ២នាក់ បានរត់គេចខ្លួនបាត់ ខណៈដែលសមត្ថកិច្ចកំពុងរវល់ធ្វើការវាស់វែង។ គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង ១២ និង១០នាទី យប់រំលងអាធ្រាត្រឈានចូលថ្ងៃទី១៨ កុម្ភៈ ២០១៤ នៅចំណុចមុខមន្ទីរសម្រាកព្យាបាលប៉ារ៉ាម៉េត តាមផ្លូវ១៥៤
ស្ថិតក្នុងសង្កាត់ផ្សារថ្មីទី៣ ខណ្ឌដូនពេញ។ តាមប្រភពព៏ត៌មាននៅកន្លែងបានឲ្យដឹងថានោះមុនពេលកើយហេតុគេបានឃើញរ៉ឺម៉កម៉ូតូកង់បីមួយគ្រឿងកំពុងឈប់ចាក់សាំងក្បែរចិញ្ចើមផ្លូវ ខណៈនោះក៏មានបុរសម្នាក់បានជិះម៉ូតូមួយគ្រឿងម៉ាក វិវ៉ា ពណ៌ខ្មៅ ពាក់ស្លាក់លេខ ស៊េរីចាស់ បានធ្វើដំណើរបានបណ្តោយផ្លូវ ១៥៤ ក្នុងទិសដៅពីកើតទៅលិច យ៉ាងលឿន
ក៏ជ្រុលទៅបុកពីក្រោយរ៉ឺម៉កម៉ូតូកង់បីយ៉ាងពេញ ទំហឹងធ្វើឲ្យម្ចាស់ម៉ូតូរ៉ឺម៉កម៉ូតូកង់បីរងរបួស់ធ្ងន់ធ្ងរនិងចំណែកម្ចាស់ម៉ូតូវិវ៉ាគ្រាន់តែរងរបួសស្រាល់ ហើយក៏ត្រូវរថយន្តសាមុយដឹងយកទៅមន្ទីរពេទ្យដើម្បីព្យាបាលភ្លាមៗផងដែរ។
ក្រោយពេលកើតហេតុមសត្ថកិច្ចបានចុះវាស់វែងនៅកន្លែងកើតហេតុនិងអូស យកម៉ូតូទាំង ២គ្រឿងខាងលើនេះ ទៅអធិការដ្ឋាននគរបាលខណ្ឌដូនពេញ ដើម្បីរង់ចាំធ្វើការដោះស្រាយនាពេលក្រោយ៕ 
