គាំទ្រពីបុគ្គលិកក្នុងស្ថាប័ននោះ នេះជាប្រសាសន៍ របស់ឯកឧត្តម អភិបាលខេត្តតាកែវ អភិបាលខេត្តតាកែវ ឯកឧត្តម ឡាយ វណ្ណៈ បានចាប់ផ្ដើមដាក់ឲ្យអនុវត្តន៏នូវកម្មវិធីថ្មីមួយ គឺរាល់ការតែងតាំងប្រធានការរិយាល័យ ឬអនុប្រធានមន្ទីរ គឺត្រូវតែធ្វើការបោះឆ្នោត ដោយបុគ្គលិកក្នុងមន្ទីរនោះ។
ហើយអ្នកទទួលបានសំលេងគាំទ្រភាគច្រើន ដាច់ខាតនិងទទួលបានតំណែងនោះ។ និតិវិធីថ្មីរបស់ឯកឧត្ត អភិបាលខេត្តតាកែវ បានកើតឡើងបន្ទាប់ពីមានការលេចឮថា ការតែងតាំងប្រធានការរិយាល័យ ឬអនុប្រធានមន្ទីរក្នុងស្ថាប័ននីមួយៗ នៅក្នុងខេត្តតាកែវ មានភាពមិនប្រក្រតី ឬមានការចោទប្រកាន់ថា បក្សពួកនិយមនោះ ។
មានប្រសាសន៏នៅក្នុងឪកាស់ ចូលរួមបោះឆ្នោត ជ្រើសរើសអនុប្រធានមន្ទីរអប់រំយុវជន និងកីឡា នៅសាលប្រជុំមន្ទីរអប់រំ ។ ឯកឧត្តមអភិបាលខេត្ត បានចាត់ទុកការបោះឆ្នោត ដោយបុគ្គលិកក្នុងមន្ទីរ ជារឿងមួយដែលល្អ សម្រាប់សម្លេងគាំទ្រភាគច្រើន ទៅលើបុគ្គលដែលតែងតាំង ដោយបុគ្គលិកនៅក្នុងមន្ទីរផ្ទាល់ ហើយនិងមិនធ្វើឲ្យមានពាក្យចចរាមមិនល្អនាពេលកន្លងមក ដែរថាការតែងតាំងអនុប្រធាន
មន្ទីរអប់រំយុវជន និងកីឡានេះ ពោលពេញដោយភាពមិនប្រក្រតី និងប្រកបទៅដោយបក្សពួកនិយម និងអំពើពុករលួយជាដើមនោះ និងលប់បំបាត់ជាមិនខាន ព្រោះនិតិវិធីថ្មី គឺការបោះឆ្នោតដោយបុគ្គលិកក្នុងមន្ទីរ ដែលមានសិទ្ធិសេរីភាពពេញទី ក្នុងការបោះឆ្នោតជូនបេក្ខជនប្រធានការរិយាល័យ ឬអនុប្រធានការរិយាល័យណាមួយ សម្រាប់មុខតំណែង អនុប្រធានមន្ទីរនេះ។ ឯកឧត្តមអភិបាលខេត្តតាកែវ បានមានប្រសាសន៏ដោយសង្កត់ធ្ងន់ថា នេះជាសេរីភាពរបស់មន្ត្រីរាជការទាំងអស់ ដូច្នោះទេ ចាប់ពីថ្ងៃនេះតទៅ សូមកុំចោទប្រកាន់ថា ប្រធានមន្ទីរ ឬ
ចៅហ្វាយខេត្ត តែងតាំងតែបក្សពួកខ្លួនឯង ឬតែងតាំងដោយប្រព្រឹត្តអំពើពុករលួយ ព្រោះការតែងតាំង គឺមានការបោះឆ្នោតពីអស់លោកទាំងអស់គ្នា បើចោទថាបក្សពួក គឺមានតែបក្សពួកមន្ត្រីរាជការទាំងអស់គ្នា បានជានាំគ្នាបោះឆ្នោតឲ្យហើយ បើថាពុករលួយ មានតែមន្ត្រីរាជការទាំងអស់ហ្នឹង បានទទួលសំណូកពីគេ បានជានាំគ្នាបោះឆ្នោតគាំទ្រគេច្រើនបែបនេះ ។
គួរបញ្ជាក់ផងដែរថា ក្នុងការបោះឆ្នោតជ្រើសរើស អនុប្រធានមន្ទីរអប់រំយុវជន និងកីឡា ដោយបុគ្គលិកក្នុងមន្ទីរទាំង១២០នាក់ ហើយដែលមានលោកប្រធានការរិយាល័យនិងអនុប្រធានការរិយាល័យ ដែលមានសិទ្ធឲ្យគេបោះឆ្នោតឲ្យនោះ លោក មាស ផុន ប្រធានការរិយាល័យរដ្ឋបាលបានទទួលសំលេងដ៏លើសលប់ជាងគេ ក្នុងចំណោមប្រធានការរិយាល័យនានា គឺទទួលបានសំលេង៧៧សំលេង ក្នុងចំណោមសំលេងឆ្នោត១២០ ដោយឡែកបេក្ខភាពដទៃទៀតទទួលបានសំលេងតែ១សំលេងដល់ជាង១០សំលេងតែប៉ុណ្ណោះ ៕