កំពង់ធំ៖ មានការភ្ញាក់ផ្អើលមួយ ដែលបានបង្ករឡើងនៅក្នុងហាង ខារាអូខេ ម្លាប់ស្វាយធំ ស្ថិតនៅក្នុង ក្រុង ស្ទឹងសែន ខេត្តកំពង់ធំ បន្ទាប់ពីបានក្រេបទឹកប្តូរនិស័យ សមត្ថកិច្ចប៉ូលិស រូបនោះត្រូវបានក្លាយទៅជាជន ពាល បបួលប៉ូលិស ក្រុងស្ទឹងសែន វាស់ដីបាញ់គ្នា។ ហេតុការប៉ូលិសទំនើង អាងកាំភ្លើងវាស់ដីបាញ់គ្នា បន្ទាប់ពីមានហេតុការណ៍ រួចមកត្រូវបាន មិត្តភក្ក័រួម អាជីព ទាញដៃឡើងរថយន្តដាក់មេប្រូចចេញទៅ តែកំលាំងអំណាចនៃទឹកប្តូរនិស័យ បានធ្វើឲ្យសមត្ថកិច្ច មូលដ្ឋានពុះកញ្រោល បោះដៃឲ្យស្នាក់ការកងរាជអាវុធហត្ថ៦០១ ស្ទាក់ឃាត់ខ្លួន ដើម្បីសួរនាំ កាលពីវេលា ម៉ោង ១១.០០នាទី យប់ថ្ងៃទី ១៧ ខែ កុម្ភះ ឆ្នាំ
២០១៤។ ជនញៀនទឹកប្តូរនិស័យ ត្រូវបានគេដឹងថា លោក ស៊ូ សុគន្ធ ភេទ ប្រុស អាយុ ៣៧ឆ្នាំ មានឋានៈអនុនាយឯក នាយផ្នែក អន្តរាគមន៍ អត្ថលេខ ០៧៣១៨ អង្គភាព កងអន្តរាគមន៍ មានភារៈកិច្ច ចុះបំពេញប៉េសកម្ម តាមបណ្តាខេត្តរាជធានី ជាប់ដោយអាវុធមួយដើម ម៉ាកk59 លេខ ២៣៦៩គ្រាប់៨ ផុតកំណត់ ២៣ ខែ ឧសភា ឆ្នាំ ២០១៤ ចុះហត្ថលេខា
ដោយ ឧត្តមសេនីយ៍ឯក ម៉ៅ ច័ន្ទតារា ។ តាមការឲ្យដឹងពីលោក វរៈសេនីយ៍ត្រី ហែម សំអាង មេបញ្ជាការកងរាជអាវុធហត្ថក្រុងស្ទឹងសែន បានឲ្យដឹង ថា ក្រោយពីទទួលពត៌មានថា មានជនសង្ស័យម្នាក់បាន យកកាំភ្លើង គំរាម បាញ់ស្រីៗ ខារាអូខេ ម្លប់ស្វាយធំ និងបបួលសមត្ថកិច្ វាស់ដីបាញ់គ្នា ទើបបានការសហការ ជាមួយកំលាំងខេត្ត ស្ទាក់ជនខាងលើ សួរនាំ
នឹងធ្វើការអប់រំ រួចបានដោះលែងទៅវិញ ដើម្បីឲ្យមានការ រាងចាល ។ សូមបញ្ជាក់ថា មានកាំភ្លើងមិនមែនចេះតែ បាញ់បានតាមអំពើចិត្តនោះទេ ខណៈពេលដែលសមត្ថកិច្ចឃាត់ ខ្លួនបាន ជនទំនើងខាងលើ បានអះអាងថា ប៉េអ៊ឹមក្រុងខេត្តកំពង់ធំ គ្មាននណា ហ៊ានចាប់គាត់ទេ ដោយសារ គាត់បានអះអាងថា មានមេគាត់ផ្កាយបី ជាមេរបស់គាត់ និងជាទីប្រឹក្សាសម្តេច
ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ទីបំផុតជនសង្ស័យបានរួចខ្លួនជាទំលាប់ មិនដឹងថា សមត្ថកិច្ចខេត្តកំពង់ធំ អសមត្ថភាព ឬក៏ខ្លាចលោក ផ្កាយបី បានជាប្រញ៉ាប់ដោះលែង។ ដោយ ភ្នំសន្ទុក
