តាកែវ ៖ ជនសង្ស័យចំនួុន០៣នាក់ត្រូវបានប៉ូលីសស្រុកបាទីចាប់ឃាត់ខ្លួុនជាមួុយនិងវត្ថុតាងបញ្ជូនឡើងតុលាការក្រោយទទួុលបានព័ត៌មានពីពលរដ្ឋក្នុងមូលដ្ឋាន។ហេតុការណ៍បង្ក្រាបករណីជួុញដូរសារធាតុញៀននេះធ្វើឡើងនៅថ្ងៃទី១១ ខែមិថុនា ឆ្នាំ២០១៨ វេលាម៉ោង១១និង២០នាទី ដោយកម្លាំងជំនាញនៃអធិការ
នគរបាលស្រុកបាទី សហការជាមួយកម្លាំងប៉ុស្តិ៍នគរបាលរដ្ឋបាលត្រពាំងសាប នៅចំណុចភូមិសង្កែ ឃុំត្រពាំងសាប ស្រុកបាទី ខេត្តតាកែវ ។ សមត្ថកិច្ចបានប្រាប់ថា ក្នុងប្រតិបត្តិការនេះ កម្លាំងជំនាញបានឃាត់ខ្លួនជនសង្ស័យចំនួន០៣នាក់ ដោយជាប់ពាក់ព័ន្ធករណី រក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀន។
ជនសង្ស័យទាំង០៣នាក់នោះមាន៖ ទី១ឈ្មោះ ផេង សេងហាក់ ភេទប្រុស អាយុ១៧ឆ្នាំ រស់នៅភូមិ-ឃុំកើតហេតុ។ ទី២ឈ្មោះ ឈឺន ឆៃ ភេទប្រុស អាយុ២៦ឆ្នាំ រស់នៅភូមិអាជាំង ឃុំត្រពាំងសាប ស្រុកបាទី។ ទី៣ឈ្មោះ រឹម ពិសិដ្ឋ ភេទប្រុស អាយុ២៣ឆ្នាំ រស់នៅភូមិព្រេច ឃុំត្រពាំងសាប ស្រុកបាទី ។ ក្រោយឃាត់ខ្លួនកម្លាំងជំនាញដកហូតវត្ថុតាងបានរួមមាន៖ម្សៅក្រាមពណ៌សថ្លាចំនួន៤១កញ្ចប់តូច ទូរស័ព្ទដៃ០៣គ្រឿង និងម៉ូតូ០១គ្រឿងផងដែរ ។បច្ចុប្បន្នជនសង្ស័យនិងវត្ថុតាងត្រូវបានកម្លាំងជំនាញស្រុកបាទីកសាងសំណុំរឿងបញ្ជូនទៅសាលាដំបូងខេត្តតាកែវចាត់ការតាមនីតិវិធី៕
