កំពង់ធំ៖ មានគ្រោះថ្នាក់ចរាចរណ៍មួយនៅលើកំណាត់ផ្លូវជាតិលេខ៦ក្នុងទឹកដីខេត្តកំពង់ធំ ដោយរថយន្ដកូរ៉េរបស់ក្រុមហ៊ុនស្រាបៀរអានឆ័រ បានបើកមកពីរទីក្រុងភ្នំពេញឆ្ពោះទៅខេត្តសៀមរាបបំរុងយកស្រាបៀរទៅចែកចាយ ស្រាប់តែមកដល់កន្លែងកើតហេតុ អ្នកបើកបររថយន្ដស្រាបៀរអានឆ័របានបើកកិចរថយន្ដធំដែលបើកមកពីរមុខរហូតធ្លាក់ចិញ្ចើមផ្លូវ ហើយក្រឡាប់នៅវេលាម៉ោង៧,៣០នាទីព្រឹកថ្ងៃទី២៤ខែមិថុនា ឆ្នាំ២០១៤។
តាមការអោយដឹងពីរជនរងគ្រោះជាថៃកុងឡានបានអោយដឹងថាគាត់បានដឹកស្រាបៀរអានឆ័រចេញពីរខ័ណ្ឌឬស្សីកែវរាជធានីភ្នំពេញឆ្ពោះទៅខេត្ត សៀមរាបដើម្បីយកស្រាបៀរអានឆ័រទៅចែកចាយតាមឌឺប៉ូរ ស្រាប់តែមកដល់ កន្លែងកើតហេតុ គាត់បំរុងនិងវ៉ាក៏ប្រទះនិងរថយន្ដធំមកពីរមុខហើយផ្លូវចង្អៀតផងនោះគាត់ក៏សំរេចចិត្តកិចរហូតដល់ធ្លាក់ចិញ្ចើមផ្លូវ ដោយគិតថាសុខចិត្តអោយក្រឡាប់ខូចខាតស្រាបៀរប្រសើរជាងគ្រោះថ្នាក់ដោយសារបុកគ្នា រហូតឈានដល់បាត់បង់ជីវិត ។
គ្រោះថ្នាក់ចរាចរណ៍នេះកើតនៅមុខសាលារៀនត្រពាំងវែង ក្នុងសង្កាត់ ស្រយ៉ូវ ក្រុងស្ទឹងសែន ខេត្តកំពង់ធំ រថយន្ដនេះជាប្រភេទរថយន្ដកូរ៉េ ២,៥តោន ពណ៍ក្រហម ពាក់ផ្លាកលេខ ភ្នំពេញ 3B 0510 បើកបរដោយ បុរសម្នាក់ឈ្មោះសួសចិត្រា អាយុ៣៤ ឆ្នាំរស់នៅ ក្នុងខ័ណ្ឌឬស្សីកែវ រាជធានីភ្នំពេញ ក្រោយមកប៉ុន្មានម៉ោងត្រូវបានម្ចាស់ក្រុមហ៊ុនយករថយន្ដមកសាងស្រាបៀរបន្ដ ចំណែកអ្នកបើកបរគ្រាន់តែរលាត់ស្បែកបន្ដិចបន្តួច ឯស្រាបៀរខូចខាតមួយចំនួនតូច៕
