Ferdinand បានឈានដល់ កិច្ចព្រមព្រៀងលើការផ្លាស់ទៅកាន់ក្លិប កំសៀវតែ Queens Park Rangers រួចរាល់ហើយ ។ អតីតកីឡាករជម្រើសជាតិអង់គ្លេសរូបនេះបានចាកចេញពីទឹកដី Old Trafford ក្រោយពេលរួមរស់ជាមួយក្លិប អស់១២ឆ្នាំ ។ យោងតាមគេហទំព័រ Daily Mail បានចុះផ្សាយថា គ្រូបង្វឹកក្រុម QPR លោក Harry Redknapp បានព្រមព្រៀងនាំយក Ferdinand មកកាន់ក្លិបស្របពេលដែល QPR នឹងបង្ហាញវត្តមានជាថ្មីក្នុងក្របខណ្ឌ Premier League នៅរដូវកាលក្រោយបន្ទាប់ពីពួកគេបានប្រកួតឈ្នះវគ្គ PlayOff ហើយក្លិបនឹងប្រកាសពីការមកដល់របស់ Ferdinand ក្នុងពេលឆាប់ៗនេះ ។ គួរបញ្ជាក់ថា Ferdinand បានចូលលេងជាលើកដំបូងជាមួយក្លិបញញួរយក្ស West Ham United ក្នុងឆ្នាំ ១៩៩៦ ក្រោមការដឹកនាំរបស់លោក Redknapp នេះតែម្តង ៕