ក្រុមម្ចាស់ផ្ទះសាំបាប្រេស៊ីលបានឡើងទៅកាន់វគ្គ១៦ក្រុមចុងក្រោយបន្ទាប់ពីយកឈ្នះលើកក្រុមខ្លាអាហ្វ្រិក កាមេរូនក្នុងលទ្ធផល៤-១ ។ កីឡាករ Neymar រកបានម្នាក់ឯងពីរគ្រាប់នៅនាទីទី១៧និងនាទី៣៥ខណៈ២គ្រាប់ទៀតរបស់ប្រេស៊ីលគឺ រកបានដោយកីឡាករ Fred (ហ្វ្រេដ) នៅនាទី៤៩និងកីឡាករ Fernandinho (ហ្វើណានឌីញ៉ូ) នៅនាទី៨៤ ។ ចំណែកមួយគ្រាប់របស់កាមេរូនគឺរកបានដោយកីឡាករ Joel Matip (ចូល ម៉ាទីព) នៅនាទីទី ២៦ ។ ចំណែកឯការប្រកួតមួយគូទៀតគឺមិចស៊ីកូបានយកឈ្នះក្រូអាតក្នុងលទ្ធផល៣-១ ។ នៅតង់ទី១ក្រុមទាំងពីរ មិនអាចបំបែកពងមាន់បានឡើយដោយរក្សាលទ្ធផល០-០ ។
ប៉ុន្តែនៅតង់ទី២នៅនាទីទី៧២មិចស៊ីកូរកបាន១គ្រាប់មុន ដោយកីឡាករ Rafael Marquez (រ៉ាហ្វាអេល ម៉ាហ្គេស) ។ លេងបាន៣នាទីប៉ុណ្ណោះ Andres Guardado (អាន់ដ្រេ ហ្គួរដាដូ) រកបាន១គ្រាប់ទៀតជួយឲ្យមិចស៊ីកូនាំមុខក្រូអាត២-០ ។ លុះមកដល់នាទី ៨២ កីឡាករ Javier Hernandez (សាវីយេ ហ៊ើណានដេស) រកគ្រាប់ទី៣ឲ្យមិចស៊ីកូ ។
ប៉ុន្តែក្រុមក្រូអាតក៏អាចវាយបកបាន១គ្រាប់វិញ ដោយកីឡាករ Ivan Perisic (អ៊ីវ៉ាន ពើរីស៊ីក) ។ ចប់ការប្រកួតមិចស៊ីកូឈ្នះក្រូអាត៣-១ ។ យោងតាមការប្រកួតពីរគូនេះ ប្រេស៊ីលនិងមិចស៊ីកូចាប់ដៃគ្នាឡើងទៅវគ្គបន្តដោយមាន៧ពិន្ទុស្មើគ្នា តែប្រេស៊ីលឈរនៅលេខ១ដោយមានគ្រាប់ស៊ុតលើសមិចស៊ីកូ២គ្រាប់ ចំណែកឯម៉ិចស៊ីកូ និងកាមេរូនត្រូវហាលអាវ៕
