សៀមរាប៖ លោកវរៈសេនីយ៍ទោ ចៅ ម៉ៅវីរៈ ប្រធានការិយាល័យអន្តោប្រវេសន៍ នៃស្នងការដ្ឋាននគរបាលខេត្តសៀមរាប ត្រូវបានប្រកាសផ្ទេរភារកិច្ច និង តែងតាំងមុខតំណែង ជាស្នងការរង ទទួលបន្ទុកអន្តោប្រវេសន៍ នៃស្នងការដ្ឋាន នគរបាលខេត្តសៀមរាប កាលពីរសៀលថ្ងៃទី ២៤
ខែ មិថុនា ឆ្នាំ២០១៤ ក្រោមអធិបតីភាពឯកឧត្តម នាយ ឧត្តមសេនីយ៍ សុខ ផល អគ្គនាយក នៃអគ្គនាយកដ្ឋានអន្តោប្រវេសន៍ និង ឯ.ឧ ឃឹម ប៊ុនសុង ប្រធានគណៈ បញ្ជាការឯកភាពខេត្ត និង ជាអភិបាលនៃ គណៈអភិបាលខេត្តសៀមរាប នៅសាលប្រជុំស្នងការដ្ឋាននគរបាលខេត្តសៀមរាប ។
ឆ្លងតាមកិច្ចស្វាគមន៍ និង សេចក្តីរាយការណ៍របស់ លោក ឧត្តមសេនីយ៍ទោ សត ណាឌី ស្នងការ នគរបាលខេត្តសៀមរាប និង ការអានសេចក្តីប្រកាសរបស់ក្រសួងមហាផ្ទៃ ស្តីពីការផ្ទេរភារកិច្ច តែងតាំងមុខ តំណែង ដល់មន្ត្រីនគរបាលជាតិ នៃស្នងការដ្ឋាននគរបាលខេត្តសៀមរាប ដោយលោកឧត្តមសេនីយ៍ត្រី ប៉ុល សុគន្ធ អនុប្រធាននាយកដ្ឋានបុគ្គលិក រួចមក។
ឯកឧត្តម នាយឧត្តមសេនីយ៍ សុខ ផល អគ្គនាយក នៃអគ្គនាយកដ្ឋានអន្តោប្រវេសន៍បានធ្វើការប្រគល់ប្រកាស ដល់លោកវរៈសេនីយ៍ទោ ចៅ ម៉ៅវីរៈ ប្រធានការិយាល័យអន្តោប្រវេសន៍ នៃស្នងការដ្ឋាននគរបាលខេត្តសៀមរាប ទៅជាស្នងការរង ទទួលបន្ទុកអន្តោប្រវេសន៍ នៃស្នងការដ្ឋាន នគរបាលខេត្តសៀមរាប តែម្តង ។ ក៏ដូចជាបន្ទាប់ពី ការធ្វើចំណាប់អារម្មណ៍ប្តេជ្ញាចិត្តរបស់លោកស្នងការរង ថ្មីដែលទើបនិងតែងតាំងរួចមក មានប្រសាសន៍សំណេះសំណាលនោះដែរ ឯ.ឧ ឃឹម ប៊ុនសុង អភិបាលនៃគណៈ អភិបាលខេត្តសៀមរាប និង ឯកឧត្តម នាយឧត្តមសេនីយ៍ សុខ ផល អគ្គនាយក នៃអគ្គនាយកដ្ឋានអន្តោប្រវេសន៍ ក៏បានគូសបញ្ជាក់ថា ដើម្បីបំពេញតម្រូវការចាំបាច់ របស់ស្នងការដ្ឋាននគរបាលខេត្តសៀមរាប ដែលជាខេត្តទេសចរណ៍ វប្បធម៌ប្រវត្តិសាស្ត្រ ប្រមូលផ្តុំទៅដោយភ្ញៀវទេសចរណ៍ជាតិ អន្តរជាតិ ទាំងអ្នកទេសចរណ៍ អ្នកវិនិយោគទុន បរទេស ដែលបានមកប្រកបអាជីវកម្មនៅខេត្តសៀមរាប ។ កត្តានេះហើយទើបក្រសួងមហាផ្ទៃ បានធ្វើការប្រកាស តែងតាំងស្នងការរងមួយរូបបន្ថែម ឲ្យទទួលបន្ទុកអន្តោប្រវេសន៍ នៃស្នងការដ្ឋាននគរបាលខេត្តសៀមរាប ដែលមាន ស្នាដៃ ក្នុងការបំពេញភារកិច្ចជំនាញ ដើម្បីរក្សាសន្តិសុខ សណ្តាប់ធ្នាប់ សុវត្ថិភាព ជូនប្រជាពលរដ្ឋ គណៈប្រតិភូជាន់ខ្ពស់ជាតិ អន្តរជាតិ និង ភ្ញៀវទេសចរណ៍ ព្រមទាំងជាតិមាតុភូមិ ។ ឯកឧត្តមទាំងពីរបានបន្តទៀតថា ខេត្តសៀមរាប ជាប៉ូលសេដ្ឋកិច្ចមួយដ៏សំខាន់របស់ព្រះរាជាណាចក្រកម្ពុជា ក្នុងការពង្រឹងខឿនសេដ្ឋកិច្ចជាតិ តាម រយៈវិស័យទេសចរណ៍ហើយបាននិងកំពុងទាក់ទាញនូវជនបរទេសទាំងក្នុងតំបន់ ក៏ដូចជាពិភពលោក ទាំងភ្ញៀវទេសចរណ៏ ទាំងជនអន្តោប្រវេសន៍ ទាំងផ្នែកវិស័យឯកជនក៏មានការកើនឡើងជាលំដាប់ពីមួយឆ្នាំទៅមួយឆ្នាំ។ ជាក់ស្តែងតួលេខជនអន្តោប្រវេសន៏ក្នុងខេត្តសៀមរាប បច្ចុប្បន្ន មានចំនួន១ពាន់០១៥គ្រួសារ ស្មើនឹង៤ពាន់២៥៥ នាក់ ព្រមទាំងបានចុះបញ្ជីស្នាក់នៅ និង ប្រកបអាជីវកម្មនានាក្នុងខេត្ត ។ ឯកឧត្តម នាយឧត្តមសេនីយ៍ សុខ ផល ក៏បានគូសបញ្ជាក់ថា ដើម្បីការគ្រប់គ្រងជនអន្តោប្រវេសន៍ ជនមិនមែនអន្តោប្រវេសន៍ ជនអន្តោប្រវេសន៍ផ្នែក វិស័យឯកជន ប៉ុស្តិ៍ត្រួតពិនិត្យអន្តរជាតិ និងស្ថិតិជនបរទេស កាន់តែមានប្រសិទ្ធភាព ដើម្បីបម្រើឱ្យការងារសន្តិសុខ សណ្តាប់ធ្នាប់សាធារណៈក្នុងខេត្ត កាន់តែប្រសើរឡើង។ ឯកឧត្តមនាយឧត្តមសេនីយ៍ ក៏បានលើនូវភារកិច្ច ៣ ចំណុចសម្ខាន់ៗ ដើម្បីក្នុងការទប់ស្កាត់ ប្រឆាំងរាល់បទល្មើសដែលទាក់ទងនឹងអន្តោប្រវេសន៍ ជាពិសេសលើការ គ្រប់គ្រងជនអន្តោប្រវេសន៍ដែលមានក្នុងខេត្តសៀមរាប និង គ្រប់គ្រងនូវការចេញចូលរបស់ភ្ញៀវតាមច្រកទ្វារអន្តរ ជាតិនានា សម្ខាន់ខេត្តសៀមរាបមានច្រកទ្វារអាកាសយានដ្ឋានអន្តរជាតិ សៀមរាប។ ឯកឧត្តមនាយឧត្តមសេនីយ៍សុខ ផល ក៏បានផ្តល់នូវបទពិសោធន៍ល្អៗ ដើម្បីបំពេញការងារអន្តោប្រវេសន៍ ក្នុងគោលបំណង ដើម្បីធានានូវប្រសិទ្ធភាពការងារ ការសហការល្អ និងការប្តេជ្ញាចិត្តខ្ពស់ ដើម្បីរួមគ្នាអនុវត្តឲ្យបានល្អលើការងារសន្តិសុខ សុវត្ថិភាព និងសណ្តាប់ធ្នាប់របៀបរៀបរយសាធារណៈ ស្របតាមគោលការណ៍ទាំងឡាយរបស់រាជរដ្ឋាភិបាល និងផែនការណែនាំរបស់ក្រសួងមហាផ្ទៃ សំដៅធានាឲ្យល្អប្រសើរលើការងារសន្តិសុខ ជូនប្រជាពលរដ្ឋ និង ជនបរទេសដែលកំពុងស្នាក់នៅប្រកបអាជីវកម្មស្របច្បាប់ព្រមទាំងទេសចរណ៏ជាតិ-អន្តរជាតិដែលមកទស្សនាខេត្តសៀមរាបទើបយើងអាចទទួលបាននូវលិទ្ធផលក្នុងការអនុវត្តនូវគោលនយោបាយភូមិឃុំមានភាពប្រកបដោយប្រសិទ្ធភាពថ្វេរដង៕