សៀមរាប៖ជាយូណាស់មកហើយដែលលោកកែវកុសល(ហៅប៉ូ)មេបញ្ជាការរងមូលដ្ឋានកងរាជអាវុធហត្ថស្រុកស្វាយលើនៅមិនទាន់ចោលទម្លាប់ចាស់ដដែលពោលគឺនៅតែបន្តសកម្មភាពយកស្បែកអាវុធហត្ថដែលជាអង្គភាពមួយប្រជាពលរដ្ឋកំពុងតែគាំទ្រនោះទៅរកស៊ីដឹកជញ្ជូន
ឈើប្រណិតៗរួមនឹងឈើលឹខ២ដោយខុសច្បាប់ប្រមូលលុយពីបទល្មើសព្រៃឈើថែមទាំងកាងឲ្យក្រុមឈ្មួញទៀតគ្មានកោតខ្លាចបទបញ្ជាររបស់សម្ដេចតេជោហ៊ុនសែននិងការរឹតបណ្តឹងរបស់លោកនាយឧត្តមសេនីយ៍សៅសុខាមេបញ្ជាការកងរាជអាវុធហត្ថលើផ្ទៃប្រទេសបន្តិចសោះឡើយ។
មន្ត្រីសាលាស្រុកស្វាយលើមួយរូបនិយាយថាអាជ្ញាធរស្រុកក៍បានដឹងពីសកម្មភាពលោក(ប៉ូ)ដែរតែមិនអាចទប់ស្កាត់បានទេព្រោះគេមានមេកើយរៀងៗខ្លួនហើយចំណុចដែលលោក(ប៉ូ)រកស៊ីឈើប្រមូលលុយពីបទល្មើសព្រៃឈើនឹងកាងឲ្យក្រុមឈ្មួញនោះអាជ្ញាធរក៍មិនសប្បាយចិត្តដែព្រោះលោកប៉ូគេកាងឈើឲ្យក្រុមឈ្មួញរកស៊ីឈើធំៗចំណែកប្រជាពលរដ្ឋដែលបានដឹកឈើបន្តិចបន្តួចគ្រាន់ដូរបាយហូបនោះគេកៀបដូចទឹកអំពៅ។
មន្ត្រីសាលាស្រុកបន្ថែមថាស្រុកស្វាយលើគឺជាស្រុកមួយមានសកម្មភាពកាប់បំផ្លាញព្រៃឈើនឹងដឹកជញ្ជូនឈើយ៉ាងអនាធិបតេយ្យដូចបុណ្យផ្កាចំណែកសមត្ថកិច្ចពាក់ព័ន្ទបាននាំគ្នារឃុបឃិតស៊ីសំណូកពីក្រុមឈ្មួញមិនធ្វើការបង្ក្រាបនោះឡើយជាពិសេសនោះគឺលោក(ប៉ូ)តែម្ដងបានយកតួនាទីជាមេបញ្ជាការរងស្រុករកស៊ីឈើដោយខ្លួនឯងផងកាងឲ្យក្រុមឈ្មួញរកស៊ីឈើផងមិនតែប៉ុណ្ណោះគាត់ក៍ជាអ្នកប្រមូលលុយពីបទល្មើសព្រៃឈើយ៉ាងសកម្មដើម្បីឲ្យអង្គភាពផងដែរ។ ពាក់ព័ន្ទករណីចោទប្រកាន់នេះលោកកែវកុសល(ហៅប៉ូ)មិនអាចទំនាក់ទំនង់ដើម្បីធ្វើការបកស្រាយបំភ្លឺបានទេ។
ដោយឡែកលោកយឹមសុភាពមេបញ្ជាការអាវុធហត្ថស្រុកស្វាយលើបានបញ្ជាក់តាមទូរស័ព្ទថារឿងលោកប៉ូនោះរូបលោកមិនមានការពាក់ព័ន្ទនោះទេចុះផ្សាយអីក៍ចុះទៅ។ តាមសេចក្ដីរាយការណ៍បានបន្ថែមថាសកម្មភាពដឹកជញ្ជូនឈើដោយខុសច្បាប់នៅស្រុកស្វាយលើបាននឹងកំពុងតែចរាចយ៉ាងគគ្រឹកគគ្រេងបំផុតដោយក្រុមឈ្មួញបានប្រើប្រាស់មធ្យោបាយដឹកជញ្ជូនប្រភេទគោយន្តកែឆ្នៃ គោយន្តកន្ត្រៃ រថយន្តសាំយ៉ុងនីហ្សាន់និងកាមរីដោយក្នុងមួយថ្ងៃៗមិនក្រោម៣០គ្រឿងនោះឡើយចំណែកសមត្ថកិច្ចជំនាញពាក់ព័ន្ទមិនបានធ្វើ្កការបង្ក្រាបនោះទេគឺពួកគេបាននឹងកំពុងតែប្រមូលលុយធ្វើឲ្យបទល្មើសនៅតំបន់នោះទទួលរងនូវការវិនាសសកម្មយ៉ាងធ្ងន់ធ្ងរបំផុត។
សេចក្ដីរាយការណ៍បញ្ជាក់ថាបច្ចុប្បន្ននេះលោកកែវកុសល(ហៅប៉ូ)ក៍មានសូវហ៊ានចេញមុខប៉ុន្មាននោះទេគឺគេឲ្យកូនបង្កើតជាអ្នកធ្វើសកម្មភាពបន្តហើយលោក(ប៉ូ)ជាអ្នកនៅពីក្រោយខ្នង។រាល់សកម្មភាពដែលលោក(ប៉ូ)បានកំពុងតែយកឈ្មោះអង្គភាពទៅធ្វើជំនួញឈើដោយល្មើសច្បាប់នេះថ្នាក់ខេត្តមួយចំនួនមិនមានការសប្បាយចិត្តនោះទេដោយសាមិនបានផលប្រយោជ៍តែថ្នាក់ខេត្តខ្លះបានលើកទឹកចិត្តឲ្យលោកប៉ូធ្វើសកម្មភាពបន្តព្រោះបានផលប្រយោជ៍ជាប្រចាំ។
