គែរ៖ អ្នកសារព័ត៌មានរបស់ទូរទស្សន៍អាល់ហ្សាហ្ស៊ីរ៉ា AJazeera ចំនួនបីនាក់ ត្រូវបានតុលាការអេហ្ស៊ីបកាត់ឲ្យជាប់ពន្ធនាគារ ចាប់ពី៧ឆ្នាំ ដល់១០ឆ្នាំ ដោយចោទប្រកាន់ពីបទបានផ្តល់ជំនួយដល់សមាជិក របស់គណបក្ស ភាតរភាពមូស្លីម ដែលប្រឆាំងពួកគេ និងព័ត៌មានមិនពិត ខូចដល់
ប្រយោជន៍ជាតិ ។ ទីភ្នាក់ងារព័ត៌មានចិន ឆាយណាដេលី ចេញផ្សាយនៅថ្ងៃចន្ទ ទី២៣ ខែមិថុនា ឆ្នាំ២០១៤ថា អ្នកសារព័ត៌មាន ទាំងនោះរួមមាន ទីមួយឈ្មោះ ភីធ័រ ហ្គ្រីស ជនជាតិអូស្ត្រាលី ទីពីរឈ្មោះ ម៉ូហាម៉េដ ហ្វាដែល ហ្វាហមី ជាកូនកាត់អេហ្ស៊ីបកាណាដា និងអ្នកផលិតកម្មវិធី មួយរូបទៀតឈ្មោះបេហ័រ ម៉ូហាម៉េដ អ្នកទាំងបីជាភ្នាក់ងារទូរទស្សន៍ អាល់ហ្សាហ្ស៊ីរ៉ា ជាភាសាអង់គ្លេស។
(The journalists included Australian Peter Greste, Egyptian- Canadian Mohamed Fadel Fahmy and producer Baher Mohamed, who work for Qatri-based Al-Jazeera English TV)។ ចំណែកឈ្មោះ Mohamed ត្រូវបានកាត់ទោសបន្ថែមចំនួនបីឆ្នាំពីលើ ពាក់ព័ន្ធនឹងការចោទប្រកាន់ដាច់ដោយឡែកទៀត គឺមានលាក់ទុកអាវុធជាច្រើនដើម ។ ដោយឡែកអ្នកសារព័ត៌មានចំនួនបីនាក់ទៀត ក្នុងនោះ មានជនជាតិអង់គ្លេសពីរនាក់ និងជនជាតិហូឡង់ម្នាក់ ត្រូវកាត់ទោសកំបាំងមុខឲ្យជាប់ពន្ធនាគារ ម្នាក់ៗចំនួន១០ឆ្នាំ។
សិស្សជនជាតិអេហ្ស៊ីប៣នាក់ ក៏ត្រូវបានទទួលការកាត់ទោសផងដែរ ពីបទបានជួយដល់ អ្នកកាសែតទាំងនោះក្នុងបេសកកម្មរបស់ពួកគេ។ សូមបញ្ជាក់ផងដែរថា អ្នកសារព័ត៌មានរបស់ទូរទស្សន៍ Al-Jazeera ទាំងនោះត្រូវបានចាប់ខ្លួនដោយកង កម្លាំងសន្តិសុខអេហ្ស៊ីបនៅក្នុង បន្ទប់នៃសណ្ឋាគារមួយ ក្នុងទីក្រុង គែរ ខណៈពួកគេកំពុងបំពេញបេសកកម្ម កាលពីចុងខែធ្នូ ឆ្នាំ២០១៣។
ការកាត់ទោសលើអ្នកសារព័ត៌មានបែបនេះបានបង្កជាការព្រួយបារម្ភ ក៏ដូចជាកង្វល់ និងកំហឹងទូទាំងពិភពលោក ហើយសូម្បីតែអង្គការសិទ្ធិមនុស្សអន្តរជាតិក៏បានអំពាវនាវឲ្យដោះលែងពួកគេផងដែរ៕ 
