ភ្នំពេញ ៖ ក្រសួងសុខាភិបាល បានប្រកាសផ្សព្វផ្សាយឱ្យប្រុងប្រយ័ត្ន ចំពោះប្រភេទជំងឺគឺជំងឺផ្ដាសាយ H7N9 និងជំងឺផ្លូវដង្ហើមមជ្ឈិមបូព៌ា Mers Coronavirus ជាជំងឺ ប្រភេទថ្មីនេះបាន និងកំពុងឆ្លងរីករាលដាលនៅប្រទេសចិននិងនៅមជ្ឈិមបូព៌ាបើទោះជា ជំងឺនេះមិនទាន់រីករាលដាលមកដល់ប្រទេសកម្ពុជាក្ដី ខណៈអង្គការសុខ ភាពពិភពលោកWHO និងភ្នាក់ងារសុខភាព សត្វកំពុងតាមដានជាប្រចាំនៅទូទាំង
ពិភពលោកដើម្បីឆ្លើយតបទៅនឹងបញ្ហានេះឱ្យបានប្រសើរ និងទាន់ពេលវេលា ។
លោក ផូ សុធា មន្ដ្រីនាយកដ្ឋាន ប្រយុទ្ធជំងឺឆ្លងនៃក្រសួងសុខាភិបាលបានថ្លែង កាលពីព្រឹកថ្ងៃទី២៣ ខែមិថុនា ឆ្នាំ២០១៤ ថា ជំងឺផ្ដាសាយបក្សី H7N9 ជា ប្រភេទជំងឺដែលមានលក្ខណៈធ្ងន់ធ្ងរ ហើយអាចឆ្លងពីសត្វបក្សីទៅមនុស្ស ហើយវីរុសផ្ដាសាយបក្សី H7N9 មិនត្រូវបានគេដឹងមុនថាបង្កជំងឺទៅលើបក្សីនិងសត្វដទៃទៀតនោះទេ និងក៏គេមិនទាន់ដឹងនៅឡើយថា ហេតុអ្វីបានជាវីរុស ផ្ដាសាយប្រភេទនេះមានលទ្ធភាពឆ្លងទៅមនុស្សបានជាងវីរុសផ្ដាសាយដទៃផ្សេងទៀតឡើយ ។
ពេលនេះ លោក ផូ សុធា បានលើកឡើងទៀតថា វីរុសប្រភេទខាងលើនេះត្រូវ បានគេឃើញជាលើកដំបូងថាបានឆ្លង មកមនុស្សនៅអំឡុងខែមីនា ឆ្នាំ២០១៣ នៅប្រទេសចិនហើយចាប់តាំងពីពេល នោះមកគេរកឃើញការឆ្លងនៅក្នុងបក្សី និងមនុស្សដោយការឆ្លងភាគច្រើនគឺបណ្ដាលមកពីការប៉ះពាល់ជាមួយសត្វ បក្សីដែលមានវីរុស។ វីរុស ប្រភេទនេះបានកើតទៅលើមនុស្ស ជាបុរសអាយុជាងកណ្ដាលហើយមាន អាត្រាស្លាប់២២ភាគរយគិតត្រឹមខែមករា ឆ្នាំ២០១៤ ។
ចំពោះរោគសញ្ញានៃជំងឺ ប្រភេទនេះគឺគ្រុនក្ដៅ ក្អក ពិបាកដក ដង្ហើមហើយភាគច្រើនមានជំងឺសួតធ្ងន់ធ្ងរ។ សូមបញ្ជាក់ថា ជំងឺប្រភេទនេះបច្ចុប្បន្នក្រសួងសុខាភិបាលមានមន្ទីរ ពិសោធន៍រួចហើយសម្រាប់ទប់ស្កាត់និងព្យាបាលហើយជំងឺប្រភេទនេះការ ព្យាបាល ទាក់ទងទៅនឹងប្រវត្ដិរបស់ជំងឺដោយសារ តែជំងឺនេះមានលក្ខណៈប្រហាក់ប្រហែល នឹងជំងឺផ្ដាសាយបក្សី H1N1 ផងដែរ ។
ប៉ុន្ដែលក្ខណៈកំណត់ចំណាំគឺជំងឺនេះភាគ ច្រើនបានកើតទៅលើមនុស្សចាស់ហើយ ជាមនុស្សប្រុស ប៉ុន្ដែ H1N1 ភាគច្រើន កើតទៅលើក្មេងហើយជាក្មេងស្រី ។ ចំណែករោគសញ្ញាគឺគ្រុនក្ដៅ ក្អក រងា ញាក់ ឈឺបំពង់ក ឈឺសាច់ដុំ ឈឺ សន្លាក់ (ស្រដៀងជំងឺផ្ដាសាយ) នៅពេល កើតមានជំងឺនេះអាចវិវត្ដន៍ទៅរកជំងឺខាង លើដោយធ្ងន់ធ្ងរដែលឈានទៅដល់មានរាក និងក្អួតចង្អោរ ហើយ៣០ភាគរយនៃ ជំងឺនេះគឺស្លាប់។ ជំងឺប្រភេទនេះមិនទាន់មានថ្នាំសម្រាប់ព្យាបាលនៅឡើយទេ បើមានការសង្ស័យត្រូវមកមន្ទីរពេទ្យ៕