(ស្វាយរៀង)អ្នកភូមិមួយចំនួនបាននាំគ្នាដាំឫស្សីពីងពង់ ព្រោះឫស្សីមួយប្រភេទ នេះដែលគេយកទៅធ្វើផ្ទះ និងគ្រឿងសង្ហារឹមផ្សេងៗ ដោយមើលឃើញពីគុណប្រយោជន៍របស់ឫស្សីនេះ ទើបអ្នកស្រុករមាសហែក ជាពិសេសអ្នករស់នៅឃុំដូង ដែលមានឫស្សីពីងពង់ ត្រូវប៉ាន់ ព្រោះមានទីផ្សារលក់ទៅឲ្យឈ្មួញវៀតណាមដោយបានតម្លៃសមរម្យគ្រាន់បានដោះស្រាយជីវភាពប្រចាំថ្ងៃ។
បើតាមស្ត្រីចំណាស់ម្នាក់ រស់នៅភូមិបាត្រាស់ ឃុំដូងបូង បានឲ្យដឹងថា សព្វថ្ងៃនគាត់មានចិត្តសប្បាយរីករាយ ខណៈមានជីវភាពធូរធាមួយកម្រិត ដោយមានក្រុមឈ្មួញវៀតណាមឡើងមកទិញដល់ភូមិ ឃុំរបស់ពួកគាត់តែម្តង។
ប្រភពបានបន្តទៀតថា ឫស្សីពីងពង់នេះត្រូវបានបជាពលរដ្ឋខ្លះបានដើរប្រមូលទិញពីភូមិឃុំផ្សេងៗទៀត នៃស្រុករមាសហែកមកលក់នៅភូមិបាត្រាស់ ហើយរថយន្តរបស់ឈ្មួញវៀតណាមមកដឹកយកទៅលក់បន្តទៀតនៅប្រទេសវៀតណាម ដោយឫស្សីពីងពង់មួយដើម ជាប្រភេទលេខមួយបាន២៧០០រៀល លេខ២បានតម្លៃ២០០០រៀល និងប្រភេទលេខ៣បានតម្លៃចំនួននិង១៥០០រៀល។ អ្នកភូមិបាត្រាស់បានឲ្យដឹងទៀតថា ឫស្សីពីងពង់នេះគេយកទៅធ្វើជាគ្រឿងសង្ហារឹមមានតុ កៅអី និងធ្វើផ្ទះសំបែងផងដែរ។
មិនតែប៉ុណ្ណោះ បើពុំមានការដាំឡើងវិញទេ ច្បាស់ជាប្រភេទឫស្សីពីងពង់ និងបាត់បន្តិចម្តងៗ អាចឈានទៅដល់ការបាត់បង់ទាំងស្រុង ព្រោះឈ្មួញវៀតណាមមានតម្រូវការច្រើន ដើម្បីផ្គត់ផ្គង់ទីផ្សារនៅប្រទេសរបស់គេ។
អ្នកភូមិបានបន្ថែមទៀតថា ឫស្សីពីងពង់នេះបើដាំវាវិញ មានរយះពេលយូរទម្រាំបានផលគឺដាំតាមធម្មជាតិរបស់វា ពី៤ទៅ៦ឆ្នាំឯណោះ ទើបទទួលផលបាន៕
