រាជធានីភ្នំពេញ ៖ យុវជនម្នាក់បានរងរបួសធ្ងន់ធ្ងរដោយបាក់ជើងខាងស្ដាំ និង២នាក់ទៀតរងរបួសស្រាលដោយគ្រាន់តែរលត់ដៃរលត់ជើងតិចតួច ខណៈពេលស្រវឹងស្រាជោកជាំហើយបើកម៉ូតូអាយខនពណ៌ត្រួចចេកលាយសមួយគ្រឿងបត់ឆ្លងផ្លូវ ក៏ត្រូវរថយន្តកាមរីបាឡែនពណ៌ស្ករមួយគ្រឿងបើកបរដោយបុរសម្នាក់បុកចំពីមុខពេញទំហឹង កាលពីវេលាម៉ោង១០និង១៥នាទី យប់ថ្ងៃទី១៧ខែកុម្ភៈ ឆ្នាំ២០១៤តាមបណ្ដោយមហាវិថីសហព័ន្ធរុស្ស៊ី ទល់មុខក្រុមហ៊ុន តូយ៉ូតា ស្ថិតក្នុងសង្កាត់ទឹកថ្លា ខណ្ឌសែនសុខ។ នៅកន្លែងកើតហេតុយុវជនរងគ្រោះទាំង៣នាក់ប៉ូលិសមិនទាន់ស្គាល់អត្តសញ្ញាណនៅឡើយទេ។
លោក ស៊ិន សុវណ្ណ នាយរងផ្នែកសណ្ដាប់ធ្នាប់ចរាចរជើងគោកខណ្ឌសែនសុខ បានអោយដឹងថា មុនពេលកើតហេតុមានម៉ូតូអាយខន ១គ្រឿង ពណ៌សលាយត្រួយចេក ពាក់ស្លាកលេខ ភ្នំពេញ 1AZ-6196 ជិះដោយយុវជនស្រវឹងស្រាជោកជាំម្នាក់បានធ្វើដំណើរយ៉ាងលឿនតាមបណ្ដាលមហាវិថិសហព័ន្ធរុស្ស៊ីក្នុងទិសដៅពីលិចមកកើត ស្រាប់តែមកដល់
ចំណុចកើតហេតុខាងលើក៏បានបត់ឆ្វេងឆ្លងផ្លូវទើបត្រូវរថយន្តកាមរីបាឡែន ពណ៌ស្ករមួយគ្រឿង អត់ស្លាកលេខ បើកបរដោយបុរសម្នាក់ដែលធ្វើដំណើរបញ្ច្រាស់ទិសគ្នាបុកចំពីមុខពេញទំហឹងបណ្ដាលអោយយុវជនម្នាក់ជាអ្នកបើកម៉ូតូរងរបួសធ្ងន់ធ្ងរបាក់ជើងខាងស្ដាំត្រូវបានរថយន្តសាមុយ ដឹកយកទៅសង្គ្រោះបន្ទាន់នៅគ្លីនិកឯកជនមួយចំណែកមិត្តភ័ក្ត២នាក់
ទៀតដែលជិះពីក្រោយរងរបួសស្រាលដោយគ្រាន់តែរលត់ដៃរលត់ជើងតិចតួច។ ក្រោយពេលកើតហេតុប៉ូលិសចរាចរបានចុះទៅវាស់វែងយករថយន្តនិងម៉ូតូខាងលើទៅរក្សាទុកនៅអធិការដ្ឋាននគរបាលខណ្ឌសែនសុខ៕ 
