ខេត្តកំពង់ធំ៖ លោកវរសនីយ៍ទោ ជា ថា ជាអតីតយុទ្ធជន ត្រូវបានសម្តេច តេជោ ហ៊ុន សែនប្រធានសមាគមអតីតយុទ្ធជនកម្ពុជា បានផ្តល់គោយន្តកន្ត្រៃយ៍ ០១គ្រឿង ជាអំណោយជូន តាមរយះ ឯកឧត្តម ឧត្ដមសេនីយ៍ឯកបណ្ឌិត ហ៊ុន ម៉ាណែត មេបញ្ជាការកងទ័ពជើងគោក អគ្គលេខាធិការរង សមាគមអតីតយុទ្ធជនកម្ពុជា ។
ពិធីប្រគល់គោយន្តកន្ត្រៃយ៍ ០១គ្រឿងនេះ ស្ថិតក្រោមអធិបតីភាព លោក ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ប្រធានសមាគមអតីតយុទ្ធជនកម្ពុជា ខេត្តកំពង់ធំ ដែលជាតំណាងដ៏ខ្ពង់ខ្ពស់ ឯកឧត្តម ឧត្ដមសេនីយ៍ឯក បណ្ឌិត ហ៊ុន ម៉ាណែត មេបញ្ជាការកងទ័ពជើងគោក អគ្គលេខាធិការរងសមាគមអតីតយុទ្ធជនកម្ពុជា នៅរសៀលថ្ងៃទី១៦ ខែតុលា ឆ្នាំ២០១៨ ។
លោកវរសនីយ៍ទោ ជា ថា ជាអតីតយុទ្ធជន រស់នៅ ភូមិស្វាយកាល់ ឃុំកកោះ ស្រុកសន្ទុក ខេត្តកំពង់ធំ បាន ទទួលគោយន្ដភ្ជួរដី០១គ្រឿង និងសម្ភារៈរួមផ្សំផ្សេងទៀត សម្រាប់ប្រើប្រាស់ក្នុងវស័យកសិកម្ម និងជួយដល់ ជីវភាពរស់នៅ របសើក្រុមគ្រួសារ ដែលជាអតីតនៅអង្គភាពមេបញ្ជាការ វរសេនាតូចលេខ១ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ។
លោកវរសនីយ៍ទោ ជា ថា មានក្តីរំភើបចិត្តរកអ្វីប្រៀបផ្ទឹមពុំបាន ចំពោះសណ្តានចិត្តមនុស្សធម៌ដ៏ថ្លៃថ្លារបស់សម្ដេចតេជោ ហ៊ុន សែន នាយ រដ្ឋមន្រ្តីនៃព្រះរាជាណាចក្រកម្ពុជា ដែលបានផ្តល់ជូនគាត់ក្នុងនាមជាអតីតយុទ្ធជន ដែលធ្លាប់លះបង់សាច់ស្រស់ ឈាមស្រស់ប្រយុទ្ធលើសមរភូមិក្នុងសម័យសង្គ្រាមកន្លងមកដើម្បីបុព្វហេតុជាតិនិងប្រជាជន ហើយស្មោះត្រង់ដាច់ខាតចំពោះសម្តេចអគ្គមហាសេនាបតីតេជោ ហ៊ុន សែន ។
ដោយ ប៊ុន រដ្ឋា