ខេត្តប៉ៃលិន បានមានប្រសាសន៏ក្រើនរំលឹក និងជម្រុញដល់កង កម្លាំងនគរបាល ខេត្តប៉ៃលិនទាំងអស់ ត្រូវពង្រឹងសមត្ថភាព ដើម្បីអនុវត្តការងារ និងភារកិច្ច ទួនាទី ប្រកប ដោយក្រមសីលធម៌ និងវិជ្ជាជីវៈ ការពារទប់ស្កាត់បង្ក្រាបបទល្មើស ដើម្បីការពារសន្តិសុខ សុវត្ថិភាព ជូន ប្រជាពលរដ្ឋ។
ការលើកឡើងបែបនេះបានធ្វើឡើង ក្នុងពិធីប្រកាសតែងតាំងអធិការក្រុងប៉ៃលិន និងផ្លាស់ប្ដូរមន្ត្រី ប៉ូលិស ខេត្តប៉ៃលិនព្រមទាំងតម្លើង និងបំពាក់ឋានន្តរស័ក្ដិដល់នាយ នាយរងនគរបាលចំនួន៣១នាក់ ក្រោមអធិបតីភាពលោកកើត សុធាអភិបាលខេត្តប៉ៃលិនលោកដួង សារឿន អនុប្រធាននាយកដ្ឋានបុគ្គលិក នៃអគ្គស្នងការនគរបាលជាតិ ព្រមទាំងមន្ត្រីនគរបាលខេត្តប៉ៃលិនផងដែរ។
លោកជា ចាន់ឌិន ស្នងការនគរបាលខេត្តប៉ៃលិន បានឲ្យដឹងថាយោងតាមសេចក្ដីប្រកាសរបស់ ក្រសួងមហាផ្ទៃ បានសម្រេចប្រកាសផ្ទេរភារកិច្ចលោក វរសេនីយ៍ទោ ឃ្លោក សាឡន ពីមុនជានាយ ការិយាល័យសណ្តាប់ធ្នាប់ ទៅកាន់ជានាយការិយាល័យប៉ូលិសចរាចរណ៍ផ្លូវគោកវិញ។លោកវរសេនីយ៍ ត្រីហ៊ីង យ៉ាន់ ពីមុនជានាយការិយាល័យប៉ូលិសចរាចរណ៍ផ្លូវគោកទៅកាន់ជានាយការិយា ល័យសណ្តាប់ ធ្នាប់វិញដែរ លោក អនុសេនីយ៍ទោលឹម វាសនាពីមុនជានាយផ្នែក ភស្តុភានៃវរសេនាតូច ការពារ ព្រំដែនគោក៨២១ទៅកាន់ជាអធិការក្រុងប៉ៃលិន នៅក្នុងប្រកាសក្រសួងមហាផ្ទៃដដែលនោះ បានសម្រេច តម្លើងនិងបំពាក់ឋានន្តរស័ក្ដិថ្នាក់វរសេនីយ៍ទោចំនួន១២រួប។ថ្នាក់វរសេនីយ៍ត្រីចំនួន ១៨រួបនិងថ្នាក់អនុសេនីយ៍ឯកចំនួនមួយរួបផងដែរ។
លោកស្នងការបានបញ្ជាក់ថាក្នុងឆមាសទី១ ឆ្នាំ២០១៤នេះ បទល្មើសព្រហ្មទណ្ឌកើត មានចំនួន ១៧ លើក ក្នុងនោះបទល្មើសឧក្រិដ្ឋមានចំនួន៧លើកបណ្តាលឲ្យមនុស្សរងរបួស ចំនួន៦នាក់បាត់ បង់ ប្រាក់បាតចំនួន១១មឺនបាត។ប្រាក់រៀលចំនួន៤០ម៉ឺនរៀល និងខ្សែកមាស៥ជី។ បទល្មើសមជ្ឈឹមកើត ឡើង ចំនួន១០លើកបណ្តាលឲ្យរបួសមនុស្សចំនួន៧នាក់បាត់បង់ម៉ូតូចំនួន៥គ្រឿង ខ្សែករប្លាក់ទីន១តម្លឹង ចិញ្ជៀនប្លាក់ទី២វង់ ម៉ាស៊ីនកាត់ស្មៅ១គ្រឿងជញ្ជីងថ្លឹង១គ្រឿង អាគុយ២គ្រឿងអាយភែត១គ្រឿង ម៉ាស៊ីនកាមេរ៉ា១គ្រឿង ប្រាក់ដុល្លារចំនួន១០២០០ដុល្លារ ប្រាក់បាតថៃចំនួន៩៦០០០បាតនិងប្រាក់រៀល ចំនួន៤លានរៀល។
ចំណែកករណីគ្រោះថ្នាក់ផ្សេងៗកើតមានចំនួន៤៦លើកបណ្តាល មនុស្សស្លាប់ចំនួន២៥ នាក់ រងរបួសចំនួន៥៥នាក់ និងខូចខាតផ្ទះប្រជាពលរដ្ឋចំនួន៣៧ខ្នង។ លោកបានបន្តថារាល់ សភាព ការណ៍ បទល្មើសដែលកើតមានឡើងគឺកម្លាំងនគរបាលខេត្តប៉ៃលិន បានខិតខំចុះបង្ក្រាបបាន ជាបន្តបន្ទាប់ដោយមានការចូលរួមពីអាជ្ញាធរមួលដ្ឋាននិងប្រជាពលរដ្ឋផងដែរ ។ លោកដួង សារឿន អនុប្រធាននាយកដ្ឋានបុគ្គលិកនៃអគ្គស្នងការនគរបាលជាតិបានមានប្រសាសន៍ក្រើនរំលឹកដល់កងកម្លាំងនគរបាលខេត្តប៉ៃលិថា ត្រូវខិតខំប្រឹងប្រែងអនុវត្តន៏ច្បាប់ និងបំពេញ តួនាទីភារកិច្ចគោរពវិន័យ។
ត្រូវទប់ស្កាត់បង្កាបង្ក្រាបរាល់បទល្មើសដើម្បីការពារសន្តិសុខ សុវត្ថិភាពជួនជូន ប្រជាពលរដ្ឋ។ លោកបានបន្តថាថ្ងៃនេះគឺមានមន្ត្រីនគរបាលនៃស្នងការដ្ឋាននគរបាលខេត្តប៉ៃលិនដែលត្រូវបានតម្លើងបំពាក់ឋានន្តរស័ក្តិនាយ នាយរងថ្នាក់ដឹកនាំទាំង៣១រួបនេះគឺដោយការខិតខំបំពេញការ ងារភារ កិច្ច បានល្អមានស្នាដៃ។លោកបានបញ្ជាក់ថាមិនមែនមន្ត្រីដែលមិនបានធ្វើការងារបំពេញតួនាទីតាមជំនាញហើយទទួលបានការតម្លើងឋានន្តរស័ក្តិនោះទេ។ លោកកើត សុធា បានមានប្រសាសន៍ថាកម្លាំងនគរបាល ខេត្តប៉ៃលិនទាំងអស់ ត្រូវពង្រឹងបង្កើន សមត្ថភាព ជំនាញរបស់ខ្លួន និងត្រូវអនុវត្តតួនាទីភារកិច្ចប្រកបដោយក្រមសីលធម៌ វិជ្ជាជីវៈ ដើម្បីបំរើផល ប្រយោជន៍ជូនជាតិ និងប្រជាពលរដ្ឋ និងជាពិសេសគឺការអនុវត្តគោលនយោបាយភូមិឃុំមានសុវត្ថិភាព។
លោកអភិបាលខេត្តប៉ៃលិន បានផ្តាំផ្ញើរដល់កងកម្លាំងនគរបាលទាំង អស់ត្រូវមានកិច្ច សហប្រតិបត្តិ ការល្អជាមួយអង្គភាពពាក់ព័ន្ធនិងរក្សានូវសាមគ្គីភាពផ្ទៃក្នុងដើម្បីអនុវត្តការងារប្រកបដោយប្រសិទ្ធភាពស្របតាមកម្មវិធីនយោបាយនិងយុទ្ធសាស្ត្រចតុកោណដំណាក់កាលទី៣របស់រាជរដ្ឋាភិបាលកម្ពុជា ៕