សៀមរាប៖លោកប៊ុនថាប្ញទ្ធិបានបញ្ជាក់ថាកម្ពុជាយើងមិនមែនជាប្រទេសផលិតគ្រឿងញៀនទេ ក៏ប៉ុន្តែកម្ពុជាបានកំពុងទទួលរងនូវផលប៉ះពាល់គ្រឿងញៀនដែលក្រុមឧក្រិដ្ឋជនបានធ្វើចរាចរឆ្លងកាត់ក៏ដូចបណ្តាប្រទេស នានាក្នុងតំបន់ផងដែរ
។ លោកបានលើកឡើងថា នាបច្ចុប្បន្ននេះ រាជរដ្ឋាភិបាលកម្ពុជា បានកំពុងខិតខំក្នុងការទប់ស្កាត់ និង លុបបំបាត់ភាពក្រីក្រព្រមទាំងបន្តការស្តារឡើងវិញនូវខឿនហេដ្ឋារចនាសម្ព័ន្ធជាតិសំដៅជម្រុញនិងរក្សាស្ថិរភាពសេដ្ឋកិច្ចជាតិ ក្នុងគោលដៅធ្វើសមាហរណកម្ម ក្នុងតំបន់និងអន្តរជាតិ នៃទិសដៅអាស៊ានគ្មានគ្រឿងញៀន ។
លោកប៊ុនថាប្ញទ្ធិបានគូសបញ្ជាក់ពីផលវិបត្តនៃគ្រឿងញៀនបានបង្កឲ្យឆ្លងរាលដាលមេរោគអេដស៍ធ្វើឲ្យខូចសុខភាពសរីរាង្គកាយ និង បាត់បង់ជីវិតទៀតផង ។ ម្យ៉ាងទៀតខេត្តសៀមរាបជាតំបន់ទេសចរណ៍វប្បធម៌ធម្មជាតិប្រវត្តិសាស្ត្រ ដែលមានភ្ញៀវទេសចរជាតិ អន្តរជាតិចូលមកទស្សនាកម្សាន្ត ហើយក៏ជាគោលដៅរបស់ក្រុមឧក្រិដ្ឋជនគ្រឿងញៀន ធ្វើចរាចរឆ្លងកាត់ ។
លោកបានក្រើនរំលឹកដល់សមត្ថកិច្ច អាជ្ញាធរមូលដ្ឋាន គ្រប់ជាន់ថ្នាក់ទាំងអស់ ត្រូវយកចិត្តទុកដាក់ខ្ពស់ កុំឲ្យតំបន់ទេសចរណ៍ប្រវត្តិសាស្ត្រក្លាយជាកន្លែងផលិតនិងចរាចរចែកចាយគ្រឿងញៀន។តែក្នុងនោះក៏មានយុវវ័យយើងមួយចំនួនក៏បានរងគ្រោះធ្លាក់ខ្លួនប្រើប្រាស់គ្រឿងញៀនដោយពួកគេមិនយល់ពីឥទ្ធិពលនៃការគ្រោះថ្នាក់នៃគ្រឿងញៀនគ្រប់ប្រភេទដែលធ្វើឲ្យក្រុមគ្រួសារទទួលការឈឺចាប់និងទទួលរងនូវភាពអាម៉ាស់បាត់បង់កិត្តិយសក្នុងសង្គមជាសម្ខាន់ចំពោះក្រុមយុវវ័យ ដែលជាធនធានមនុស្សនៃសរសរស្តម្ភគ្រឹះដ៏រឹងមាំក្នុងការអភិវឌ្ឍន៍ប្រទេសទៅថ្ងៃអនាគត ។
ដូច្នេះយើងគ្រប់រូប ត្រូវចូលរួមធ្វើការអប់រំ ផ្សព្វផ្សាយដល់សមត្ថកិច្ច ពាក់ព័ន្ធ គ្រប់ថ្នាក់ គ្រប់ផ្នែក អំពីការអនុវត្តច្បាប់ត្រួតពិនិត្យគ្រឿងញៀន ដើម្បីធ្វើឲ្យកាន់តែមានប្រសិទ្ធភាពទ្វេរឡើងពីព្រោះថាគ្រឿងញៀនវាមិនមែនជាថ្នាំចំណីអាហារហើយក៏មិនមែនជាល្បែងកម្សាន្តដែលក្មួយៗត្រូវសាកល្បង នោះទេ តែផ្ទុយទៅវិញវាជាសារធាតុមួយ ដែលបង្កឲ្យយុវវ័យយើងធ្លាក់ខ្លួនញៀន និង ធ្វើឲ្យរងគ្រោះថ្នាក់ធ្ងន់ធ្ងរទៀតផង។
លោកប៊ុនថាប្ញទិ្ធអភិបាលរងខេត្តសៀមរាបនិងជាអនុប្រធានគណៈកម្មាធិការត្រួតពិនិត្យគ្រឿងញៀនខេត្តមានប្រសាសន៍យ៉ាងដូច្នេះនៅក្នុងលោកនឹងលោកឧត្តសេនីយ៍ទោឡាយគឹមលីអគ្គលេខាធិការរងនៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀនអញ្ជើញជាគណះធិបតីប្រារព្ធទិវា អន្តរជាតិ ប្រយុទ្ធប្រឆាំងគ្រឿងញៀន ក្រោមប្រធានបទ ( រួមគ្នាបង្ការនិងព្យាបាល បញ្ហាគ្រឿងញៀន នៅក្នុងបរិវេណទីស្នាក់ការសាខាកាកបាទក្រហមកម្ពុជា ខេត្តសៀមរាបកាលពី ព្រឹកថ្ងៃទី២៧ ខែមិថុនា ឆ្នាំ២០១៤ម្សិលម៉ិញ។
លោកសុខថុលនាយករងរដ្ឋបាលសាលាខេត្តនិងជាលេខាធិការដ្ឋាននៃគណៈកម្មាធិការត្រួតពិនិត្យគ្រឿងញៀនខេត្តបានធ្វើសេចក្តីរាយការណ៍អំពីកិច្ចសហការល្អក្នុងការផ្សព្វផ្សាយទប់សាក់ប្រយុទ្ធប្រឆាំងគ្រឿនញៀននិងលទ្ធផលការទប់ស្កាត់ និង ការបង្ក្រាបគ្រឿងញៀន ក្នុងឆមាសទី១ ឆ្នាំ២០១៤ មាន អ្នកព្យាបាលផ្តាច់គ្រឿងញៀន មានចំនួន ៦៦នាក់ ស្រី០១នាក់ ព្រមទាំងបានចុះស្រាវជ្រាវ ពីមុខសញ្ញាប្រព្រឹត្តបទល្មើសគ្រឿងញៀន នៅតាមផ្ទះសំណាក់ ភោជនីយដ្ឋាន ក្លឹបកម្សាន្ត សណ្ឋាគារ បានចំនួន ១០៩លើក ។