នាង Abbey Clancy និងស្វាមី Peter Crouch ព្រមទាំងបុត្រី Sophia បានទៅកម្សាន្តជាលក្ខណៈគ្រួសារ នាថ្ងៃវិស្សមកាលយ៉ាងរីករាយ នៅបារាំង ដែលសកម្មភាព របស់ពួកគេបានបង្ហាញនូវសកម្មភាពទាក់ទាញដ៏គួរឲ្យច្រណែនផងដែរកាលពីថ្ងៃព្រហស្បតិ៍ ដូចជាការស្លៀកពាក់ ឈុតប៊ីគីនី ការដឹកដៃគ្នាតាមឆ្នេរខ្សាច់សក្បុស ការបីនិងពកូនដើរកាត់មាត់ទឹក និងដឹកដៃគ្នាឡើងជិះទុកកម្សាន្តជាដើម។
គ្រួសារនាងត្រូវបានវេបសាយបរទេស ផ្សាយកាលពីថ្ងៃព្រហស្បតិ៍ ទី២៦ ខែមិថុនា ឆ្នាំ២០១៤នេះ។ នាង Abbey Clancy ជាមួយសម្លៀកបំពាក់ខ្មៅ ឈុតប៊ីគីនី បង្ហាញរូបរាងស្ទើររលីងទាក់ទាញ នោះ តារាម៉ូដែលវ័យ២៨ឆ្នាំរូបនេះត្រូវបាន ស្វាមីជាតារាបាល់ទាត់ដ៏ឆ្នើមម្នាក់ដែរនោះ បណ្តើរគ្នាយ៉ាងល្អូកល្អិននាឆ្នេរខ្សាច់មាត់សមុទ្រដ៏ល្វឹងល្វើយ ហើយជារឿយៗពួកគេបានដឹកដៃកូន និងចោលស្នាមញញឹមដាក់គ្នាយ៉ាងមានសុភមង្គល។
បន្ទាប់ពីដឹកដៃគ្នាដើរនៅមាត់ឆ្នេរ ដោយនាង Abbey Clancy ជាអ្នកពកូនតូចផង ពួកគេក៏បាននាំគ្នាទៅជិះទូកកម្សាន្តឬអូប័រកម្សាន្តយ៉ាងរីករាយ។ គេឃើញនៅលើទុកកម្សាន្តនោះ នាង Abbey Clancy ត្រូវបានស្វាមី បីបមនិងចាប់ឱបជាប់ផងដែរ ពេលនាងហាក់ដូចជាផ្ងារក្រោយពេលដែលទូកកម្សាន្តត្រូវបានទាញកញ្ឆក់នោះ បន្ទាប់មកដោយនាងបានផ្អៀងផ្អងខ្លួនផ្តេកលើស្វាមីដោយក្តីស្និទ្ធស្នាល គយគន់ទេសភាពដ៏ស្រស់ត្រកាល់ឥតឈឺក្បាលវិលមុខកើតទុក្ខអ្វីឡើយ។
សូមមើលសម្រស់និងសកម្មភាពនាង Abbey Clancy និងស្វាមី នៃគ្រួសារល្បីរូបនេះមើល តើពួកគេរីករាយយ៉ាងណាដែរ? លោកអ្នកចង់បានភាពរីករាយដូចនេះទេ?