ភ្នំពេញ៖ វិស័យអប់រំគឺជាវិស័យអទិភាពមួយដ៍សាំខាន់ដែលរាជរដ្ឋាភិបាលកម្ពុជាបាននឹងកំពុងយកចិត្ដទុកដាក់ក្នុងការលើកកម្ពស់គុណភាព និងពង្រីកវិសាលភាពនៅទូទាំងប្រទេស ។ រាដ្ឋាភិបាលបានលើកទឹកចិត្ដឱ្យមានការចូលរួមអភិ វឌ្ឍន៍វិស័យនេះ ពីសំណាក់ដៃគូឯកជន ក្នុងទិសដៅធានាឱ្យបានទាំងគុណ ភាព និងបរិមាណនៃធនធានមនុស្សដែលអាចចូលរួមយ៉ាងសកម្មដើម្បីអភិវឌ្ឍសង្គម ជាតិយើងឱ្យកាន់តែរីកចម្រើនបន្ថែមទៀត ។
នេះបើតាមប្រសាសន៍ឱ្យដឹងពីលោក ជំ ទាវឧបនាយករដ្ឋមន្រី្ដម៉ែន សំអន រដ្ឋមន្រី្ដក្រសួងទំនាក់ទំនង ជាមួយរដ្ឋសភា ព្រឹទ្ធសភា និងអធិការកិច្ច ក្នុងឱ្យកាសប្រគល់សញ្ញាបត្រ័ដល់និស្សិតជាង៦០០នាក់មកពីវិទ្យាស្ថានសង្គមសាស្ត្រនិងបច្ចេកវិជ្ជាព្រឹកថ្ងៃទី ៣០ខែមិថុនា ឆ្នាំ២០១៤ នៅខេត្តស្វាយរៀង។
លោកជំទាវម៉ែន សំអន បានបញ្ញាក់ថា ចរន្ដនៃសកលភាវូបនីយកម្ម ជាពិសេសការត្រៀមខ្លួនសំរាប់ការធ្វើសមាហរណកម្មសេដ្ឋកិច្ចសហគមន៍អាស៊ាន ចាប់ពីឆ្នាំ ២០១៥ខាងមុខនេះ តម្រូវឱ្យប្រទេសកម្ពុជាយើងមានធនធានមនុស្ស ដែលមានចំណេះដឹងនិងចំណេះធ្វើប្រសើរជាងមុន ដើម្បីប្រកួតប្រជែងចាប់យក ឱកាសថ្មីៗ ក៍ដូចជាត្រៀមខ្លួនទប់ទល់នឹងបញ្ហាប្រឈមនានាដែលអាចនឹងកើតមាន ។
គ្រឹះស្ថានអប់រំទាំងអស់ត្រូវខិតខំតំរែតំរង់ការផ្ដល់សេវាកម្មអប់រំ និង ការបណ្ដុះបណ្ដាលធនធានមនុស្សឱ្យកាន់តែមានគុណភាពខ្ពស់ និងកសាងធនធាន មនុស្សប្រកបដោយសមត្ថភាពប្រគួតប្រជែង និងចាប់ដៃគូជាមួយបណ្ដាប្រទេស ដ៍ទៃក្នុងតំបន់និងក្នុងពិភពលោក ។ លោកជំទាវបន្ដថា ការចូលរួមពីសំណាក់គ្រឹះស្ថានអប់រំឯកជនក៍កំពុងដើរតួយ៉ាងសំខាន់ ជាមួយគ្រឹះស្ថានអប់រំរដ្ឋក្នុងការផ្ដល់ ជម្រើស និងបង្កលក្ខណៈកាន់តែងាយ ស្រួលដល់កុមារ និងយុវជន កម្ពុជាយើងឱ្យទទួលបានសេវាកម្មអប់រំប្រកបដោយគុណភាព ។
ក្នុងនាមជាបណ្ដាញ គ្រឹះស្ថានអប់រំឯកជនមួយ ត្រូវបន្ដខិតខំរក្សា និងពង្រឹងគុណភាពអប់រំរបស់ខ្លនជាប្រចាំ ដើម្បីរួមចំណែកក្នុងការកសាងធនធានបញ្ញា និងមូលធនសង្គមសម្រាប់សង្គមជាតិយើង ។ តាមការបញ្ជាក់ឱ្យដឹងពីលោកស្រីបណ្ឌិតព្រុំ ទេវីនាយកវិទ្យាស្ថាន សង្គមសាស្ត្រនិងបច្ចេកវិជ្ជាបានបញ្ចាក់ថា វិទ្យាស្ថាន បានផ្ដល់សេវាកម្មអប់រំចំណេះដឹងទូទៅខ្មែរតាំងពីថ្នាក់ទី១២ និងភាសាអង្គ់គ្លេស ព្រមទាំងអភិវឌ្ឍន៍វិស័យ អប់រំ ដែលផ្ដល់សេវាកម្មបណ្ដុះបណ្ដាលស្រាវជ្រាវ និងប្រឹក្សាយោបល់ ។រហូត មកដល់ពេលនេះសាលាមានសិស្ស ដែលកំពុងសិក្សានៅគ្រប់ កម្រិតចំនួនរាប់ពាន់នាក់ ។
លោក ស្រីបន្ដថា កាលពី៤ឆ្នាំមុន ដោយមើលឃើញថា មាតាបិតា ឬអាណាព្យាបាលភាគច្រើន ផ្ដល់តម្លៃខ្ពស់ និងបញ្ជូនបុត្រធីតាទៅ សិក្សានៅក្រៅប្រទេស ឬទៅសា លារៀន អន្ដរជាតិ ដោយបង់ថ្លៃសិក្សាខ្ពស់ ដើម្បីទទួលបានគុណភាពអប់រំមួយ ដែល ខ្លួនចង់បាន និងពេញចិត្ដ ។ ដូច្នេះហើយទើបសាលា យើងត្រូវបានបង្កើតឡើងក្នុងរយៈពេលជាង៤ឆ្នាំមកនេះត្រូវបានការពេញនិយម និងគាំទ្រពីសិស្សានុសិស្ស និងមាតាបិតាយ៉ាងច្រើន ។
ទន្ទឹននិងនេះសាលារៀន ក៍បានគិតពីគុណភាពធ្វើយ៉ាងណាឱ្យស្របតាមកម្មវិធីសិក្សាខ្នាតអន្ដរជាតិ ដើម្បីសម្របចំណេះដឹងយុវយរបស់យើងទៅសហគមអាស៊ានដែលរាជរដ្ឋាភិបាលកម្ពុជាយើងចង់បាននាពេលបច្ចុប្បន្ន ៕ វិមាន
