ខេត្តប៉ៃលិន៖ ប្រជាពលរដ្ឋប្រមាណជា៦០០នាក់ មកពីគ្រប់ទីកន្លែងជាច្រើនខេត្ត ក្រុង និងអ្នករស់នៅខេត្តប៉ៃលិន បានចូលទៅពិនិត្យព្យាបាលជម្ងឺ នៅ បរិវេណការិយាល័យ តំណាងរាស្ត្រមណ្ឌលប៉ៃលិន ដោយមានក្រុមគ្រួពេទ្យស្ម័គ្រដែលចូលនិវត្ត និងសហភាព សហព័ន្ធយុវជន កម្ពុជា និងយុវជនគណបក្សប្រជាជនកម្ពុជាខេត្តប៉ៃលិន បានចូលរួមសកម្មភាពនេះផងដែរ។
លោកសៅ សារ៉ាត់ ក្រុមការងារការិយាល័យតំណាងរាស្ត្រមណ្ឌលប៉ៃលិនបានឲ្យដឹងថាការិយាល័យតំណាងរាស្ត្រមណ្ឌលប៉ៃលិន ចាប់តាំងពី២៤ខែមិនាឆ្នាំ២០១៤រហូតមកដល់ថ្ងៃទី២៩ខែមិថុនានេះប្រមាណជា១៤សម្ដាហ៍ហើយគឺប្រជាពលរដ្ឋប្រមាណជិត៤ពាន់នាក់ដែលបានចូលមកពិនិត្យព្យាបាលជម្ងឺទួទៅនៅកន្លែងការិយាល័យតំណាងរាស្ត្រមណ្ឌលប៉ៃលិន កន្លែងពិនិត្យព្យាបាលជម្ងឺជូនប្រជាពរដ្ឋមិនប្រកាន់និន្នាការនយោបាយដោយឥតគឹតថ្លៃ។
លោកបានបញ្ជាក់ថា លោកស្រីជំទាវ បាន ស្រីមុំ បានចំណាយថវិការទិញសម្ភារៈ បរិក្ខាពេទ្យ ជាច្រើន និងទិញឧសថ(ថ្នាំព្យាល)ជាច្រើនមុខដោយចំណាយថវិការផ្ទាល់ខ្លួន របស់លោកជំទាវ ដាក់ តម្គល់ នៅ ការិយាល័យតំណាងរាស្ត្រមណ្ឌលប៉ៃលិន សម្រាប់ក្រុមការងារ ប្រើប្រាស់ធ្វើ សកម្មភាពគ្រប់ យ៉ាង ក្នុងការជួយសង្គ្រោះប្រជាជន។
លោកវេជ្ជបណ្ឌិតចូលនិវត្ត ខាត់ សុគឿន ដែលស្ម័គ្រចិត្តបម្រើសេវាសុខភាពនៅការិយាល័យតំណាង មណ្ឌលប៉ៃលិនបានប្រាប់ឲ្យដឹងថាលោកជំទាវ បាន ស្រីមុំ តំណាងរាស្ត្រមណ្ឌលប៉ៃលិនបានទិញសម្ភារៈបរិក្ខាជាច្រើនសម្រាប់ពិនិត្យ វាស់ជាតិអាស៊ីត ជាតិស្ក ខ្លាញ់ ធ្វើតេសឈាមជម្ងឺគ្រុនឈាម ម៉ាស៊ីនស្ពុងផ្លូវដង្ហើម អុកស៊ីស្សែន និងឡានសង្គ្រោះបន្ទាន់សម្រាប់ដឹកជួយសង្គ្រោះប្រជាពលរដ្ឋរង គ្រោះថ្នាក់ជាយថាហេតុផ្សេងៗ។
លោកគ្រួពេទ្យបានបន្តថាការិយាល តំណាងរាស្ត្រមណ្ឌលប៉ៃលិនបានបើកកន្លែងពិនិត្យពិគ្រោះជម្ងឺនិងផ្ដល់ថ្នាំព្យាបាលដោយឥតគឹតថ្លៃតាំងពីថ្ងៃទី២៤ខែមិនារហូតមកដល់ថ្ងៃទី២៩ខែមិថុនានេះប្រមាណជា១៤សប្ដាហ៍ហើយ(ពិនិត្យនិងព្យាបាលនៅរៀងរាល់ថ្ងៃអាទិត្យ)មានប្រជាពលរដ្ឋជិត៤ពាន់នាក់មកពីខេត្ត បាត់ដំបង ប៉ៃលិន ពោធិ៍សាត់ សៀមរាប ខេត្តបន្ទាយមានជ័យ កំពង់ឆ្នាំង។ល។លោកបានបញ្ជាក់ទៀតថាប្រជាពលរដ្ឋភាគច្រើនមានជម្ងឺក្រពះពោះវៀន និងផ្លូវដង្ហើមលើ (ប្រភេទផ្ដាស្សាយ)ខ្វះជីវជាតិ គ្រុនក្ដៅ។
ហើយនៅការិយាល័យតំណាងរាស្ត្រមណ្ឌលប៉ៃលិនមាន ថ្នាំព្យាបាលជាច្រើនមុខសម្រាប់ព្យាបាលដោយឥតគឹតថ្ងៃ។ លោកជំទាវ បាន ស្រីមុំ បាន បញ្ជាក់ថាថវិការចំណាយទៅលើការទិញថ្នាំ សង្កូវសម្រាប់ ក្រុមគ្រួពេទ្យព្យាបាលនោះគឺមានការចូលរួមពីសប្បុរសជន និងអាជីវករក្នុងខេត្តប៉ៃលិនមួយផ្នែកដែរ។ ម្យ៉ាងទៀតចំពោះឡានសង្គ្រោះបន្ទាន់មួយគ្រឿងសម្រាប់ការិយាល័យតំណាងរាស្ត្រប្រើប្រាស់ដឹកអ្នករងគ្រោះផ្សេងៗនោះគឺសប្បុរសជនប្រទេសបារាំងបានជួយឧបត្ថម្ភមក ៕