កំពង់ធំ៖ ឯកឧត្តម ឧត្តមសេនីយ៍ទោ សោម ស៊ុន មេបញ្ជាការងយោធភូមិភាគទី៤ បានអញ្ជើញជាតំណាង ម្ចាស់ជំនួយ របស់សម្បុរសជន ចុះប្រគល់ផ្ទះមួយខ្នង នៅថ្ងៃទី១៧ខែមករា ឆ្នាំ២០១៩ ដែលទើបតែសាងសង់រួច ជូនគ្រួសារ លោក វ៉ែន វ៉ាន់ ហៅតុ អាយុ៣៩ ឆ្នាំមានភរិយាឈ្មោះ ប៊ូ អ៊ិត អាយុ ៣៥ ឆ្នាំមានកូនចំនួន៥នាក់នៅក្នុងបន្ទុក បច្ចុប្បន្នរស់នៅភូមិកំញ៉ាត ឃុំទ្រៀល ស្រុកបារាយណ៍ ខេត្តកំពង់ធំ ។ឧត្តមសេនីយ៍ទោ សោម ស៊ុន បានមានប្រសាសន៍ថា ដោយមើលឃើញពីជីវភាពខ្វះខាត របស់គ្រួរសារនេះ ដែលបានខិតខំតស៊ូជីវិត ប្រឹងប្រែងប្រកបមុខរបរចិញ្ចឹមជីវិត តែដោយសារជីវភាពខ្វះខាតពុំមានលទ្ធភាព សាងសង់ផ្ទះបានសមរម្យនឹងគេ ក៏បានគៀងគរសម្បុរសជន ដែលអ្នកមានចិត្តបុណ្យ បានថវិកាមួយចំនួន បូកផ្សំជាមួយនឹង ប្រាក់របស់ប្អូនប្រុសដែលបានសន្សំទុក មកទិញឈើផ្ទះចាស់ បូកឈើខ្ទមរបស់គាត់ រួមជា មួយឈើថ្មីមួយចំនួន យកមកសាងសង់ផ្ទះបានមួយខ្នង ដែលមានទំហំ ៥ម៉ែត្រx៧ម៉ែត្រ សង់ពីឈើខ្ពស់ផុតពីដី ជញ្ជាំងក្តារ និងសង្កសី ចំណាយថវិកាក្នុងការសាងសង់អស់ទឹកប្រាក់ចំនួន៩,៥០០,០០០ រៀល។ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានបន្តថា ផ្ទះថ្មីមួយខ្នងដែល បានសាងសង់រួមជាស្ថាពរនេះ គឺបណ្តាលមកពីកំលាំងមនុស្សធម៌ ពីសម្បុរសជន ដែលមានឈ្មោះ ឧត្ដមសេនីយ៍ទោសោម ស៊ុន ២០០ $ ឧត្ដមសេនីយ៍ត្រីឃួន សុវណ្ណ នាយរងអធិការដ្ឋានអគ្គមេបញ្ជាការ នៃកងយោធពលខេមរភូមិន្ទ ចំនួន ២០០$ លោកហ៊ុយ សាវឿន ហៅឌែល ចំនួន១០០$ លោកវរសនីយ៍ទោ លី ស៊ីឃៀង ៥០$ លោកវរសនីយ៍ទោទិត ចាន់ ៥០$ លោកវរសនីយ៍ទោហ៊ួន ប៊ុនចែម ៥០ លោកអនុសេនីយ៍អ៊ុង ពិសិដ្ឋ ២៥$ លោកអនុសេនីយ៍ ប៊ី ដៀន ២៥$ លោកវរសនីយ៍ត្រីសោម សំអុល ២៥$ ។ចំណែកលោក វ៉ែន វ៉ាន់ ជាកម្មករសំណង់ បានខិតខំប្រឹងប្រែងពុះពារការលំបាកគ្រប់បែបយ៉ាងដើម្បីជីវភាពរស់នៅក្នុងសង្គម ហើយបានចិញ្ចឹមកូនឲ្យបានរៀនសូត្រ ទោះបីក្នុងជីវភាពរកព្រឹក ខ្វះល្ងាចក៍ដោយ ហើយត្រូវបានប្រជាពលរដ្ឋនៅក្នុងភូមិអាណិតស្រឡាញ់គ្រប់ៗគ្នា ថ្ងៃនេះ ក្រោមជំនួយឧបត្ថម្ភពីសប្បុរសជនដ៍ច្រើនសន្ធឹកសន្ធាប់ រួមនិងថវិកាដែលបានខឹតខំប្រឹងប្រែងសម្របសម្រួលខ្ចីបុលគេបន្ថែម។ នៅក្នុងឳកាសប្រគល់ផ្ទះនេះ ក្រុមការងារមនុស្សធម៌នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានឧបត្ថម្ភ អង្ករចំនួន ៥០ គ.ក មីយើងចំនួន២ កេស ទឹកត្រី ទឹកស៊ីអ៊ីវចំនួន២ យួរ មុងជ្រលក់ថ្នាំចំនួន២ និងថវិកាចំនួន៥០០,០០០ ក្រុមគ្រួសារវ៉ែន វ៉ាន់ សូមគោរពថ្លែងអំណរគុណដ៍ជ្រាលជ្រៅជាទីបំផុតចំពោះឯកឧត្តម អស់លោក លោកស្រី ទាំងអស់ដែលបានចំណាយថវិកាជួយឧបត្ថម្ភដល់ការសាងសង់ផ្ទះថ្មីនេះ នឹងសូមគោរពជូនឯកឧត្ដម អស់លោក ទាំងអស់សូមបានប្រកបតែនិងពុទ្ធពរទាំងបួនប្រការគឺអាយុ វណ្ណៈ សុខះ និងពលះ កុំបីឃ្លៀងឃ្លាតឡើយ ។ដោយ ប៊ុន រដ្ឋា