ក្រុមបាល់ទាត់កូស្តារីកាបានឡើងទៅកាន់វគ្គ៨ក្រុមចុងក្រោយនៃព្រឹត្តិការណ៍ World Cup ជាលើកដំបូង ក្នុងប្រវត្តិសាស្ត្ររបស់ខ្លួនបន្ទាប់ពីបានយកឈ្នះប្រទេសក្រិកដោយបាល់ប៉េណាល់ទីក្នុងលទ្ធផល ៥-៣ ។ ក្រុមទាំងពីរបញ្ចប់៩០នាទីដោយលទ្ធផល១-១បន្ទាប់ពីកីឡាករ Bryan Ruiz (ប្រាយអេន រីស) បានស៊ុតបញ្ចូលទីឲ្យកូស្តារីកានាំមុខមុននៅនាទីទី៥៣ ប៉ុន្តែការប្រកួតរៀបនឹងចប់ទៅហើយនោះ ក្រុមក្រិកតាមបានតាមស្មើវិញនៅនាទីទី៩០ ដោយកីឡាករ Sokratis Papastathopoulos (សូក្រាទីស ប៉ាប៉ាស្តាថូប៉ូឡូស) ។
លុះចប់ការប្រកួត៩០នាទី ក្រុមទាំងពីរបានត្រឹមស្មើគ្នា ១-១ គឺតម្រូវឲ្យ១៥នាទី ២ដង។ ក្នុងម៉ោងបន្ថែម១៥នាទីពីរដង ក្រុមទាំងពីរនៅតែមិនអាចធ្វើអ្វីគ្នាបានទើបលោកអាជ្ញាកណ្តាលតម្រូវឲ្យស៊ុតបាល់ប៉េណាល់ទីសម្រាប់កាត់សេចក្តី ដោយក្រុមកូស្តារីកាបានយកឈ្នះក្រិកក្នុងលទ្ធផល៥-៣ ។ គួរបញ្ជាក់ថា កូស្តារីកានឹងត្រូវឡើងទៅប៉ះហូឡង់នៅវគ្គ៨ក្រុមចុងក្រោយបន្ទាប់ពីហូឡង់បានយកឈ្នះមិចស៊ីកូ២-១ ៕