គ្រូបង្វឹកក្រុមឥន្ទ្រីដែកអាល្លឺម៉ង់លោក Joachim Loew (ចូជីម ឡ) បាននិយាយថា កូនក្រុមរបស់លោក មានសង្ឃឹមច្រើនថានឹងបានឡើងទៅវគ្គ៨ក្រុមចុងក្រោយនៃព្រឹត្តិការណ៍ World Cup ស្របពេលដែលពួកគេត្រូវប៉ះ ជាមួយក្រុមអាល់ហ្សេរីដែលត្រូវបានគេគិតថាជាក្រុមមិនសូវខ្លាំង ។ អាល្លឺម៉ង់និងអាល់ហ្សេរីនឹងត្រូវប្រកួតគ្នាក្នុងកីឡាដ្ឋាន José Pinheiro Borda ដែលលោកអជ្ញាកណ្តាល Sandro Meira Ricci ជាអ្នកកាត់សេចក្តី ។
លោក Loew បាននិយាយប្រាប់អ្នកសារព័ត៌មានថា “អាល់ហ្សេរីជាក្រុមមួយមិនមែនខ្សោយទេព្រោះពួកគេ បានពុះពារមកដល់វគ្គនេះហើយ អ្វីដែលសំខាន់គឺយើងត្រូវតែខំប្រឹងឲ្យទទួលបានជ័យជម្នះ ។ យប់នេះយើងនឹងលេង ប្រព័ន្ធ ៤-១-២-៣ ខ្សែប្រយុទ្ធ Lukas Podolski មិនបានលេងទេព្រោះរបួសប៉ុន្តែយើងនមានខ្សែប្រយុទ្ធ៣នាក់ទៀតគឺ Mesut Oezil, Thomas Mueller និង Mario Goetze (ម៉ារីអូ ហ្គតហ្សេ)” ។ គួរបញ្ជាក់ថា ក្រុមទាំងពីរនេះមិនមានប្រវត្តិជួបគ្នាទេ ៕
