កំពង់ធំ៖ ខេត្តកំពង់ធំគឺខេត្តមួយដែលមានស្ថានដីមានជីជាតិអនុគ្រោះដល់វិស័យកសិកម្ម ទទឹមនឹងកត្តាធម្មជាតិទាំងនេះ ប្រជាកសិករទាំងអស់ចាំបាច់ត្រូវងាកមករកការធ្វេីស្រែតាមលក្ខណៈបច្ចេកទេសដោយប្រេីប្រាស់គ្រឿងយន្ត ជំនួសគោក្របី ដេីម្បីទទួលបានទិន្និផលខ្ពស់ និងចំណេញពេលវេលា។
ស្របពេលដែលកសិករចុះភ្ជួររាស់ ក្រោយពីការប្រមូលផលរួចនៅតាមតំបន់មួយចំនួន ដែលនៅក្នុងនោះកាលពីចុងសប្តាហ៍នេះ ឯកឧត្តម សុខ លូ អភិបាលខេត្តកំពង់ធំ បានចុះមេីលការភ្ជួររាស់ និងប្រមូលផលរបស់បងប្អូនប្រជាពលរដ្ឋនៅស្រុកបារាយណ៍។ ជាមួយគ្នានេះឯកឧត្តមបានប្រាប់អ្នកយកព័ត៌មានយើងថា វិស័យស្រូវអង្ករនៅក្នុងខេត្តកំពង់ធំ មានភាពរីកចម្រេីន កេីនឡេីងនូវទិន្នផលជារៀងរាស់ឆ្នាំ។
ដេីម្បីជួយបង្កេីនទិន្និផលរបស់បងប្អូនកសិករនេះ គម្រោងថវិកាគាំទ្ររបស់ADB និងរាជរដ្ឋាភិបាល គ្រោងនឹងចុះកៀរបង្រាបដីដោយប្រេីប្រាស់ប្រព័ន្ធឡាស៊ែរ ជូនបង្អូនប្រជាពលរដ្ឋនៅឃុំឈូកខ្សាច់ និងឃុំបារាយណ៍ ប្រមាណ៤៨៥ហិចតា ដែលជាបច្ចេកទេសទំនេីបដោយប្រេីប្រាស់គ្រឿងយន្ត។
ឯកឧត្តម សុខលូ បញ្ជាក់ ការកៀរបង្រៀបដីតាមបច្ចេកទេសនេះមិនមានការយកប្រាក់កម្រៃពីប្រជាពលរដ្ឋនោះទេ ប៉ុន្តែតម្រូវឲ្យបងប្អូនដែលជាម្ចាស់ស្រែភ្ជួរដីឲ្យបានរួចរាល់ទេីបម៉ាស៊ីនចូលកៀរបង្រាប ហេីយដីកៀរបង្រាបរួចនេះគឺផ្ទៃដីរាបស្មេីរអាចប្រេីប្រាស់បានពី៤ ឆ្នាំ ទៅ៦ ឆ្នាំ អាស្រ័យលេីការថែទាំរបស់កសិករដែលជាម្ចាស់ស្រែ។
ជាមួយគ្នានេះផងដែរ ប្រជាកសិករដែលកំពុងប្រមូលស្រូវនៅក្នុងអាងទន្លេរជុំ របស់សម្តេចតេជេ បានលេីកឡេីងដែរថា បេីប្រៀបធៀបការប្រមូលផលដោយប្រេីប្រាស់សត្វពាហនៈ និងគ្រឿងយន្ត គឺសត្វពាហនៈសព្វថ្ងៃនេះ កម្ររ និងមានការប្រេីប្រាស់សម្រាប់ការបង្កបង្កេីនផលណាស់ ដោយសារតែគ្រឿងយន្ត ធ្វេីបានលឿន ដែលចំណេញទាំពេលវេលា និងបង្កេីននូវបរិមាណធ្វេីបានច្រេីនជាង។
ក្រុមកសិករបន្តថា ការភ្ជួររាស់ ការច្រូតកាត់ ដោយប្រប្រាស់គ្រឿងយន្ត គឺត្រូវការចំណាយថវិកា ច្រេីនព្រោះគ្រឿងយន្តដែលបម្រេីឲ្យវិស័យកសិកម្មទាំងអស់មានតម្លៃថ្លៃ ហេីយថ្លៃឈ្នួលការជួលភ្ជួររាស់ និងច្រូតកាត់ក៏មានតម្លៃថ្លៃផងដែរ។