ខេត្តកំពង់ធំ ៖ ដើម្បីពង្រឹងសមត្ថភាពប្រយុទ្ធ និងកាយសម្បទានមាំមួន តំបន់ប្រតិបត្តិការសឹករងកំពង់ធំ ដែលបានដឹកនាំដោយ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានយកអស់ពីកំលាំងកាយចិត្ត ក្នុងការគៀងគរសម្បុរជន ដើម្បីហ្វឹកហាត់ក្បួនយុទ្ធសាស្ត្ររបស់ទ័ព និងជា មូលដ្ឋានគ្រិះសម្រាប់កងយោធពលខេមរៈភូមិន្ទ ចំណុះឲ្យតំបន់សឹករងកំពង់ធំ។
សកម្មភាពយុទ្ធដំណើរហ្វឹកហ្វឺនទ័ព របស់វរៈសេនាតូចលេខ១ អស់រយះពេលជិត45ថ្ងៃ និងបានចុះអនុវត្តន៍ ជាក់ស្តែង២ថ្ងៃ១យប់ ក្នុងចម្ងាយដី៣២គីឡូម៉ែត្រ ដោយបានដើរកាត់ ភូមិ កាត់ព្រៃ ភ្នំ ត្រពាំង បឹងបួរ ទាំងយប់ទាំងថ្ងៃ និងបានជួបនិងឧបស័គ្គ ក្នុងយុទ្ធវិធីប្រយុទ្ធបន្ទាន់នៅចំនុចពាក់កណ្តាលផ្លូវ ក្នុងការជួបប្រយុទ្ធជាមួយនិងគូរសត្រូវ ត្រូវបានប្រើប្រាស់រំសេវផ្ទុះគ្រាប់ខ្ជឹប ក្នុងការហ្វឹកហាត់ ដោយឆ្លងកាត់ភូមិតាឡែកថ្មី ឃុំសាលាវិស័យ ស្រុកប្រាសាទបាល្ល័ង្គ ខេត្តកំពង់ធំ និងត្រូវបានបញ្ចប់នៅរមណីយដ្ឋានប្រាសាទសំបូរព្រៃគុគ ប្រកបដោយសុវត្តិភាព។
លោកវរៈសេនីយ៍ត្រី ឈុន ប៊ុនធឿន មេបញ្ជាការងតំបន់ប្រតិបត្តិការសឹករងកំពង់ធំ តំណាងឲ្យឯកឧត្តម ឧត្តមសេនីយ៍ត្រី សោម ស៊ុន រួមនឹងនាយទាហាន និងពលទាហាន បានសំណេះសំណាលជាមួយសិក្ខាម និងបានកោតសរសើរ និងវាយតំលៃខ្ពស់ ចំពោះការខិតខំប្រឹងប្រែង យកចិត្តទុកដាក់របស់សិក្ខាមទាំងអស់ ដែលមានការអំណត់អត់ធ្មត់ ព្យាយាមក្នុងយុទ្ធដំណើររយះពេល២ថ្ងៃ ១យប់ គឺទទួលបានលទ្ធផលល្អប្រសើរ ជាពិសេសដោយមានការយកចិត្តទុកដាក់ពីលោក វរៈសេនីយ៍ត្រី ថន ស៊ីសក្តា មេបញ្ជាការវរៈសេនាតូចលេខ១ បានអនុវត្តន៍ នូវបទបញ្ជារបស់តំបន់សឹករងកំពង់ធំ ក៏ដូចជាគោរពយ៉ាងម៉ឺងម៉ាត់បទបញ្ជាយោធភូមិ ភាគទី៤ ក្នុងការហ្វឹកហ្វឺនដោយភាពទទួលខុសត្រូវខ្ពស់ ។
នៃឳកាសនោះ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានមានប្រសាសន៍ ផ្តាំផ្ញើរដល់កងយោធពលខេមរៈភូមិន្ទ ចំណុះឲ្យតំបន់សឹកទាំងអស់ គោរពនូវនូវបទបញ្ជារ វិន័យនិងសេចក្តីថ្លៃថ្នូររបស់អង្គភាព កសាងកេរ្តិ៍ឈ្មោះឲ្យអង្គភាព ចូលរួមក្នុងសកម្មភាពមនុស្សធម៌ ផ្សាភ្ជាប់ នូវចំណងមិត្តភាពជាមួយប្រជាពលរដ្ឋ សាមគ្គីផ្ទៃក្នុងរួមរស់ជាមួយគ្នា ដូចបងដូចប្អូន និងហាមមិនឲ្យមានការចូលរួមផ្សំគំនិតប្រព្រឹត្តអំពើខុសច្បាប់ ជាពិសេសចំណេះដឹងដែលបានហ្វឹកហាត់មកនេះ ត្រូវព្យាយាម រំ លឹកសារជាថ្មី ប្រើប្រាស់ឲ្យមានប្រយោជន៍ ទៅថ្ងៃក្រោយ។ ដោយ ប៊ុន រដ្ឋា 
