កំពង់ធំ៖ ឧតត្តមសេនីយ៍ទោ សោម ស៊ុន បានលើកទឹកចិត្តដល់អតីតយុទ្ធជពិការ ដែលបានតស៊ូដាំបន្លែ ចិញ្ចឹម សត្វ ធ្វើឲ្យជីវភាពគ្រួសារបានល្អប្រសើរ ក្រោយពីបានយកចិត្តទុកដាក់ ចុះសិក្សាស្វែងយល់ពីជីវភាពរបស់នៅ របស់អតីតយុទ្ធជនពិការ នៅព្រឹកថ្ងៃទី៣០ ខែមករា ឆ្នាំ២០១៩នៅស្រុកកំពង់ស្វាយ ខេត្តកំពង់ធំ។
ឧត្តមសេនីយ៍ទោ សោម ស៊ុន បានកោតសរសើរនិងពោលពាក្យថា បើទោះបីជាជនពិការ តែលោក ឌឹត សុផល បានខឹតខំប្រឹងប្រែងតស៊ូក្នុងឆាកជីវិតចិញ្ចឹមគ្រួសារដែលសមាជិកចំនួន៦ នាក់ រហូតដល់ក្រុមគ្រួសារ រស់នៅមានជីវភាពសមរម្យ ក្រៅពីប្រាក់បៀវត្សប្រចាំខែដែលរាជរដ្ឋាភិបាលផ្តល់ជូន គាត់បាន ដាំបន្លែ និងចិញ្ចឹមសត្វ មានគោ មាន់ ទា ត្រី ដើម្បីលក់ដូរ ដោះស្រាយជីវភាពគ្រួសារបានយ៉ាងល្អប្រសើរ បច្ចុប្បន្នគាត់រស់នៅភូមិត្រពាំងចំបក់ ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ក្នុងឳកាសចុះសួរសុខទុក្ខនេះ បាននាំយកឈើច្រត់មួយគូរ ស្បៀងអាហារ និងថវិកាមួយចំនួន ដែលជាអំណោយរបស់សម្ដេចតេជោហ៊ុន សែន ប្រធានសមាគមអតីតយុទ្ធជនកម្ពុជា តាមរយៈឯកឧត្តមឧត្ដមសេនីយ៍ឯកហ៊ុន ម៉ាណែត អគ្គលេខាធិការរងសមាគមអតីតយុទ្ធជនកម្ពុជា ផ្តល់ជូនផដែរ។
កវរសេនីយ៍ទោ ឌឹត សុផល បានឲ្យដឹងទាំងចិត្តរំភើប ថា ទោះបីធ្លាក់ខ្លួនពិការតែលោកសប្បាយចិត្ត ដោយ សមាគមអតីតយុទ្ធជនកម្ពុជា ជាបង្អែក មានប័ណ្ណបេឡាជាតិរបបសន្តិសុខសង្គមព្យាលជម្ងឺនៅមន្ទីរពេទ្យរដ្ឋដោយឥតគិតថ្លៃ មានសម្តេចអគ្គមហាសេនាបតីតេជោហ៊ុន សែននិងសម្តេចកិត្តិព្រឹទ្ធបណ្ឌិតមានឧត្ដមសេនីយ៍ទោ សោម ស៊ុន ជាប្រធានសមាគមអតីតយុទ្ធជនខេត្ត ជាអ្នកទទួលខុសត្រូវ និង តែងតែចុះពិនិត្យទៅដល់មូលដ្ឋាន ដើម្បីសិក្សាស្វែងយល់ពីស្ថានភាព ជីវភាពរស់នៅ និងធ្វើការដោះស្រាយជូនបងប្អូនបានទាន់ពេលវេលា។
លោក ឌឹត សុផល និងក្រុមគ្រួសារបានគោរពថ្លែងអំណរគុណចំពោះសម្តេចអគ្គមហាសេនាបតីតេជោ ហ៊ុន សែន ដែលបានបង្កើតសមាគមអតីតយុទ្ធជន នេះឡើង នឹងបានធ្វើឲ្យអតីតយុទ្ធជនទាំងអស់មានភាពកក់ក្តៅ និងមានទំនុកចិត្ត និងសូមគាំទ្រសម្តេចបន្តធ្វើជាទីជម្រកដ៏ត្រជាក់របស់ពលរដ្ឋ និងម្លប់សន្តិភាពបន្តទៀត ។
ដោយ ប៊ុន រដ្ឋា
