ភ្នំពេញ៖ លោកស្រីម៉ែន សំអន ឧបនាយករដ្ឋមន្រី្ដ រដ្ឋមន្ដ្រីក្រសួងទំនាក់ទំនង ជាមួយរដ្ឋសភា ព្រឹទ្ធសភា និងអធិការកិច្ច បានទទួលជូប ឯកអគ្គរាជទូតថ្មី នៃព្រះរាជាណាចក្រប្រ៊ុយណេ ដារ៉ូស្សាឡាម លោក កាស្មៀហាន ប៉ង់គីរាន តាហៀរ ប្រចាំ នៅព្រះរាជាណាចក្រកម្ពុជា ក្នុង
គោលបំណង បន្ដទំនាក់កិច្ចសហប្រតិបត្ដិការ លើគ្រប់វិស័យ រវាងកម្ពុជា ប្រ៊ុយណេ ក្នុងក្របខណ្ឌប្រទេសជា បងប្អូន ក្នុងគ្រួសារអាស៊ាន តែមួយ ដែលជានិច្ចកាលតែជួយឧបត្ថម្ភគាំទ្រគ្នាទៅវិញទៅមក ដើម្បីបុព្វហេតុ សន្ដិភាពវិបុលភាព វឌ្ឍនភាពសង្គម សេដ្ឋកិច្ចរបស់ប្រជាជន នៃប្រទេសទាំងពីរ ។ ក្នុងជំនួបនេះ បានប្រព្រឹត្ដទៅកាលពីព្រឹកថ្ងៃទី០២ ខែ កក្កដា ឆ្នាំ២០១៤ នៅទីស្ដីការក្រសួង ។
លោក កាស្មៀហាន ប៉ង់គីរាន តាហៀរ បានបញ្ជាក់ថា៖ ទំនាក់ទំនង រវាងប្រទេសកម្ពុជា និងប្រ៊ុយណេ និងខិតខំបង្កើនកិច្ចសហប្រតិបត្ដិការណ៍ជាមួយគ្នា ឲ្យកាន់តែខ្លាំងក្លា បន្ថែមទៀត ទៅលើផ្នែក សេដ្ឋកិច្ច វប្បធម៌ ពាណិជ្ជកម្ម កសិកម្ម ឧស្សាហកម្ម និងវិសយ័ទេសចរណ៍ ពិសេស បង្កើនការទាំនក់ទំនង វិសយ័វិទ្យាសាស្ដ្រ បច្ចេកវិទ្យា និងវិស័យអប់រំ ជាមូលដ្ឋានដ៍សំខាន់លើការពង្រឹងសមត្ថភាព នៃការផលិតលើគ្រប់វិសយ័ គាំទ្រដល់ការអភិវឌ្ឍសេដ្ឋកិច្ចសង្គមឲ្យទទួលបានការរីកចម្រើនទៅថ្ងៃអនាគត ក្នុងក្រមខណ្ឌប្រទេសអាស៊ានតែមួយ ។
លោកស្រី ម៉ែន សំអន បានបញ្ជាក់ថា៖ រាជរដ្ឋាភិបាលកម្ពុជា និងព្រះរាជាណាចក្រប្រ៊ុយណេ ដារ៉ូស្សាឡាម ក៍ដូចអ្នកវិនិយោគមកពីប្រទេសប្រ៊ុយណេទាំងអស់ តែងតែយកចិត្ដទុកដាក់ជួយកម្ពុជា ដោយទឹកចិត្ដស្មោះត្រង់ នៅពេលនេះកិច្ចសហប្រតិបត្ដិការទ្វេភាគីកម្ពុជា- ប្រ៊ុយណេ ត្រូវបានឈានដល់កំរិតកិច្ចសហប្រតិបត្ដិការជាដៃគូរយុទ្ធសាស្ដ្រគ្រប់ជ្រុងជ្រោយ ។ កិច្ចសហប្រតិបត្តិការផ្នែកវិទ្យាសាស្ត្រ និងបច្ចេកវិទ្យាជាមួយនឹងបណ្ដារប្រទេសជាសមាជិកអាស៊ាន និងដៃគូរបស់អាស៊ាន ដើម្បីលើកកំពស់ដល់ការអភិវឌ្ឍ វិទ្យាសាស្ត្រ និងបច្ចេកវិទ្យានៅកម្ពុជា។ វិស័យវិទ្យាសាស្ត្រ និងបច្ចេកវិទ្យា ការអប់រំ ជាមូលដ្ឋានដ៏សំខាន់លើការពង្រឹងសមត្ថភាពលើគ្រប់វិស័យ គាំទ្រដល់ការអភិវឌ្ឍ សេដ្ឋកិច្ចសង្គម ។ ទី១ បាននិងកំពុងចាប់ផ្ដើមអនុវត្តកម្មវិធី កិច្ចសហប្រតិបត្តិការ ជាមួយដៃគូប្រ៊ុយណេ-អាស៊ាន លើវិស័យ វិទ្យាសាស្ត្រ និង
បច្ចេកវិទ្យា ការអប់រំ តាមរយៈការបង្កើតកិច្ចសហប្រតិបត្តិការ ដោយជំរុញអ្នកវិនិយោគ និងអ្នកបច្ចេកទេសប្រ៊ុយណេ ឲ្យមកបណ្ដាក់ទុន នៅកម្ពុជាឲ្យកាន់តែច្រើនឡើងថែមទៀត។ លោកស្រីបានបន្តថា៖ កិច្ចសហប្រតិបតិ្ដការនេះនឹងជួយលើកកំពស់បន្ថែមទៀត ដល់ការកសាងសមត្ថភាពរបស់មន្ត្រីរាជការ និងវិស័យឯកជនលើផ្នែក វប្បធម៌ ពាណិជ្ជកម្ម ឧស្សាហកម្ម កសិកម្ម និងទេសចរណ៍ ពិសេស វិសយ័ បច្ចេកវិទ្យា ឧស្សាហកម្មខ្នាតតូច មធ្យម និងធំ និងជួយដល់ការផលិតផលិតផលចំណីអាហារក្នុងការទទួលបានចំណេះដឹង ផ្នែកបច្ចេកវិទ្យា ថែមទាំងរួមចំណែកក្នុងការលើកកំពស់គុណភាព សុវត្ថិភាព ម្ហូបអាហារ និងការសិក្សាស្រាវជ្រាវក្នុងការពាក់ព័ន្ធផ្សេងៗទៀតក្នុងវិស័យនេះ ។
លោកស្រីបន្តថា វិស័យនេះមានសក្ដានុពល យ៉ាងខ្លាំងក្នុងការអភិវឌ្ឍ សេដ្ឋកិច្ចសង្គម ជាពិសេស ការកាត់បន្ថយភាពក្រីក្ររបស់ប្រជាពលរដ្ឋ ដូច្នេះការលើកកំពស់សមត្ថភាពរបស់សហគ្រាស ធន់តូច និងមធ្យម តាមរយៈការបង្កើនការលើកកំពស់គុណភាព និងសុវត្ថិភាពផលិតផល ដោយមានការធ្វើទេស្តពិនិត្យតាមដានជាប្រចាំ ជំរុញការគ្រប់គ្រងគុណភាព និងសុវ្ថិភាពផលិតផល ឲ្យអនុលោមតាមស្តង់ដាជាតិ និងការសិក្សាស្រាវជ្រាវ និងអភិវឌ្ឍន៍បច្ចេកវិទ្យា ជាការងារមួយចូលរួមចំណែកក្នុងការអភិវឌ្ឍន៍សហគ្រាសធុនតូច និងមធ្យមនៅកម្ពុជា ឲ្យ
សមស្របតាមបរិយកាសសេដ្ឋកិច្ច នៅក្នុងតំបន់ និងពិភពលោក ។ នៅក្នុងចរន្តសកលភាវូបនីយកម្ម បញ្ហាគុណភាព សុវត្ថិភាពផលិតផល គឺសំខាន់ណាស់ ជាពិសេសផ្នែកចំណីអាហា ដែលយើងទាងអស់គ្នាត្រូវតែយកចិត្តទុកដាក់ ពីព្រោះវានឹងជួយលើកកំពស់ដល់សុខមាលភាព របស់ប្រជាពលរដ្ឋដែលជាអ្នកប្រើប្រាស់ និងអាចកាត់បន្ថយបានការហូរចូលនូផលិផលពីខាងក្រៅ ហើយនឹងអាចឈានទៅដល់ការនាំចេញបន្ថែមទៀត ។ សូមបញ្ជាកថា៖ ប្រទេសប្រ៊ុយណេ ជាប្រទេសមួយនៅចាប់ នឹងប្រទេសម៉ាឡេស៊ី បានទទួលឯករាជពីចក្រភពអង់គ្លេស នៅថ្ងៃទី១ ខែមករា ឆ្នាំ១៨៤ មានផ្ទៃដី៥៧៦៥គីឡូម៉ែត្រការ៉េ មានប្រជាជន៤៥៥ ៧០០នាក់ ។ ប្រ៊ុយណេប្រកាន់របបរាជានិយមដាច់ខាត និងគោរពសាសនាឥស្លាម ។កម្ពុជា និងប្រ៊ុយណេបានភ្ជាប់ទំនាក់ការទូតជាមួយគ្នានៅថ្ងៃទី០៩ ខែមិថុនា ឆ្នាំ១៩៩២ សម័យកាល ដែលកម្ពុជា ស្ថិតក្នុងអន្ដរកាល គ្រប់គ្រងដោយឧត្ដមក្រុមប្រឹក្សាជាតិជាន់ខ្ពស់(SNC) ៕ ដោយ៖ សំរិត