បន្ទាយមានជ័យ:ស្របពេលដែលតំលៃសត្វគោក្របីកំពុងមានទីធ្សាយនិងតំលៃខ្ពស់ព្រមទាំងសុខភាពល្អពុំមានជំងឺនៅក្នុងខេត្តបន្ទាយមានជ័យស្រាប់តែការចិញ្ចឹមមានការថយចុះពីការចិញ្ចឹមគោជាកំលាំងអូសទាញមកចិញ្ចឹមគោពូជយកសាចវិញ។នេះបើតាម
ការលើកទ្បើងរបស់មន្ត្រីបសុពេទ្យខេត្តក្នុងពេលចុះធ្សព្វធ្សាយចាក់វ៉ាក់សាំងការពារជំងឺឆ្លងដល់សត្វពាហណះក្នុងឃុំស្រុកព្រះនេត្រព្រះខេត្តបន្ទាយមានជ័យកាលពីព្រឹកថ្ងៃទី២កក្តដា២០១៤។ លោក អ៊ីវ វណ្ណា អនុប្រធាការោយាល័យផលិតកម្មបសុព្យាបាលខេត្តបន្ទាយមានជ័យ បានអោយដឹងថា ដោយមានការយកចិត្តទុដាក់ពីឯកឧត្តមរដ្ឋមន្ត្រីក្រសួងកសិកម្ម និងនាយកដ្ឋានផលិតកម្មបសុព្យាបាល លើសុខភាពសត្វជៀសវាងមានជំងឺឆ្លងដោយរដូវនេះជារដូវវស្សាមានភ្លៀងធ្លាក់ និងអាចមានទឹកជំនន់ការិយាល័យបសុពេទ្យបានចុះធ្វើការចាក់វ៉ាក់សាំងការពារជំងឺឆ្លងនៅតំបន់ដែលធ្លាប់មានជំងឺអុដក្តាមកើតឡើង ។
ការចាក់វ៉ាក់សាំងនេះក៏មាន ការជួបសំណះសំណាលជាមួយប្រជាពលរដ្ឋជាម្ចាស់គោ ក្របី និងពលរដ្ឋដ៏ទៃទៀតអោយស្គាល់ពីរោគសញ្ញានៃជំងឺអុដក្តាមដែលកើតឡើងលើសត្វគោ និងបានចាក់វ៉ាក់សាំងបង្ការការពារដល់គោក្របីប្រមាណជាង ៣០០ក្បាល ។ ជាមួយគ្នានោះក៏បានណែនាំដល់បងប្អូនប្រយ័ត្នបើមានមាន់ទាឈឺ ឬងាប់ត្រូវកប់ចោលកុំប៉ះពាក់ ឬមិនត្រូវយកមកចំអិនជាអាហារ ព្រោះអាមានជំងឺផ្តាសាយបក្សីដែលអាចឆ្លងមកមនុស្សបាន បើមានការស្លាប់ច្រើនត្រូវរាយការណ៍ជូនអាជ្ញាធរ ឬសមត្ថកិច្ច ។ លោក ហ៊ុយ ទូច ប្រធានការិយាល័យបសុពេទ្យបានអោយដឹងថា សម្រាប់ឆ្នាំនេះបញ្ហាសុខភាពសត្វគឺល្អប្រសើរពុំមានការកើតនូវជំងឺធ្ងន់ធ្ងរនោះឡើយ ។
ដោយឡែកចំពោះសត្វគោក្របីថ្វីត្បិតតែឆ្នាំនេះ ការចិញ្ចឹមមានការថយចុះដែលមានប្រមាណជា ៨៩៥០០ ក្បាល បើប្រៀបធៀបទៅឆ្នាំមុន២០១៣ គឺមានប្រមាណជា ៩០០០០ក្បាល ថយចុះតិចតួចដោយសាតែប្រជាកសិករ កែប្រែពីការចិញ្ចឹមគោជាកំលាំងអូសទាញ មកជាការចិញ្ចឹមគោពូជន៍ សម្រាប់លក់យកសាច់ដែលមានតំលៃថ្លៃ បានផលច្រើន ម្យ៉ាងទៀតដោយសារតែកង្វះស្មៅធម្មជាតិ ខ្វះកំលាំងពលកម្មសម្រាប់មើលថែគោ ។ ថ្វីត្បិតតែចំនួនមានការថយចុះក៏ពិតមែន តែចំណូលពីការចិញ្ចឹមសត្វគោមិនបានថយចុះនោះទេ ។
ការប្រែក្លាយការចិញ្ចឹមគោច្រើន មកចិញ្ចឹមគោតិចដែលជាគោពូជន៍និងមានតំលៃនេះ វាមិនបានប៉ះពាល់ដល់ចំណូលសេដ្ឋកិច្ចគ្រួសារពួកគាត់ឡើយ គឺកាន់តែមានភាពង៉ាយស្រួលដោយមិនចាំបាច់ប្រើកំលាំងពលកម្មច្រើន ង៉ាយមើលថែ ។ ទាំងអស់នេះដោយសាតែពួកគាត់បានយល់ដឹងច្បាស់ពីការចិញ្ចឹម ការថែទាំសត្វ និងការប្រើវ៉ាក់សាំងបង្កាជំងឺឆ្លង ពីសំណាក់ការិយាល័យបសុពេទ្យ និងពីសំណាក់អាជ្ញាធរខេត្ត មន្ទីរជំនាញដែលបានលើកទឹកចិត្តគិតគូរដល់ពួកគាត់អោយមានការចិញ្ចឹមសត្វពីតាមបែបធម្មជាតិ មកគ្រប់គ្រងនិងមិនត្រូវចិញ្ចឹមសម្រាប់ទុកជាកំលាំងអូសទាញនោះទេ ព្រោះថាបច្ចុប្បន្ន កសិករលេងប្រើសត្វជាកំលាំងអុសទាញទៀតហើយ គឺគេចិញ្ចឹមសត្វសម្រាប់ផ្គត់ផ្គង់ជាអាហារ ៕ 
