ម៉ិកស៊ិកូ៖ យ៉ាងហោចណាស់មានក្រុមអ្នកលេងឬក្រុមចលនាឧក្រិដ្ឋជនចំនួន ២២នាក់នៅប្រទេសម៉ិកស៊ិក ត្រូវបានយោធាបាញ់សម្លាប់ អំឡុងពេលប៉ះទង្គិចគ្នា នៅក្នុងរដ្ឋភាគកណ្តាលប្រទេសនេះ ។ នេះបើតាមវេបសាយបរទេសផ្សាយកាលពីថ្ងៃអង្គារ ទី០១ ខែកក្កដា ឆ្នាំ ២០១៤ នេះ។
ការប្រយុទ្ធគ្នាបានកើតឡើងនៅពេលព្រឹក ថ្ងៃចន្ទ ស្ថិតនៅសហគមន៍ អានខុន ដឺ ឡូស ឃើរីឡេស ( Ancon de los Curieles )នៃទីក្រុងត្លាត្លាយ៉ា (Tlatlaya )ដោយយោធាបានចេញ ប្រតិបត្តិការបោសសម្អាតក្រុមសម្ព័ន្ធអ្នកចម្បាំង ដែលមានឈ្មោះថា ហ្គឺរើរ៉ូស យូឌីដូស“Guerreros Unidos” (United Warriors) group ។ នៅ ក្នុងការប្រយុទ្ធគ្នានោះក៏បានបណ្តាលឲ្យទាហានម្នាក់រងរបួសផងដែរ។ ចំពោះមនុស្សស្លាប់ទាំងអស់ ត្រូវបានយោធាទុកនៅសាលតម្កល់ក្នុងទីក្រុងដើម្បីរង់ចាំ សាច់ញាតិ ពួកគេមកយកទៅធ្វើបុណ្យ។ នេះបើតាមមន្ត្រីម៉ិកស៊ិកបានរាយការណ៍ប្រាប់ បណ្តាញសារព័ត៌មាននានា៕
