កំពង់ធំ៖ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានយកចិត្តទុកដាក់ ចំពោះកងកម្លាំងគ្រប់វរសេនាតូចទាំង២ និងផ្នែកសឹករង ស្រុកក្រុងទាំង៨ ចំណុះឲ្យ បញ្ជាការដ្ឋានតំបន់ប្រតិបត្តិការសឹករងកំពង់ធំ យោធភូមិភាគទី៤ ក្រោមការចង្អុលបង្ហាញ ណែនាំពីសំណាក់ ឯកឧត្តម ឧត្តមសេនីយ៍ឯក បណ្ឌិតហ៊ុន ម៉ាណែត មេបញ្ជាការកងទ័ពជើងគោក ឲ្យថ្នាក់ដឹកនាំ បន្តពង្រឹងភាពជិតសិទ្ធិជាមួយកងកម្លាំងមន្រ្តីក្រោមឳវាទ ។
ជាក់ស្តែង ឧត្តមសេនីយ៍ទោ សោម ស៊ុន បានដឹកនាំ ថ្នាក់ដឹកនាំ នៃបញ្ជាការតំបន់ប្រតិបត្តិការសឹករងកំពង់ធំ ចុះសំណេះសំណាល សួរសុខទុក្ខ និងក្តោបក្តាប់សភាពការណ៍ សន្តិសុខ សណ្តាប់ធ្នាប់ នៅគោលដៅឈរ ជើងរបស់វរសេនាតូចលេខ២ ដោយមានការអញ្ជើញចូលរួម ពីសំណាក់ក្រុមប្រឹក្សាឃុំ លោកនាយប៉ុស្តិ៍រដ្ឋបាលឃុំ លោកមេភូមិ ស្ថិតនៅឃុំក្រយា ស្រុកប្រាសាទបល្ល័ង្ក ខេត្តកំពង់ធំ នាព្រឹកថ្ងៃទី ១៩ ខែមីនា ឆ្នាំ ២០១៩។
ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានសរសើរលោក មេបញ្ជាការកងឯកភាពអាជ្ញាធរដែនដី ដែលបានសហការ គ្រប់គ្រង់សភាពការណ៍ សន្តិសុខបានល្អ ក្នុងការខិតខំបម្រើដល់កងកម្លាំងក្រោមឱវាទ និងប្រជាពលរដ្ឋ រួមទាំងបាន អនុវត្តគោលនយោបាយភូមិឃុំមានសុវត្ថិភាពទាំង 9 ចំណុច របស់រាជរដ្ឋាភិបាល ។
ឯកឧត្តម ឧត្តមសេនីយ៍ទោ សោម ស៊ុន បានផ្សព្វផ្សាយពីបទបញ្ជាទាំង ១០ ចំណុច និងអភិក្រម ទាំង ៥ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា គឺ ឆ្លុះកញ្ចក់ ,ងូតទឹក ,ដុះក្អែល ,ព្យាបាល និងវះកាត់ ជូនដល់អាជ្ញាធរដែនដី និងកងកម្លាំងទាំងអស់ ដើម្បីអនុវត្តឲ្យមានប្រសិទ្ធភាពផងដែរ ចុងក្រោយ ឯកឧត្តម សោម ស៊ុន បានជួយដោះស្រាយស៊ីម៉ង់ត៍ ០១ តោន និងថវិកាមួយចំនួន ជូនក្រុមប្រឹក្សាឃុំ ក្នុងការចូលរួមកសាងសាលាឆទាន ០១ ខ្នង ខណៈពេលដែលកំពុងសាងសង់ សម្រាប់ជាប្រយោជន៍របស់ប្រជាពលរដ្ឋ ។
ដោយ ប៊ុន រដ្ឋា