កំពង់ធំ ឯកឧត្ដម សុខ លូ អភិបាលខេត្តកំពង់ធំ បានអញ្ចើញជាអធិបតីក្នុងពិធី ប្រជុំបូកសរុបលទ្ធផលការងារយោធាសន្តិសុខឆ្នាំ២០១៨និងលើកទិសដៅ អនុវត្តឆ្នាំ២០១៩ ដោយមានការអញ្ចើញចូលរួម លោក ឧត្តមសេនីយ៍ទោ សុក រីនណា មេបញ្ជាការរង យោធភូមិភាគទី៤ លោក ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ក្នុងកិច្ចប្រជុំនេះផងដែរ មានអង្គភាព វរសេនាតូចទាំង២និងផ្នែកសឹករង ស្រុកក្រុងទាំង៨ ចូលរួមនៅសាលប្រជុំ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ នាព្រឹកថ្ងៃទី២២ ខែមីនាឆ្នាំ២០១៩។
លោក ឧត្តមសេនីយ៍ទោ សោម ស៊ុន បានសម្តែង នូវកិច្ចស្វាគន៍ចំពោះគណអធិបតី ដែលបានអញ្ជើញចូលរួមក្នុង កិច្ចប្រជុំ រួមទាំងបាន បញ្ជាក់ពីលទ្ធផលសំខាន់ៗដែលបានអនុត្តឆ្នាំ២០១៨ កន្លងមក និងបានលើកទិសដៅអនុវត្តឆ្នំា២០១៩ ឲ្យទទួលបានជោគជ័យ ទី១ ត្រៀមរៀបចំពិធីសម្ពោធដាក់ឲ្យប្រើប្រាស់អាគារ១០ខ្នង ដែលជាអំណោយភាគគីមិត្តទីក្រុងហូជីមិញ ដែលមានតំលៃសរុប៤៣៥.០០០ដុល្លា ទី២ ត្រៀមកម្លាំងការពារជួយអន្តរាគមន៍ និង សម្រួលជូនប្រជាពលរដ្ឋ និងបង្កើតឲ្យមានល្បែងប្រជាប្រិយ ដើម្បីសេចក្តីសប្បាយរីករាយ របស់កងកម្លាំង នៅក្នុង ឳកាសបុណ្យចូលឆ្នាំប្រពៃណីខ្មែរខាងមុខនេះ ។ទី៣ ត្រៀមបើកការហ្វឹកហ្វឺដល់កងម្លាំង ទី៤ បន្តសហការជាមួយអាជ្ញាធរដែនដី និងបន្តការចូលរួមអនុវត្តគោលនយោបាយភូមិ ឃុំ មានសុវត្តិភាព និងត្រៀមទទួលបទបញ្ជារបស់មេបញ្ជាការ យោធភូមិភាគទី៤ បន្តការអប់រំចិត្តសាស្រ្ត ផ្សព្វផ្សាយអំពីច្បាប់ និងសភាពការថ្មី យកចិត្តទុកដាក់ការងារអតីតយុទ្ធជន ដល់មូលដ្ឋាន និងតាមខ្នងផ្ទះ សិក្សាពិនិត្យជាក់ស្តែង ជីវភាពអតីតយុទ្ធជនដើម្បី អនុវត្តគោលនយោបាយដោះស្រាយ តែការណែនាំចង្អុលបង្ហាញពី ឯកឧត្តម ទេសរដ្ឋមន្រ្តី គន់ គីម អគ្គលេខា ធិការសមាគមអតីតយុទ្ធជនកម្ពុជា ។
ឯកឧត្តម សុក រីនណា មេបញ្ជាការរង នាយសេនាធិការយោធភូមិភាគទី៤ ជម្រុញឲ្យយកចិត្តទុកដាក់បន្ថែម ទៀតលើការងារកសាងអង្គភាពរឹងមាំលើ និងអនុវត្តន៍ផែនការប្រឡងប្រណាំង បន្តបម្រើអតីតយុទ្ធជន ចុះសួរសុខទុក្ខ ផ្តល់ជំនួយឧបត្ថម្ភ ដែលក្រុមគ្រួសារអតីតយុទ្ធជន មានការខ្វះខាត សាងសង់លំនៅដ្ឋានជូនបងប្អូនអតីតយុទ្ធជន ដែលមានជម្រកស្នាក់នៅមិនសមរម្យ លើកកំពស់ជីវភាពរស់នៅដល់អតីយុទ្ឋជនយើង និងការព្យាបាលជំងឺ ការថែទាំសុខភាព គោរពវិន័យរបស់កងកម្លាំង រួមទាំងរក្សាសណ្តាប់ធ្នាប់ជូនប្រជាពលរដ្ឋ ។
ឯកឧត្តម សុខ លូ ប្រធានគណបញ្ជាការឯកភាពរដ្ឋបាលខេត្តកំពង់ធំ បានកោតសរសើរ តំបន់សឹកងកំពង់ធំ បានបំពេញភារកិច្ចបានជោគជ័យតាមផែនការដែលថ្នាក់លើបានប្រគល់ និងការសាមគ្គីភាពឯកភាពផ្ទៃក្នុងបានល្អ របស់ថ្នាក់ដឹកនាំ និងយោធិនក្រោមឱវាទទាំងអស់ ក្រោមការដឹកនាំរបស់បញ្ជាការដ្ឋានយោធភូមិភាគទី៤ និងគណបញ្ជាការឯកភាពរដ្ឋបាលខេត្តកំពង់ធំ និងបានអំពាវនាវ ឲ្យកងកម្លាំងទាំងអស់ ត្រូវខឹតខំថែរក្សាសុខភាព ដើម្បីបន្តបម្រើប្រជាជន ពេលប្រជាជនមានទុក្ខលំបាក ពិសេសក្នុងរដូវប្រាំងនេះដែលអាចខ្វះខាតទឹកប្រើប្រាស់ ហ្វឹកហ្វឺនកងទ័ព ពង្រឹងកងកម្លាំងការពារជាតិ រក្សាសន្តិសុខ សុវត្ថិភាពសេចក្ដីសុខសាន្តជូនប្រជាជន ពិសេសទោះបីក្នុងតម្លៃណាក៍ដោយត្រូវរក្សាឲ្យបានសន្តិភាព និងការការពារឲ្យបានដាច់ខាតនូវរាជរដ្ឋាភិបាលស្របច្បាប់ដែលកើតឡើងដោយការបោះឆ្នោត ។ ដោយ ប៊ុន រដ្ឋា 
