ក្រុមភេរវកម្មអ៊ិស្លាមជ្រុលនិយម ដែលហៅថា ប្រទេសអ៊ិស្លាម “IS”បាន ជ្រើសរើស និងចាប់ខ្លួនកុមារដែលមាន អាយុចាប់ពី១០ឆ្នាំឡើងបណ្ដុះបណ្ដាល សម្រាប់វាយប្រហារភេរវកម្មនៅក្នុង ប្រទេសអ៊ីរ៉ាក់ និងស៊ីរី ។ សារព័ត៌មានរ៉យទ័របានផ្សព្វផ្សាយ ថា នៅពេលដែលមានមនុស្សជាតិច្រើន ចូលរួមជាមួយក្រុម IS ដោយស្ម័គ្រចិត្ដ
ក៏មានកុមារមួយចំនួនទៀតត្រូវចាប់ បង្ខំឱ្យចូលរួមជាមួយក្រុមនេះ ។ ក្រុម ឧទ្ទាមស្ម័គ្រចិត្ដចូលរួមមានវ័យក្មេង បំផុតឈ្មោះអាប់ដុលឡោះ ដែលមាន អាយុទើបតែ១០ឆ្នាំប៉ុណ្ណោះ ។ ទាំងនោះ ជាក្រុមខ្មាន់កាំភ្លើងដែលជាក្ដីសង្ឃឹម របស់ក្រុមឧទ្ទាមអ៊ិស្លាមដែលប៉ុនប៉ង គ្រប់គ្រងបង្កើតប្រទេសអ៊ិស្លាមនៅ អ៊ីរ៉ាក់ និងស៊ីរី ។ សារព័ត៌មាន Daily Beast បានផ្សព្វ ផ្សាយថាក្រុម IS បានជ្រើសរើសបន្ថែម ទាហានពី៧ពាន់នាក់ដល់១ម៉ឺននាក់មាន អាយុពី១០ឆ្នាំឡើង ក្រោយពេលដែល ក្រុមនេះដណ្ដើមបានការគ្រប់គ្រងនៅ តំបន់ភាគខាងជើងប្រទេសអ៊ីរ៉ាក់ ។ ដោយឡែកនៅតំបន់ម៉ូសាល មាន ក្រុមខ្មាន់កាំភ្លើងចូលថ្មីរហូតដល់៤ពាន់ នាក់ ។
ក្រោយពេលដែលដណ្ដើមបាន ទីតាំងនៅទីគ្រប់គ្រងពីរដ្ឋាភិបាល ក្រុម អ៊ិស្លាមផ្ដាច់ខ្លួនបានដើររកចាប់បុរស ដែលមានវ័យចាប់ពី១០ឆ្នាំ៣៥ឆ្នាំចូល បម្រើក្នុងជួរកងទ័ពរបស់ពួកគេ ។ ក្រុម ដែលចាប់ខ្លួនថ្មីៗ នឹងឆ្លងកាត់ការបណ្ដុះ បណ្ដាលរយៈពេល២៥ថ្ងៃ រួចបញ្ជូនចូល ក្នុងសមរភូមិ ។ កាលពីខែមិថុនា កន្លងមក ក្រុម ឧទ្ទាមអ៊ិស្លាមបានចាប់ខ្លួនកុមារមាន អាយុ១០ឆ្នាំ១៣៣នាក់ និងយុវជន១៥៩ នាក់នៅទីក្រុងអាឡែប៉ូប្រទេសស៊ីរីដើម្បី ចូលរួមក្នុងសមរភូមិវាយប្រហារក្នុង ប្រទេសអ៊ីរ៉ាក់ ។ នៅក្នុងរបាយការណ៍របស់អង្គការ ឃ្លាំមើលសិទ្ធិមនុស្សអន្ដរជាតិបានឱ្យ ដឹងថា កុមារដែលចូលរួមធ្វើទាហានឱ្យ ក្រុមខ្មាន់កាំភ្លើងអ៊ិស្លាម នឹងទទួលបាន ប្រាក់ខែស្មើមនុស្សធំ គឺ២០០ដុល្លារក្នុង មួយខែ
