ខេត្តកំពង់ឆ្នាំង ថ្ងៃពុធ ១៤រោច ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៣ ខែមេសា ឆ្នាំ២០១៩ វេលាម៉ោង ៧:០០នាទីព្រឹក ក្រោមការបញ្ជាផ្ទាល់របស់ ឯកឧត្តម ឧត្តមសេនីយ៍ទោ ធន ធឿន ប្រធានសមាគមអតីតយុទ្ធជនខេត្ត បានប្រគល់ភារកិច្ចឲ្យលោកវរសេនីយ៍ត្រី អៀម វណ្ណនី យកឈើគ្រឿងផ្ទះចំនួន ០៣ខ្នង ដែលជាអំណោយដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន ទៅតម្លើងជូន :
១. លោក យ៉ន សាវិន ជាសមាជិកសមាគមអតីត យុទ្ធជនកម្ពុជា នៅភូមិជំទាវ ឃុំច្រេស ស្រុកកំពង់ត្រឡាច ខេត្តកំពង់ឆ្នាំង។២. លោក សោម សំបូរ ជាសមាជិកសមាគមអតីត យុទ្ធជនកម្ពុជា នៅភូមិលាជ ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង ។៣. លោក នួន នន់ ជាសមាជិកសមាគមអតីតយុទ្ធជនកម្ពុជា នៅភូមិពេជ្យចង្វា ឃុំពេជ្យចង្វា ស្រុកបរិបូរណ៌ ខេត្តកំពង់ឆ្នាំង។
ជាចុងបញ្ចប់ សមាជិក ស.អ.ក រួមនឹងក្រុមគ្រួសារ បានថ្លែងនូវអំណរអរគុណយ៉ាងជ្រាលជ្រៅបំផុតចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រធានសមាគមអតីតយុទ្ធជនកម្ពុជា ដែលជានិច្ចជាកាល តែងតែយកចិត្តទុកដាក់បំផុត ដល់បងប្អូនអតីតយុទ្ធជនទូទាំងប្រទេស សូមសម្តេច មានសុខភាពល្អ បរិបូណ៍ ជន្មាយុយឺនយូរ បន្តដឹកនាំប្រទេសជារៀងរហូត និងសូមអរគុណដល់ ឯកឧត្តម គន់ គីម ទេសរដ្ឋមន្ត្រី , ឯកឧត្តមអភិបាលខេត្ត ,ឯកឧត្តម ធន ធឿន ប្រធានសមាគមអតីតយុទ្ធជនខេត្ត រួមជាមួយក្រុមការងារ ជួបប្រទះពុទ្ធពរ៤ ប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ។
