កំពង់ឆ្នាំង៖ «ដើមឈើមានសារៈសំខាន់ណាស់ផ្តល់មកនូវម្លប់ ផ្លែផ្កា អុសសំរាប់ដុត ជាឈើសំណង់ ជាជំ រកសត្វព្រៃ ជំរកមច្ឆាជាតិ ជារបាំងខ្យល់ របាំងទឹកជំនន់ និងនាំមកនូវទឹកភ្លៀងសំរាប់បង្កបង្កើនផល ចិញ្ចឹ មជីវិតមនុស្សផងដែរ ដូច្នេះយើងត្រូវរួមគ្នាដាំដើមឈើអោយបានច្រើនរៀងរាល់ឆ្នាំ » នេះគឺជាសេចក្តីអំ ពាវនាវ របស់ឯកឧត្តម ឈួរ ចន្ទ័ឌឿន គណៈអភិបាលខេត្តកំពង់ឆ្នាំង ក្នុងការប្រារពពិធីបុណ្យរុក្ខទិវា ០៩ ខែកក្កដា ឆ្នាំ២០១៤ ខួបលើកទី២១ នៅក្នុងវិទ្យាល័យសម្តេចអគ្គមហាធម្មពោធិ៍សាល ជា ស៊ីម កំពង់ត្រឡាច ស្ថិតនៅក្នុងភូមិសំរោង ឃុំតាជេស ស្រុកកំពង់ត្រឡាច នៅព្រឹកថ្ងៃទី០៣ ខែកក្កដា ឆ្នាំ២០១៤។
នៅក្នុងអង្គពិធីលោក ស៊ិន កុសល នាយខណ្ឌ័រដ្ឋបាលព្រៃឈើកំពង់ឆ្នាំងបានរាយការណ៍អោយ ដឹងថា៖នៅក្នុងឆមាសទី១ នៃ៦ខែដើមឆ្នាំ២០១៤ ខណ្ឌ័រដ្ឋបាលព្រៃឈើកំពង់ឆ្នាំង សំរេចបានៈ ទប់ស្កាត់ បទល្មើសព្រៃឈើសត្តព្រៃបាន២៨ករណី និងបានចាត់ការតាមនិតិវិធី ក្នុងនោះបានបង់ប្រាក់ពិន័យអន្តរការណ៍០៧ករណី សន្និធិ០២ករណី ពញ្ចូនទៅតុលាការខេត្ត២៤ករណី កំពុងកសាងឯកសារ១៤ករណី រុះរើកំទេចចោល០១ករណី។
វត្ថុតាងនៃបទល្មើសរួមមានឈើប្រណិតចម្រុះ ៤៥ ,០៧១ម៉ែត្រគូប អុស៣៤០,៥០ស្ទែរ ឈើអារ ចម្រុះ១៥,៩៤៩ម៉ែត្រគូប រថយន្ត២០គ្រឿង គោយន្ត០១គ្រឿង កាណូត០១គ្រឿង ដកហូតរណាយន្ត កាត់ឈើ០៥គ្រឿង។ទប់ស្កាត់និងបង្កាបការកាប់រៀនវាតយកដីព្រៃឈើ ដោយសហការណ៍ជាមួយអាជ្ញា ធរមូលដ្ឋានបាន០៥ករណី មានផ្ទៃដី១២៦,១០២ហិកតា ។ផ្សព្វផ្សាយច្បាប់ស្តីពីព្រៃឈើបាន១២លើក មានប្រជាពលរដ្ឋចូលរួម៥០៣នាក់ ស្រី៣២៨នាក់។សហគមព្រៃឈើសរុបមាន៣៤កន្លែង លើផ្ទៃដីសរុប១១.៥៧១,៩៩ហិកតា បណ្តុះកូនឈើសរុបបាន
១៨.៩៤៦ដើម ចែកជូនសហគមន៍ ប្រជាពលរដ្ឋ និងវត្តអារាមបានសរុប ១២,៨៨២ដើម ចិញ្ចឹមនិងបង្កាត់ពូជសត្វស្វាក្តាម១.៤៣៣ក្បាល មកដល់ពេលនេះមេ បា និងកូនស្វាកើតថ្មីសរុប៣.៧៩៥ក្បាល។ ឯកឧត្តម ឈួរ ចន្ទ័ឌឿន គណៈអភិបាលខេត្តកំពង់ឆ្នាំង បានមានប្រសាសន៍ក្នុងពិធីនេះថា៖ពិធីបុណ្យរុក្ខទិវានេះ គឺជាវប្បធម៌ដ៏ឧត្តម ដែលប្រជាជាតិកម្ពុជាបានចូលរួមយ៉ាងសកម្ម និងធ្វើអោយកម្មភា ពនៃទិវានេះមានជារៀងរហូតនៅក្នុងសង្គមជាតិយើង ដែលធ្វើអោយតំបន់ដីព្រៃរេចរិល ដាំដុះដីព្រៃឈើ ឡើងវិញនិងចូលរួមការពារព្រៃឈើអោយដែលមានអោយគង់វង្សកាន់តែប្រសើរឡើង។
ក្នុងនាមអាជ្ញាធរ និងប្រជាពលរដ្ឋខេត្តកំពង់ឆ្នាំង សូមគាំទ្រគោលនយោបាយកែទំរង់វិស័យព្រៃឈើ និងដីធ្លីដែលរាជរដ្ឋាភិបាលកំពុងខិតខំក្នុងពេលកន្លងមករហូតដល់បច្ចុប្បន្ន នៅក្នុងយុទ្ធសាស្ត្រចតុកោណសព្វថ្ងៃ ពិសេសការទប់ស្កាត់និងបង្ក្រាបភាពយ៉ាងអាណាធិប្បតេយ្យក្នុងវិស័យព្រៃឈើ។ នៅក្នុងទិវានេះដែរឯកឧត្តមអភិបាលខេត្ត សូមអំពាវនាវដល់ព្រះសង្ឃគ្រប់ព្រះអង្គ អាជ្ញាធរគ្រប់ លំដាប់ថ្នាក់ បងប្អូនជនរួមជាតិនៅទូទាំងខេត្ត សូមព្រះមេត្តា និងមេត្តាបង្កើនសកម្មភាពដាំដុះដើមឈើ គ្រប់ប្រភេទ នៅតាមវត្តអារាម ទីធ្លាសាធារណៈ ក្នុងបវិ
វេណគ្រឹៈស្ថានសិក្សា តាមដងផ្លូវលំ ផ្លូវជាតិ តាម ទំនប់ ប្រឡាយ ភូមិដ្ឋាននានា និងតាមស្រែចំការ។ល។ ព្រោះថា«ដើមឈើមានសារៈសំខាន់ណាស់ផ្តល់មកនូវម្លប់ ផ្លែផ្កា អុសសំរាប់ដុត ជាឈើសំណង់ ជាជំរកសត្វព្រៃ ជំរកមច្ឆាជាតិ ជារបាំងខ្យល់ របាំងទឹកជំនន់ និងនាំមកនូវទឹកភ្លៀងសំរាប់បង្កបង្កើនផល ចិញ្ចឹមជីវិតមនុស្សផងដែរ ដូច្នេះយើងត្រូវរួមគ្នាដាំដើមឈើអោយបានច្រើនរៀងរាល់ឆ្នាំ » ។
ក្នុងពិធីនេះដែរ ឯកឧត្តមអភិបាលខេត្ត មន្ត្រីរាជការ កងកម្លាំងប្រដាប់អាវុធ ព្រះសង្ឃ សិស្សានុសិ ស្ស លោកគ្រូអ្នកគ្រូ ដែលបានចូលរួមក្នុងពិធីចំនួន៥៤៥នាក់ បាននាំគ្នាដាំដើមឈើចំនួន១.១០០ដើមនៅ ក្នុងបរិវេណនៅក្នុងវិទ្យាល័យសម្តេចអគ្គមហាធម្មពោធិ៍សាល ជា ស៊ីម កំពង់ត្រឡាច ដើម្បីទុកជាមរតក និងជាគំរូអោយកូនចៅជំនាន់ក្រោយរបស់យើង៕
