ភ្នំពេញ ៖ នារីម្នាក់បានស្លាប់បាត់បង់ជីវិតរីឯនារី និងយុវជន ២នាក់ទៀត បានរងរបួសធ្ងន់ធ្ងរ ខណៈដែលអ្នកទាំង៣ ជិះម៉ូតូម៉ាកស្តេប ពណ៌ខ្មៅ ១គ្រឿងពាក់ស្លាក់លេខ 1AB-2577 ហើយត្រូវ ក្រុមក្មេងស្ទាវផ្សេងទៀតជិះដេញវាយតាមផ្លូវលុះមកដល់ចំណុចផ្លូវកោងក៏បានជ្រុលល្បឿនចូលទៅប្រឡោះផ្ទះប្រជាពលរដ្ឋធ្លាក់ផ្លូវកប់ភក់ស្លាប់ម្នាក់ និងរបួសធ្ងន់ធ្ងរ ២នាក់។ ហេតុការណ៍នេះ បានកើតឡើងកាលពីវេលាម៉ោង ១២និង ០៥នាទី យប់រំលងអាធ្រាត្រឈានចូល ថ្ងៃទី១៩ កុម្ភៈ ២០១៤តាមបណ្តោយផ្លូវ២៧១ ចំណុចមុខផ្ទះលក់អាគុយរថយន្តនិងម៉ូតូគ្រប់ប្រភេទ យីហោ ឌួង ចិត្រាស្ថិតក្នុងសង្កាត់ទឹកល្អក់ទី២ ខណ្ឌទួលគោក។
ក្រោយកើតហេតុជនរងគ្រោះ ទាំង ២នាក់ត្រូវរថយន្តសាមុយដឹកទៅសង្គ្រោះនៅមន្ទីរពេទ្យចំណែកនារីម្នាក់ដែលស្លាប់កប់ភក់ រួមទាំងម៉ូតូសមត្ថកិច្ចបានចុះអន្តរាគមន៍ទាក់ទងទៅក្រុមគ្រួសារឲ្យមកទទួលយកសព៕ 
